Alto : ഇത് പുത്തന് ആള്ട്ടോ, സുരക്ഷ ബെന്സിന് സമം!
Synopsis
വ്യത്യസ്ത ഡിസൈനും ഇന്റീരിയറും പവർട്രെയിനുമാണ് ഈ പുതിയ അള്ട്ടോയ്ക്ക്. മാത്രമല്ല ശക്തമായ സുരക്ഷാ സംവിധാനങ്ങളും ഈ അള്ട്ടോയുടെ സവിശേഷതയാണ്
ഇന്ത്യയിലെ സാധാരണക്കാരന്റെ വാഹനസ്വപ്നങ്ങളെ പൂവണിയിച്ച മാരുതിയിൽ (Maruti) നിന്നുള്ള ഐതിഹാസിക മോഡലും ഏറ്റവും കൂടുതൽ വിറ്റഴിക്കപ്പെടുന്നതുമായ ജനപ്രിയ കാറുകളിലൊന്നുമാണ് ആൾട്ടോ ഹാച്ച്ബാക്ക് (Maruti Suzuki Alto). ഇപ്പോഴിതാ എൻട്രി ലെവൽ കാറായ അള്ട്ടോയുടെ പുതിയ തലമുറയെ വിപണിയിൽ അവതരിപ്പിച്ചിരിക്കുകയാണ് സുസുക്കി (Suzuki). ജപ്പാനിലെ (Japan) ആഭ്യന്തര വിപണിയിലാണ് പുത്തന് ആള്ട്ടോയുടെ അവതരണമെന്ന് വിവിധ ദേശീയ മാധ്യമങ്ങള് റിപ്പോര്ട്ട് ചെയ്യുന്നു.
അള്ട്ടോയുടെ ഒമ്പതാം തലമുറയാണ് ജാപ്പനീസ് വിപണിയിലേക്ക് എത്തുന്നത്. എന്നാല് ഇന്ത്യയിൽ വിൽപ്പനയ്ക്കെത്തുന്ന മാരുതി സുസുക്കി ആൾട്ടോയിൽ നിന്ന് തികച്ചും വ്യത്യസ്തമാണ് ജാപ്പനീസ്-സ്പെക്ക് മോഡൽ അള്ട്ടോ എന്നും പേരൊഴികെ, രണ്ട് കാറുകൾക്കും വ്യത്യസ്ത ഡിസൈനും ഇന്റീരിയറും പവർട്രെയിനും ആണെന്നുമാണ് റിപ്പോര്ട്ടുകള്.
മാത്രമല്ല ശക്തമായ സുരക്ഷാ സംവിധാനങ്ങളും ഈ അള്ട്ടോയുടെ സവിശേഷതയാണ്. 660 സിസി, മൈൽഡ്-ഹൈബ്രിഡ് പെട്രോൾ എഞ്ചിനുമായാണ് എത്തുന്ന ഈ ഒമ്പതാം തലമുറ വാഹനത്തിന്റെ ഏറ്റവുംവലിയ സവിശേഷത അതിലെ സുരക്ഷാ സംവിധാനങ്ങളാണ്. അത്യാധുനികമായ ഡ്രൈവർ അസിസ്റ്റ് സംവിധാനങ്ങളാണ് അള്ട്ടോയിലുള്ളത്.
പുതിയ സുസുക്കി ആൾട്ടോ 2022 ഡിസൈൻ
പുതിയ ബോഡി പാനലുകളും ഡിസൈൻ ഘടകങ്ങളുമായിട്ടാണ് പുതിയ തലമുറ ആൾട്ടോ വരുന്നത്. എങ്കിലും, മൊത്തത്തിലുള്ള ബോക്സി ആകൃതി നിലനിർത്തിയിരിക്കുന്നു. മുൻഗാമിയേക്കാൾ വൃത്താകൃതിയിലുള്ള അരികുകളാണ് വാഹനത്തിന് ലഭിക്കുന്നത്. ഫ്രണ്ട് ഫാസിയയിൽ വലിയ ട്രപസോയിഡൽ ഹെഡ്ലാമ്പുകളും ഹെഡ്ലാമ്പുകൾക്കിടയിൽ ക്രോം ബാർ സ്ഥാപിച്ചിരിക്കുന്ന ഒരു ചെറിയ ഫ്രണ്ട് ഗ്രില്ലും ഉണ്ട്.
ചെറിയ കാറിന് വായുസഞ്ചാരത്തിനായി വലിയ വിൻഡോ ഗ്ലാസുകളും കൂടുതൽ കുത്തനെയുള്ള എ-പില്ലറും ലഭിക്കുന്നു. പിൻഭാഗത്ത്, പുതിയ ആൾട്ടോയ്ക്ക് പുതിയ ടെയിൽഗേറ്റും ബമ്പറും പുതിയ നേരായ ടെയിൽ ലൈറ്റുകളും ലഭിക്കുന്നു. വാഹനത്തിന് 7-സ്പോക്ക് വീലുകൾ ലഭിക്കുന്നു കൂടാതെ ഡ്യുവൽ-ടോൺ കളർ ഓപ്ഷനുകളിൽ പൊതിഞ്ഞിരിക്കുന്നു.
അൾട്ടോ 2022 ഇന്റീരിയർ
ജാപ്പനീസ് വിപണിയിൽ പുതിയ തലമുറ സുസുക്കി ആൾട്ടോ പുതിയ ഇന്റീരിയറുകളുമായാണ് വരുന്നത്. മുൻ മോഡലിനേക്കാൾ മികച്ചതാണ് ഇത്. സെൻട്രൽ കൺസോളിൽ ഒരു ചെറിയ ഇൻഫോടെയ്ൻമെന്റ് സിസ്റ്റം, ലംബമായി അടുക്കിയിരിക്കുന്ന എയർ കോൺ വെന്റുകൾ, പുതിയ എസി ബട്ടണുകൾ തുടങ്ങിയവയുണ്ട്. ഓഡിയോ, ബ്ലൂടൂത്ത് ടെലിഫോണി എന്നിവയ്ക്കുള്ള നിയന്ത്രണങ്ങളുള്ള മൾട്ടി-ഫങ്ഷണൽ സ്റ്റിയറിംഗ് വീലും ഇതിന് ലഭിക്കുന്നു.
കൂടുതല് സ്റ്റോറേജ് സ്പേസുകള് നല്കി ഒരുക്കിയ ഡാഷ്ബോര്ഡ്, പുതുമയുള്ള എ.സി. വെന്റുകള്, വലിപ്പമേറിയ ഇന്ഫോടെയ്ന്മെന്റ് സിസ്റ്റ്, ഓട്ടോമാറ്റിക് ക്ലൈമറ്റ് കണ്ട്രോള്, ഡാഷ്ബോര്ഡിലേക്ക് സ്ഥാനമുറപ്പിച്ച ഗിയര് ലിവര്, മള്ട്ടി ഫങ്ഷന് സ്റ്റിയറിങ്ങ് വീല്, മികച്ച ഡിസൈനില് ഒരുങ്ങിയിട്ടുള്ള അനലോഗ് ഇന്സ്ട്രുമെന്റ് ക്ലെസ്റ്റര്, ഫാബ്രിക് സീറ്റുകള് എന്നിവയാണ് അകത്തളത്തില് ഒരുക്കിയിട്ടുള്ളത്.
2022 സുസുക്കി ആൾട്ടോ പവർട്രെയിൻ
660 സിസി, ത്രീ-സിലിണ്ടർ പെട്രോൾ എഞ്ചിനാണ് ഹൃദയം. ഈ എഞ്ചിനില് മൈൽഡ് ഹൈബ്രിഡ് സാങ്കേതികവിദ്യ, ഇന്റഗ്രേറ്റഡ് സ്റ്റാർട്ട് ജനറേറ്റർ (ISG), ഒരു ചെറിയ ലിഥിയം-അയൺ ബാറ്ററി പാക്ക് എന്നിവ ഫീച്ചർ ചെയ്യുന്നു. പവർ കണക്കുകളും ഗിയർബോക്സ് ഓപ്ഷനുകളും സംബന്ധിച്ച വിവരങ്ങളൊന്നും കമ്പനി പുറത്തുവിട്ടിട്ടില്ല. ഈ SHVS മൈൽഡ് ഹൈബ്രിഡ് സിസ്റ്റം ആൾട്ടോയുടെ മൊത്തത്തിലുള്ള ഇന്ധനക്ഷമതയെ കൂടുതൽ മെച്ചപ്പെടുത്തും. അതിന്റെ വിഭാഗത്തിലെ ഏറ്റവും ഇന്ധനക്ഷമതയുള്ള കാറുകളിലൊന്നായിരിക്കും ഇത്.
സുരക്ഷ
സുസുക്കി സേഫ്റ്റി സപ്പോർട്ടിന് കീഴിൽ സജീവമായ ഡ്രൈവർ അസിസ്റ്റുകളുമായാണ് ഒമ്പതാം തലമുറ ആൾട്ടോ എത്തുന്നത്. നിരവധി ഡ്രൈവർ അസിസ്റ്റ് സംവിധാനങ്ങൾ നൽകിയിരിക്കുന്നു. ലെയ്ൻ ഡിപ്പാർച്ചർ മുന്നറിയിപ്പ്, ഉയർന്ന ബീം അസിസ്റ്റ്, കാൽനടയാത്രക്കാരെ കണ്ടെത്തൽ, ഫോർവേഡ് കൂട്ടിയിടി ഒഴിവാക്കൽ എന്നിവയ്ക്കൊപ്പം കാൽനടയാത്രക്കാരെ കണ്ടെത്തുന്നതിനും കൂട്ടിയിടി ഒഴിവാക്കുന്നതിനുമുള്ള ഓട്ടോണമസ് എമർജൻസി ബ്രേക്കിങ് (എഇബി) എന്നിവ സുരക്ഷാ കിറ്റിൽ ഉൾപ്പെടുന്നു.
ഇന്ത്യയ്ക്കുള്ള പുതിയ ആൾട്ടോ
അതേസമയം മാരുതി സുസുക്കി ഇന്ത്യയിൽ പുതിയ തലമുറ അൾട്ടോയുടെ പരീക്ഷണവും ആരംഭിച്ചിട്ടുണ്ട്. ഇത് 2022 ന്റെ തുടക്കത്തിൽ പുറത്തിറക്കാൻ സാധ്യതയുണ്ട്. പുതിയ മോഡൽ വളരെ വലുതും കൂടുതൽ വിശാലവുമാകുമെന്ന് പരീക്ഷണയോട്ട ചിത്രങ്ങൾ വെളിപ്പെടുത്തുന്നു. ഇത് നിലവിലുള്ള മോഡലിനേക്കാൾ നീളവും വീതിയും ഉയരവുമുള്ളതായിരിക്കും, ഇത് ക്യാബിനിനുള്ളിൽ കൂടുതൽ ഇടം സൃഷ്ടിക്കാൻ MSIL-നെ സഹായിക്കും.
പുതിയ വാഗൺആർ, എസ്-പ്രെസ്സോ, വരാനിരിക്കുന്ന സെലേറിയോ എന്നിവയ്ക്ക് അടിസ്ഥാനമാകുന്ന സുസുക്കിയുടെ പുതിയ ഭാരം കുറഞ്ഞ ഹാർട്ട്ക്റ്റ് പ്ലാറ്റ്ഫോമിലാണ് പുതിയ മോഡൽ രൂപകൽപ്പന ചെയ്യുകയും വികസിപ്പിക്കുകയും ചെയ്യുന്നത്. പുതിയ മോഡൽ നിലവിലെ കാറിനേക്കാൾ ഭാരം കുറഞ്ഞതായിരിക്കും, അത് അതിന്റെ കാര്യക്ഷമത മെച്ചപ്പെടുത്തും. നിലവിലുള്ള 800 സിസി, 3 സിലിണ്ടർ പെട്രോൾ എഞ്ചിനിലാണ് ഇത് വാഗ്ദാനം ചെയ്യുന്നത്. നേരത്തെ ആൾട്ടോ കെ10ൽ വാഗ്ദാനം ചെയ്തിരുന്ന 1.0 ലിറ്റർ 3 സിലിണ്ടർ പെട്രോൾ എഞ്ചിനും കമ്പനിക്ക് ചേർക്കാം. ചെറിയ കാറിന് സിഎൻജി പവർ മോഡലും ലഭിക്കും. പുതിയ മാരുതി സുസുക്കി ആൾട്ടോ അടുത്ത വർഷം പകുതിയോടെ മാത്രമേ ഇന്ത്യയിൽ അവതരിപ്പിക്കപ്പെടുകയുള്ളൂ.
രാജ്യത്തെ സാധാരണക്കാരന്റെ വാഹനസ്വപ്നങ്ങളെ പൂവണിയിച്ച വാഹനമാണ് മാരുതി സുസുക്കി അള്ട്ടോ. 2000 -ലാണ് ആദ്യ അള്ട്ടോയെ വിപണിയിൽ എത്തിക്കുന്നത്. തുടര്ന്ന് 2012 ല് അള്ട്ടോ 800 എന്ന പേരില് കമ്പനിക രണ്ടാംതലമുറ അള്ട്ടോ ഹാച്ച്ബാക്കിനെ അവതരിപ്പിച്ചു. അതേസമയം 1979 ഒക്ടോബറിലാണ് ജപ്പാനിലെ സുസുക്കി പ്ലാന്റില് ഈ ഹാച്ച്ബാക്ക് ആദ്യം ജനിക്കുന്നത്. ഇന്ത്യന് നിരത്തുകളിലെ മാരുതി അള്ട്ടോ 800 മോഡലില് നിന്ന് വ്യത്യസ്തമാണ് വിദേശ രാജ്യങ്ങളിലെ അള്ട്ടോ.