ക്യാമറയിൽ കുടുങ്ങി, ഇന്ത്യൻ നിരത്തിൽ ഈ കാർ ആദ്യം, സംശയങ്ങൾ പലവിധം!
Synopsis
കമ്പനിയുടെ പരീക്ഷണ ആവശ്യങ്ങൾക്കാണ് റെനോ ഇത് ഉപയോഗിക്കുന്നതെന്നാണ് റിപ്പോര്ട്ടുകൾ. ഓട്ടോകാർ ഇന്ത്യ റിപ്പോര്ട്ടുകൾ സൂചിപ്പിക്കുന്നത്, പ്രത്യേക യൂണിറ്റ് പരിശോധനയ്ക്കായി ഇന്ത്യയിലേക്ക് ഇറക്കുമതി ചെയ്തതാണെന്നാണ്.
ഇന്ത്യൻ വിപണിയിൽ ഒരു പുതിയ ഇലക്ട്രിക് കാർ അവതരിപ്പിക്കാൻ ഒരുങ്ങുകയാണ് ഫ്രഞ്ച് വാഹന ബ്രൻഡായ റെനോ എന്ന് റിപ്പോര്ട്ട്. ഈ കാർ റെനോ മെഗനെ ഇ-ടെക് ആണെന്നാണ് റിപ്പോര്ട്ടുകൾ. ഇന്ത്യയിൽ ആദ്യമായി ഈ ഇലക്ട്രിക് കാർ പരീക്ഷണത്തിനിടെ കണ്ടെത്തി. കമ്പനിയുടെ പരീക്ഷണ ആവശ്യങ്ങൾക്കാണ് റെനോ ഇത് ഉപയോഗിക്കുന്നതെന്നാണ് റിപ്പോര്ട്ടുകൾ. ഓട്ടോകാർ ഇന്ത്യ റിപ്പോര്ട്ടുകൾ സൂചിപ്പിക്കുന്നത്, പ്രത്യേക യൂണിറ്റ് പരിശോധനയ്ക്കായി ഇന്ത്യയിലേക്ക് ഇറക്കുമതി ചെയ്തതാണെന്നാണ്.
റെനോ മഗനെ ഇ-ടെക് യൂറോപ്യൻ വിപണികളിൽ ഉടനീളം വിറ്റഴിക്കപ്പെടുന്നു. ഇത് ഹ്യുണ്ടായ് കോന ഇലക്ട്രിക്കിൻ്റെ എതിരാളികളാണ്. കമ്പനി വാഹനത്തിൻ്റെ പരീക്ഷണം നടത്തുന്നുണ്ടെങ്കിലും, ഇത് ഉടൻ തന്നെ ഇന്ത്യയിൽ അവതരിപ്പിക്കുമെന്ന് സ്ഥിരീകരിക്കാൻ കഴിയില്ല. 2020 മെഗെയ്ൻ ഇവിഷൻ കൺസെപ്റ്റിൻ്റെ പ്രൊഡക്ഷൻ പതിപ്പാണ് റെനോ മഗനെ ഇ-ടെക്. ഡിസൈനിൻ്റെ കാര്യത്തിൽ ഇത് ഒരു ടോൺ ഡൗൺ പതിപ്പാണ്.
റെനോ മെഗൻ ഇ-ടെക് CMF-EV പ്ലാറ്റ്ഫോമിനെ അടിസ്ഥാനമാക്കിയുള്ളതാണ്. കൂടാതെ ഒന്നിലധികം പാക്ക് ഓപ്ഷനുകളിൽ വാഗ്ദാനം ചെയ്യുന്നു. മഗൻ ഇ-ടെക്കിന് ഉള്ളിൽ ഓപ്പൺആറിൻ്റെ ഡിസ്പ്ലേ ലഭിക്കുന്നു, കൂടാതെ എൽ ആകൃതിയിലുള്ള ക്രമീകരണവും ഉൾപ്പെടുന്നു. 12.3 ഇഞ്ച് ഇൻസ്ട്രുമെൻ്റ് ഡിസ്പ്ലേയ്ക്കൊപ്പം 12 ഇഞ്ച് പോർട്രെയിറ്റ് ശൈലിയിലുള്ള ഇൻഫോടെയ്ൻമെൻ്റ് ടച്ച്സ്ക്രീനും ഉണ്ട്.
40kWh, 60kWh എന്നീ രണ്ട് ബാറ്ററി പാക്ക് ഓപ്ഷനുകളാണ് ഇവിയിൽ നൽകുന്നത്. അതേസമയം രണ്ട് മോട്ടോർ ഔട്ട്പുട്ട് ഓപ്ഷനുകൾക്കുള്ള ഓപ്ഷനുമുണ്ട്. ബാറ്ററി പാക്കിൻ്റെ അടിസ്ഥാന ഓപ്ഷൻ പരമാവധി 130 എച്ച്പി കരുത്തും 250 എൻഎം പീക്ക് ടോർക്കും നൽകുന്നു. മറുവശത്ത്, മറ്റ് ബാറ്ററി പായ്ക്ക് 218 എച്ച്പി പരമാവധി പവറും 300 എൻഎം പീക്ക് ടോർക്കും വാഗ്ദാനം ചെയ്യുന്നു. റേഞ്ചിൻ്റെ കാര്യം വരുമ്പോൾ, ബാറ്ററി ഓപ്ഷൻ അനുസരിച്ച് 470 കിലോമീറ്റർ വരെ മഗനെ ഇ-ടെക്കിന് പോകാനാകുമെന്ന് റെനോ അവകാശപ്പെടുന്നു.
കാറിൻ്റെ ചാർജിംഗ് ശേഷിയെക്കുറിച്ച് പറയുകയാണെങ്കിൽ, 22kW വരെ എസി ഉപയോഗിച്ച് ചാർജ് ചെയ്യാം. അതേസമയം ഡിസി പവറിൽ ഇത് 130 കിലോവാട്ട് വരെ ചാർജ് ചെയ്യാം. വരും ദിവസങ്ങളിൽ ഇലക്ട്രിക് കാറിനെക്കുറിച്ചുള്ള കൂടുതൽ വിവരങ്ങൾ റെനോ വെളിപ്പെടുത്തുമെന്ന് പ്രതീക്ഷിക്കുന്നു.