ദില്ലി NCRല്‍ ഇലക്ട്രിക് സ്‌കൂട്ടര്‍ പരീക്ഷണയോട്ടം നടത്തുന്നതിന്‍റെ ചിത്രങ്ങളാണ് ഇപ്പോൾ പുറത്തുവന്നിരിക്കുന്നതെന്ന് ഗാഡി വാഡി ഡോട്ട് കോം റിപ്പോർട്ട്
ജാപ്പനീസ് ഇരുചക്രവാഹന നിര്‍മ്മാതാക്കളായ സുസുക്കി മോട്ടോർസൈക്കിൾ ഇന്ത്യ ബർഗ്മാൻ സ്ട്രീറ്റ് സ്കൂട്ടറിന്റെ ഇലക്ട്രിക് പതിപ്പിനെ അവതരിപ്പിക്കാനുള്ള ശ്രമത്തിലാണ്. പുതിയ സുസുക്കി ബര്‍ഗ്മാന്‍ ഇലക്ട്രിക് സ്‌കൂട്ടര്‍ ഇന്ത്യന്‍ നിരത്തുകളില്‍ പരീക്ഷണയോട്ടം നടത്തുന്നതിന്‍റെ ചിത്രങ്ങള്‍ നേരത്തെ പുറത്തുവന്നിരുന്നു. ഇപ്പോഴിതാ പുതിയ ചിത്രങ്ങളും എത്തിയിരിക്കുന്നു. ദില്ലി NCRല്‍ ഇലക്ട്രിക് സ്‌കൂട്ടര്‍ പരീക്ഷണയോട്ടം നടത്തുന്നതിന്‍റെ ചിത്രങ്ങളാണ് ഇപ്പോൾ പുറത്തുവന്നിരിക്കുന്നതെന്ന് ഗാഡി വാഡി ഡോട്ട് കോം റിപ്പോർട്ട് ചെയ്യുന്നു.
പുതിയ സുസുക്കി ഇലക്ട്രിക് സ്‌കൂട്ടര്‍ അതിന്റെ ഐസി എഞ്ചിന്‍ പവര്‍ പതിപ്പിന് സമാനമാണെന്നാണ് റിപ്പോര്‍ട്ടുകള്‍. വലതുവശത്ത് മോട്ടോര്‍ ഘടിപ്പിക്കാന്‍ അനുവദിക്കുന്ന റിയര്‍ സ്വിംഗാര്‍മിനെ ഇടതുവശത്തേക്ക് കമ്പനി മാറ്റിസ്ഥാപിച്ചു. ഡ്യുവല്‍-ടോണ്‍ വൈറ്റ് / ബ്ലൂ പെയിന്റ് സ്‌കീം ഉപയോഗിച്ച് ബര്‍ഗ്മാന്‍ ഇലക്ട്രിക് സ്‌കൂട്ടര്‍ ഇപ്പോള്‍ കൂടുതൽ ആകർഷകമായിരിക്കുന്നു. ഇത് സ്റ്റാന്‍ഡേര്‍ഡ് ഐസി-എഞ്ചിന്‍ പവര്‍ മോഡലില്‍ നിന്ന് ഇതിനെ വ്യത്യസ്തമാക്കുന്നു. ബര്‍ഗ്മാന്‍ ഇ-സ്കൂട്ടറിന്റെ ഇലക്ട്രിക് പവര്‍ട്രെയിന്‍ സുസുക്കി ഇതുവരെ വെളിപ്പെടുത്തിയിട്ടില്ല.
വലിയ വിന്‍ഡ്സ്‌ക്രീന്‍, റിയര്‍വ്യൂ മിറര്‍, എല്‍ഇഡി ഹെഡ്‌ലാമ്പുകള്‍, ടേണ്‍ ഇന്‍ഡിക്കേറ്ററുകള്‍, ടെയില്‍ലാമ്പുകള്‍, ഗ്രാബ് റെയിലുകള്‍ എന്നിവയുള്‍പ്പെടെ എല്ലാ സവിശേഷതകളും സ്റ്റാന്‍ഡേര്‍ഡ് പതിപ്പിന് സമാനമാണ്. ബ്ലൂടൂത്ത് വഴി സ്മാര്‍ട്ട്ഫോണ്‍ ജോടിയാക്കിക്കൊണ്ട് വാഗ്ദാനം ചെയ്യുന്ന പൂര്‍ണ്ണ ഡിജിറ്റല്‍ ഇന്‍സ്ട്രുമെന്റ് ക്ലസ്റ്ററും ബര്‍ഗ്മാന്‍ ഇലക്ട്രിക് സ്‌കൂട്ടറിൽ തുടർന്നും ലഭിക്കും. ടേണ്‍-ബൈ-ടേണ്‍ നാവിഗേഷന്‍, സന്ദേശ അലേര്‍ട്ടുകള്‍, വേഗത മുന്നറിയിപ്പുകള്‍, കോള്‍ എന്നിവ ഈ കണക്റ്റുചെയ്ത സാങ്കേതികവിദ്യ വാഗ്ദാനം ചെയ്യുന്നു.
കമ്പനിയുടെ ആദ്യത്തെ ഇലക്ട്രിക് സ്‍കൂട്ടറിനായി ആക്സസ് 125 സ്കൂട്ടറിന് പകരമാണ് ബർഗ്മാനുമായി മുന്നോട്ട് പോകാൻ സുസുക്കി തീരുമാനിച്ചത്. ബർഗ്മാൻ കൂടുതൽ പ്രീമിയം ബ്രാൻഡായതിനാലും ലോകമെമ്പാടും വളരെ പ്രചാരമുള്ളതുകൊണ്ടാകാം ഈ നീക്കം എന്നാണ് റിപ്പോര്‍ട്ടുകള്‍.
സാധാരണ 110 സിസി സ്കൂട്ടറിന് സമാനമായ പ്രകടനം ഈ സ്‍കൂട്ടറും വാഗ്ദാനം ചെയ്തേക്കാം. വിലനിർണ്ണയത്തെ സംബന്ധിച്ചിടത്തോളം, ഇത് 1.20 ലക്ഷം മുതൽ 1.30 ലക്ഷം വരെ വാഹനത്തിന് എക്സ്-ഷോറൂം വില പ്രതീക്ഷിക്കാം. സ്കൂട്ടർ അതിന്റെ അവസാന പരീക്ഷണ ഘട്ടത്തിലാണെന്നും ഈ വര്‍ഷം തന്നെ ഔദ്യോഗികമായി അരങ്ങേറ്റം കുറിച്ചേക്കാമെന്നുമാണ് റിപ്പോര്‍ട്ടുകള്‍.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona