Volkswagen Virtus : ഫോക്സ്വാഗണ് വിര്ടസ് നാളെ എത്തും
Synopsis
മാനുവൽ, ഓട്ടോമാറ്റിക് ട്രാൻസ്മിഷനുകളുമായി ജോടിയാക്കിയ 1.0, 1.5 TSI പെട്രോൾ എഞ്ചിനുകളാണ് മോഡലിന് കരുത്ത് പകരുന്നത്.
ജര്മ്മന് (German) വാഹന ബ്രാന്ഡായ ഫോക്സ്വാഗൺ (Volkswagen) ഇന്ത്യ നാളെ വിർടസ് സെഡാൻ രാജ്യത്ത് അവതരിപ്പിക്കാൻ ഒരുങ്ങുന്നു. വെന്റോയുടെ പിൻഗാമിയായി മാറുന്ന മോഡൽ, 2022 മെയ് മാസത്തിൽ ഇന്ത്യയിൽ ലോഞ്ച് ചെയ്യും. ഡെലിവറികൾ അതേ സമയം തന്നെ ആരംഭിക്കും.
ഫോക്സ്വാഗൺ ടൈഗൺ മാത്രമല്ല, സ്കോഡ കുഷാക്ക് , സ്കോഡ സ്ലാവിയ സെഡാൻ എന്നിവയുടെ അടിത്തറയും സൃഷ്ടിക്കുന്ന അതേ MQB-A0-IN പ്ലാറ്റ്ഫോമിലാണ് ഫോക്സ്വാഗൺ വിര്ടസ് സെഡാനും എത്തുന്നത്. മാനുവൽ, ഓട്ടോമാറ്റിക് ട്രാൻസ്മിഷനുകളുമായി ജോടിയാക്കിയ 1.0, 1.5 TSI പെട്രോൾ എഞ്ചിനുകളാണ് മോഡലിന് കരുത്ത് പകരുന്നത്.
ബാഹ്യ രൂപകൽപ്പനയുടെ കാര്യത്തിൽ, പുതിയ ഫോക്സ്വാഗൺ വിർടസിന്റെ ടീസർ ചിത്രങ്ങൾ ക്രോം സറൗണ്ടുകളുള്ള സിംഗിൾ സ്ലാറ്റ് ഗ്രിൽ, സംയോജിത എൽ-ആകൃതിയിലുള്ള എൽഇഡി ഡിആർഎല്ലുകളുള്ള എൽഇഡി പ്രൊജക്ടർ ഹെഡ്ലാമ്പുകൾ, ഇരുവശത്തും ഫോഗ് ലൈറ്റുകളുള്ള വിശാലമായ എയർ ഡാം എന്നിങ്ങനെ കുറച്ച് വിശദാംശങ്ങൾ വെളിപ്പെടുത്തിയിട്ടുണ്ട്.
ഫ്രണ്ട് ഫെൻഡറുകളിൽ GT ലൈൻ ബാഡ്ജിംഗ്, പുതിയ ഡ്യുവൽ-ടോൺ അലോയ് വീലുകൾ, ഒരു ഷാര്ക്ക് -ഫിൻ ആന്റിന, ഡോർ ഹാൻഡിലുകൾക്ക് ക്രോം ഇൻസേർട്ട്, കോൺട്രാസ്റ്റ് ബ്ലാക്ക് ORVM-കളും മേൽക്കൂരയും, റാപ്-എറൗണ്ട് എൽഇഡി ടെയിൽ ലൈറ്റുകൾ തുടങ്ങിയവ ലഭിക്കും.
വരാനിരിക്കുന്ന ഫോക്സ്വാഗൺ വിർറ്റസിന്റെ അകത്ത് ആപ്പിൾ കാർപ്ലേ, ആൻഡ്രോയിഡ് ഓട്ടോ എന്നിവയ്ക്കൊപ്പം 10 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം, ഇലക്ട്രിക് സൺറൂഫ്, ഓട്ടോമാറ്റിക് ക്ലൈമറ്റ് കൺട്രോൾ, വെന്റിലേറ്റഡ് ഫ്രണ്ട് സീറ്റുകൾ, ഫുൾ ഡിജിറ്റൽ ഇൻസ്ട്രുമെന്റ് ക്ലസ്റ്റർ, ക്രൂയിസ് കൺട്രോൾ, വയർലെസ് എന്നിവ സജ്ജീകരിക്കുമെന്ന് പ്രതീക്ഷിക്കുന്നു.
അരങ്ങേറ്റത്തിന് മുന്നോടിയായി വിർടസിന്റെ ടീസറുമായി ഫോക്സ്വാഗണ്
ജര്മ്മന് (German) വാഹന നിര്മ്മാതാക്കളായ ഫോക്സ്വാഗണിന്റെ (Volkswagen) ഇടത്തരം സെഡാൻ ആയ വിര്ടസിനെ (Virtus) 2022 മാർച്ച് 8-ന് ആഗോളതലത്തിൽ അവതരിപ്പിക്കാന് ഒരുങ്ങുകയാണ്. ഇപ്പോഴിതാ ഫോക്സ്വാഗൺ വിർട്ടസ് സെഡാനെ ഔദ്യോഗികമായി ടീസ് ചെയ്തതായി ഹിന്ദുസ്ഥാന് ടൈംസ് ഓട്ടോ റിപ്പോര്ട്ട് ചെയ്യുന്നു.
ഇത് കമ്പനിയുടെ ഇന്ത്യ 2.0 പ്രോജക്റ്റിന് കീഴിലുള്ള രണ്ടാമത്തെ ഉൽപ്പന്നമാണ്. ജനപ്രിയമായ MQB A0 IN പ്ലാറ്റ്ഫോമിനെ അടിസ്ഥാനമാക്കിയാണ് വിര്ടസ് വരുന്നത്, 2022 മാർച്ച് 8-ന് കമ്പനിയുടെ പുതിയ ആഗോള സെഡാനായി ലോകത്തിൽ അരങ്ങേറ്റം കുറിക്കും.
“പുതിയ ഫോക്സ്വാഗൺ വിർറ്റസ് അതിന്റെ ചലനാത്മകവും വൈകാരികവുമായ ഡിസൈൻ ഭാഷയെ ഉത്തേജിപ്പിക്കുകയും ആകർഷിക്കുകയും ചെയ്യുന്നു. ആഗോള സെഡാൻ അതിന്റെ ആകർഷണീയതയിൽ ചലനാത്മകതയെ പ്രതിനിധീകരിക്കുന്നു, ബ്രാൻഡിന്റെ പ്രധാന ഡിഎൻഎ നിലനിർത്തുന്നു.. യഥാർത്ഥ ആഗോള വീക്ഷണത്തോടെ ഇന്ത്യയിലെ ഉപഭോക്താക്കളുടെ അഭിലാഷങ്ങൾ നിറവേറ്റുന്ന ഒരു സെഡാന്റെ മികച്ച ചിത്രീകരണമാണ് വിർറ്റസ്.." ഫോക്സ്വാഗൺ പാസഞ്ചർ കാർസ് ഇന്ത്യയുടെ ബ്രാൻഡ് ഡയറക്ടർ ആശിഷ് ഗുപ്ത പറഞ്ഞു.
‘വിർച്യുസോ’, ‘വിർച്യുസ്’ എന്നീ പദങ്ങൾ ചേർന്നതാണ് ‘വിർടസ്’ എന്ന പേരെന്ന് കമ്പനി പറയുന്നു. ഇത് ബ്രാൻഡിന്റെ പ്രധാന ഡിഎൻഎയെ ഉൾക്കൊള്ളുന്നുവെന്നും കമ്പനി അവകാശപ്പെടുന്നു. കമ്പനിയുടെ ഇന്ത്യയിലെ ശ്രേണിയില് നിന്ന് നീക്കം ചെയ്യാൻ സാധ്യതയുള്ള ജനപ്രിയ വെന്റോ സെഡാന്റെ പകരക്കാരനായാണ് ഫോക്സ്വാഗണ് വിര്ടസിനെ അവതരിപ്പിക്കുന്നത്.
വിപണിയിലെത്തുമ്പോൾ, എതിരാളികളായ മാരുതി സിയാസ്, ഹ്യുണ്ടായ് വെർണ, സെഗ്മെന്റ് ലീഡർ ഹോണ്ട സിറ്റി എന്നിവയ്ക്കെതിരായ വിര്ടസ് പോരാടും. സെഗ്മെന്റിലെ മറ്റ് എതിരാളികളെ അപേക്ഷിച്ച് വിര്ടസ് അൽപ്പം കൂടുതൽ പ്രീമിയം ആയിരിക്കുമെന്ന് പ്രതീക്ഷിക്കാം. ഇന്ത്യൻ വിപണിയിൽ അടുത്തിടെ അവതരിപ്പിച്ച സ്കോഡ സ്ലാവിയയുടെ സാങ്കേതിക ഇരട്ടയായിരിക്കും ഇത്. സ്കോഡയും ഫോക്സ്വാഗണും സ്ലാവിയ, വിർട്ടസ് തുടങ്ങിയ ഉൽപ്പന്നങ്ങൾ ഉപയോഗിച്ച് ഇന്ത്യയിൽ സെഡാൻ ഗെയിമിനെ ഉയർത്തുന്നു എന്ന് പ്രത്യേകം പറയേണ്ടതില്ല. ഈ മോഡലുകൾ എങ്ങനെ പ്രവർത്തിക്കുന്നു എന്നത് ശ്രദ്ധിക്കേണ്ടതാണ്.