"അമ്പട കേമാ.." കഴിഞ്ഞ മാസം ഹോണ്ട ഇന്ത്യയില് വിറ്റത് ഇത്രയും ലക്ഷം ടൂവീലറുകള്!
Synopsis
ഹോണ്ട മോട്ടോര്സൈക്കിള് ആന്ഡ് സ്കൂട്ടര് ഇന്ത്യയുടെ 2022 ആഗസ്റ്റ് മാസത്തെ ആകെ വില്പന ഏഴ് ശതമാനം വര്ധിച്ച് 4,62,523 യൂണിറ്റിലെത്തി.
ജാപ്പനീസ് ഇരുചക്ര വാഹന ബ്രാന്ഡായ ഹോണ്ട മോട്ടോര്സൈക്കിള് ആന്ഡ് സ്കൂട്ടര് ഇന്ത്യയുടെ 2022 ആഗസ്റ്റ് മാസത്തെ ആകെ വില്പന ഏഴ് ശതമാനം വര്ധിച്ച് 4,62,523 യൂണിറ്റിലെത്തി. ഇതില് 4,23,216 യൂണിറ്റ് ആഭ്യന്തര വില്പനയും 39,307 യൂണിറ്റ് കയറ്റുമതിയുമായിരുന്നു. 2021 ആഗസ്റ്റില് ആകെ വിറ്റഴിച്ച 4,31,594 യൂണിറ്റുകളില് 4,01,480 യൂണിറ്റ് ആഭ്യന്തര വില്പനയും 30,114 യൂണിറ്റ് കയറ്റുമതിയായിരുന്നു എന്നും കമ്പനി വാര്ത്താക്കുറിപ്പില് അറിയിച്ചു.
മുന് മാസത്തെയും കഴിഞ്ഞ വര്ഷം ഇതേ കാലയളവിനെയും താരമത്യം ചെയ്യുമ്പോള് കമ്പനിയുടെ പ്രകടനം സ്ഥിരത കൈവരിയ്ക്കുകയാണ്. ഉല്പന്നങ്ങളുടെ വിപുലമായ ശ്രേണിയോടെ തങ്ങള് ഉത്സവ സീസണിനെ സ്വാഗതം ചെയ്യുകയാണ്. തങ്ങളുടെ എല്ലാ കേന്ദ്രങ്ങളിലും ലഭ്യമായ ആകര്ഷകമായ വായ്പാ പദ്ധതികള് ആഘോഷങ്ങള് ഇരട്ടിയാക്കുമെന്ന് ഉറപ്പുണ്ടെന്ന് ഹോണ്ട മോട്ടോര്സൈക്കിള് ആന്ഡ് സ്കൂട്ടര് ഇന്ത്യ മാനേജിംഗ് ഡയറക്ടറും പ്രസിഡന്റും സിഇഒയുമായ അറ്റ്സുഷി ഒഗാറ്റ പറഞ്ഞു.
ഹോണ്ട ആക്ടിവ പ്രീമിയം പതിപ്പ്, അറിയേണ്ടതെല്ലാം
കമ്പനിയില് നിന്നുള്ള മറ്റ് വാര്ത്തകള് പരിശോധിക്കുമ്പോള്, അടുത്തിടെ 75,400 രൂപയ്ക്ക് ആക്ടിവ പ്രീമിയം എഡിഷൻ ഹോണ്ട അവതരിപ്പിച്ചിരുന്നു. ഗോൾഡൻ വീലുകൾ, സ്വർണ്ണ നിറത്തിൽ പൂശിയ ഒരു എംബ്ലം എന്നിങ്ങനെ ചില സൗന്ദര്യവർദ്ധക നവീകരണങ്ങളും ഇതിന് ലഭിച്ചു. സീറ്റ് കവർ, ഫ്ലോർബോർഡ്, ആന്തരിക ബോഡി എന്നിവ ഇപ്പോൾ ബ്രൗൺ നിറത്തിലാണ്.
മറ്റൊരു വാര്ത്തയില് ഉത്സവ സീസണ് ലക്ഷ്യമിട്ട് പുതിയ ഷൈന് സെലിബ്രേഷന് എഡിഷനും ഹോണ്ട മോട്ടോര്സൈക്കിള് ആന്ഡ് സ്കൂട്ടര് ഇന്ത്യ അടുത്തിടെ ഇന്ത്യയില് അവതരിപ്പിച്ചു. സ്റ്റാൻഡേർഡ് ഷൈനുമായി താരതമ്യപ്പെടുത്തുമ്പോൾ കോസ്മെറ്റിക് അപ്ഗ്രേഡുകളോടെയാണ് സെലിബ്രേഷൻ എഡിഷൻ വരുന്നത്. ഡ്രം, ഡിസ്ക് വേരിയന്റുകളിലായി മാറ്റ് സ്റ്റീല് ബ്ലാക്ക് മെറ്റാലിക്, മാറ്റ് സംഗ്രിയ റെഡ് മെറ്റാലിക് നിറഭേദങ്ങളില് ലഭ്യമാണ്. 78,878 രൂപയാണ് ദില്ലി എക്സ് ഷോറൂം വില.
30 ലക്ഷം യൂണിറ്റ് കയറ്റുമതി നാഴികക്കല്ല് പിന്നിട്ട് ഹോണ്ട ടൂ വീലേഴ്സ്
ആകര്ഷകമായ ഗോള്ഡന് തീമിനൊപ്പം പുത്തന് രൂപത്തിലാണ് പുതിയ ഷൈന് സെലിബ്രേഷന് പതിപ്പ് എത്തുന്നത്. പുത്തന് സ്ട്രിപ്സ്, ഗോള്ഡന് വിങ്മാര്ക്ക് എംബ്ലം, ടാങ്ക് ടോപ്പിലെ സെലിബ്രേഷന് എഡിഷന് ലോഗോ തുടങ്ങിയവ പുതിയ പതിപ്പിന് പ്രീമിയം ശൈലിയും ആകര്ഷക രൂപവും നല്കുന്നു. പുതിയ സാഡില് ബ്രൗണ് സീറ്റ്, മാറ്റ് ആക്സിസ് ഗ്രേ മെറ്റാലിക് മഫ്ളര് കവര്, സൈഡ് കവറുകളിലെയും മുന്വശത്തെയും സ്വര്ണ നിറ അലങ്കാരം എന്നിവയും സെലിബ്രേഷന് പതിപ്പിന് മാറ്റ് കൂട്ടുന്നു.
അതേസമയം പുത്തന് ഷൈൻ 125 ന് മെക്കാനിക്കലായി മാറ്റങ്ങളൊന്നുമില്ല. ഫ്യുവൽ ഇഞ്ചക്ഷൻ ലഭിക്കുന്നതും എയർ-കൂൾഡ് ആയതുമായ 123.94 സിസി, ഫോർ-സ്ട്രോക്ക് എഞ്ചിനുമായി ബൈക്ക് തുടരുന്നു. ഈ എഞ്ചിൻ 7,500 ആർപിഎമ്മിൽ 10.5 എച്ച്പി പരമാവധി കരുത്തും 6,000 ആർപിഎമ്മിൽ 11 എൻഎം പരമാവധി ടോർക്കും ഉൽപ്പാദിപ്പിക്കും. കിക്ക് സ്റ്റാർട്ടറും സെൽഫ് സ്റ്റാർട്ടറും ഉപയോഗിച്ച് എഞ്ചിൻ സ്റ്റാർട്ട് ചെയ്യാം. അഞ്ച് സ്പീഡ് യൂണിറ്റാണ് ട്രാൻസ്മിഷൻ.
കളി ഇങ്ങോട്ട് വേണ്ട, 'ആക്ടീവാണ്' ഹോണ്ട; കഴിഞ്ഞ മാസം വിറ്റത് ഇത്രയും ലക്ഷം ടൂവീലറുകള്!
മുന്നിലും പിന്നിലും 130 എംഎം ഡ്രമ്മാണ് ബ്രേക്കിംഗ് ഡ്യൂട്ടി ചെയ്യുന്നത്. മുൻവശത്ത് 240 എംഎം ഡിസ്ക് ലഭിക്കുന്ന ഒരു ഡിസ്ക് വേരിയന്റുമുണ്ട്. മുന്നിലും പിന്നിലും 80/100 ടയറുകളിൽ പൊതിഞ്ഞ 18 ഇഞ്ച് അലോയി വീലുകളിലാണ് മോട്ടോർസൈക്കിൾ വരുന്നത്. രണ്ടും ട്യൂബ് രഹിതമാണ്.