വമ്പൻ മൈലേജ്! ഈ വാഹനങ്ങൾ വാങ്ങാൻ ഷോറൂമുകളിൽ വൻതിരക്ക്

ഐസിഇ-പവർ വാഹനങ്ങൾക്കു പകരം രാജ്യത്ത് ഹൈബ്രിഡ് വാഹനങ്ങളും ഇലക്‌ട്രിക് കാറുകളും പച്ചപിടിച്ചുവരികയാണ്. കഴിഞ്ഞ രണ്ട് വർഷങ്ങളായി, ഇന്ത്യൻ ഓട്ടോമൊബൈൽ വ്യവസായം വിവിധ ഹൈബ്രിഡ് വാഹനങ്ങൾക്കൊപ്പം നിരവധി ഇവികളുടെ വരവിനും സാക്ഷ്യം വഹിച്ചിട്ടുണ്ട്. സെഗ്‌മെൻ്റുകളിൽ ഉടനീളമുള്ള ഇവികളുടെയും ഹൈബ്രിഡ് കാറുകളുടെയും ഒരു നിരതന്നെ വിവിധ കമ്പനികൾ ആസൂത്രണം ചെയ്തിരിക്കുന്നതിനാൽ വരും വർഷങ്ങളിൽ ഈ വിൽപ്പന കണക്കുകൾ തീർച്ചയായും വളരും. ഇന്നോവ ഹൈക്രോസ്, ഗ്രാൻഡ് വിറ്റാര, അർബൻ ക്രൂയിസർ ഹൈറൈഡർ, ഇൻവിക്ടോ, കാംറി തുടങ്ങിയ മോഡലുകളുമായി ഹൈബ്രിഡ് കാർ വിപണിയിൽ മാരുതി സുസുക്കിയും ടൊയോട്ട കിർലോസ്‌കർ മോട്ടോറും മുന്നിലാണ്. ഇതാ കഴിഞ്ഞ കുറച്ചുമാസങ്ങളിലെ ഇത്തരം വാഹനങ്ങളുടെ വിൽപ്പന കണക്കുകൾ അറിയാം. 

ഇന്ത്യയിൽ ഏറ്റവും കൂടുതൽ വിറ്റഴിക്കപ്പെടുന്ന അഞ്ച് ഹൈബ്രിഡ് കാറുകൾ – 2024 സാമ്പത്തിക വർഷത്തിന്‍റെ ആദ്യപാദത്തിലെ കണക്കുകൾ. മോഡൽ, വിൽപ്പന നമ്പർ എന്ന ക്രമത്തിൽ

• ടൊയോട്ട ഇന്നോവ ഹൈക്രോസ്- 144,442 യൂണിറ്റുകൾ
• ടൊയോട്ട അർബൻ ക്രൂയിസർ ഹൈറൈഡർ- 9,370 യൂണിറ്റുകൾ
• മാരുതി ഗ്രാൻഡ് വിറ്റാര- 2,232 യൂണിറ്റുകൾ
• മാരുതി ഇൻവിക്ടോ- 1,210 യൂണിറ്റുകൾ
• ടൊയോട്ട കാമ്രി- 754 യൂണിറ്റുകൾ

2024-ൻ്റെ ആദ്യ പാദത്തിൽ (അതായത്, ജനുവരി-മാർച്ച്) രാജ്യത്ത് മൊത്തം 28,482 യൂണിറ്റ് ഹൈബ്രിഡ് കാറുകൾ വിറ്റു. 14,442 യൂണിറ്റ് വിൽപ്പനയുമായി ടൊയോട്ട ഇന്നോവ ഹൈക്രോസ് ഒന്നാം സ്ഥാനവും 9,370 യൂണിറ്റ് വിൽപ്പനയുമായി അർബൻ ക്രൂയിസർ ഹൈറൈഡറും രണ്ടാം സ്ഥാനത്തെത്തി. ഇന്ത്യയിൽ ഏറ്റവുമധികം വിറ്റഴിക്കപ്പെടുന്ന മൂന്നാമത്തെ ഹൈബ്രിഡ് കാറായ മാരുതി സുസുക്കി ഗ്രാൻഡ് വിറ്റാരയുടെ ടൊയോട്ടയുടെ റീ-ബാഡ്‍ജ് ചെയ്‍ത പതിപ്പാണ് രണ്ടാമത്തേത്.

2024 ജനുവരി-മാർച്ച് മാസങ്ങളിൽ ശക്തമായ ഹൈബ്രിഡ് മാരുതി ഗ്രാൻഡ് വിറ്റാരയുടെ 2,232 യൂണിറ്റുകൾ വിറ്റഴിക്കാൻ ഇന്തോ-ജാപ്പനീസ് വാഹന നിർമ്മാതാവിന് കഴിഞ്ഞു. റീ-ബാഡ്‍ജ് ചെയ്ത ഇന്നോവ ഹൈക്രോസായ മാരുതി സുസുക്കി ഇൻവിക്ടോ, 1,210 യൂണിറ്റുകളുടെ വിൽപ്പനയുമായി നാലാം സ്ഥാനത്താണ്. മൊത്തം 754 യൂണിറ്റുകൾ വിറ്റഴിച്ച് ഇന്ത്യയിൽ ഏറ്റവുമധികം വിറ്റഴിക്കപ്പെടുന്ന അഞ്ചാമത്തെ ഹൈബ്രിഡ് കാറായിരുന്നു ടൊയോട്ട കാമ്രി.

ഇന്ത്യയിൽ ഏറ്റവുമധികം വിറ്റഴിക്കപ്പെടുന്ന അഞ്ച് ഇലക്ട്രിക് കാറുകൾ – 2024 സാമ്പത്തിക വർഷത്തിന്‍റെ ആദ്യപാദത്തിലെ കണക്കുകൾ. മോഡൽ, വിൽപ്പന നമ്പർ എന്ന ക്രമത്തിൽ

• ടാറ്റ പഞ്ച് ഇ.വി-8,549 യൂണിറ്റുകൾ
• ടാറ്റ ടിയാഗോ ഇ.വി-5,704 യൂണിറ്റുകൾ
• ടാറ്റ നെക്‌സൺ ഇവി-4,223 യൂണിറ്റുകൾ
• മഹീന്ദ്ര XUV400-3,886 യൂണിറ്റുകൾ
• എംജി കോമറ്റ്- 2,300 യൂണിറ്റുകൾ

ഇവി സെഗ്‌മെൻ്റിൽ, പഞ്ച് ഇവി, നെക്സോൺ ഇവി, ടിയാഗോ ഇവി തുടങ്ങിയ ഓഫറുകളുമായി ടാറ്റ മോട്ടോഴ്‌സ് തർക്കമില്ലാത്ത നേതാവായി തുടർന്നു. 2024-ൻ്റെ ആദ്യ പാദത്തിൽ, ടാറ്റ മോട്ടോഴ്സ് പഞ്ച് ഇവിയുടെ 8,549 യൂണിറ്റുകളും ടിയാഗോ ഇവിയുടെ 5,704 യൂണിറ്റുകളും നെക്സോൺ ഇവിയുടെ 4,223 യൂണിറ്റുകളും റീട്ടെയിൽ ചെയ്തു.  ഇവി വിഭാഗത്തിൽ ആധിപത്യം നിലനിർത്താൻ, ടാറ്റ ഉടൻ തന്നെ കർവ്വ് ഇവി, ഹരിയർ ഇവി, സഫാരി എന്നിവ അവതരിപ്പിക്കും. 2024 ജനുവരിയിൽ പുറത്തിറക്കിയ നവീകരിച്ച മഹീന്ദ്ര XUV400, രാജ്യത്ത് ഏറ്റവുമധികം വിറ്റഴിക്കപ്പെടുന്ന നാലാമത്തെ ഇലക്ട്രിക് കാറായി മാറി. എംജിയുടെ ഏറ്റവും ചെറിയ ഇലക്ട്രിക് ഓഫറായ കോമറ്റ് 2024 ജനുവരി-മാർച്ച് മാസങ്ങളിൽ 2,300 യൂണിറ്റുകളുടെ വിൽപ്പന രേഖപ്പെടുത്തി.