ജിംനി വിട പറയുന്നു, വിൽപ്പനക്കുറവ് മാത്രമല്ല കാരണം! അവസാന മോഡലും പുറത്തിറക്കി സുസുക്കി യൂറോപ്പ്!

സുസുക്കി യൂറോപ്യൻ വിപണിയിൽ മൂന്നു ഡോർ ജിംനിയുടെ വിൽപ്പന പൂർണമായി നിർത്താൻ  തീരുമാനിച്ചതായി റിപ്പോര്‍ട്ട്. അടുത്ത വർഷം മുതൽ കമ്പനി ഉൽപ്പാദനം നിർത്തും. കുറഞ്ഞ വിൽപ്പനയും യൂറോപ്പിലെ കടുത്ത മലിനീകരണ മാനദണ്ഡങ്ങളും കണക്കിലെടുത്താണ് നടപടി.

ജാപ്പനീസ് വാഹന ബ്രാൻഡായ സുസുക്കി യൂറോപ്യൻ വിപണിയിൽ മൂന്നു ഡോർ ജിംനിയുടെ വിൽപ്പന പൂർണമായി നിർത്താൻ  തീരുമാനിച്ചതായി റിപ്പോര്‍ട്ട്. അടുത്ത വർഷം മുതൽ കമ്പനി ഉൽപ്പാദനം നിർത്തും. കുറഞ്ഞ വിൽപ്പനയും യൂറോപ്പിലെ കടുത്ത മലിനീകരണ മാനദണ്ഡങ്ങളും കണക്കിലെടുത്താണ് നടപടി.

നിലവിലെ മോഡൽ 154g/km മുതൽ 170g/km വരെ (ശരാശരിയെക്കാൾ ഉയർന്നത്) ഉയർന്ന കർബൺ ഡൈ ഓക്സൈഡ് പുറന്തള്ളുന്നു.  ഈ കണക്കുകളാണ് കമ്പനിയെ നടപടിയെടുക്കാൻ പ്രേരിപ്പിച്ചത്. യൂറോപ്പ് N1 വിഭാഗത്തിലുള്ള പാസഞ്ചർ വാഹനങ്ങൾ മാത്രമേ വിൽപ്പനയ്ക്ക് അനുവദിക്കൂ. രണ്ട് സീറ്റുകൾ മാത്രം നൽകുന്ന പല യൂറോപ്യൻ രാജ്യങ്ങളിലും വാണിജ്യ വാഹനമായി ബ്രാൻഡ് മുകളിൽ സൂചിപ്പിച്ച വിഭാഗത്തിൽ ജിംനി വിറ്റിരുന്നു. 2021 മുതൽ യൂറോപ്പിലും യുകെയിലും നിലവിലുള്ള കഫെ മാനദണ്ഡങ്ങൾ പാലിച്ചുകൊണ്ട് ലൈറ്റ് കൊമേഴ്‌സ്യൽ വെഹിക്കിൾ (LCV) ആയിട്ടാണ് ജിംനി വിറ്റിരുന്നത്.

അതേസമയം യൂറോപ്പിൽ എമിഷൻ മാനദണ്ഡങ്ങൾ കൂടുതൽ കർക്കശമായതിനാൽ സുസുക്കി ജിംനി അതിൻ്റെ നിലവിലെ രൂപത്തിൽ മാത്രമേ ഇല്ലാതാകൂ. മോഡൽ പിന്നീട് ഒരു ഹൈബ്രിഡ് പവർട്രെയിനുമായി ഒരു തിരിച്ചുവരവ് നടത്തും. ഒരു ഇലക്ട്രിക് പതിപ്പും കമ്പനിയുടെ പണിപ്പുരയിൽ ഉണ്ടെന്നാണ് റിപ്പോര്‍ട്ടുകൾ. ഒരുദശകത്തിന് ശേഷം അത് വിപണിയിൽ എത്തും. 

ഇനി ബാറ്ററി ഇലക്ട്രിക്ക് വെഹിക്കിളുകളിൽ (ബിഇവി) കളിൽ കൂടുതൽ ശ്രദ്ധ കേന്ദ്രീകരിക്കാനാണ് സുസുക്കിയുടെ നീക്കം എന്നാണ് റിപ്പോർട്ടുകൾ.  ഈ സെഗ്‌മെൻ്റിന് കീഴിൽ കമ്പനി ഏറ്റവും പുതിയ മോഡലുകൾ അവതരിപ്പിച്ചേക്കുമെന്ന് റിപ്പോർട്ട് ചെയ്യപ്പെട്ടിട്ടുണ്ട്, ഇത് എമിഷൻ മാനദണ്ഡങ്ങൾ പൂർണ്ണമായും പാലിക്കും, ഇതിനിടയിൽ, ബാറ്ററി ഇലക്ട്രിക് വെഹിക്കിളുകൾക്ക് (ബിഇവികൾ) പ്രാഥമിക ശ്രദ്ധ നൽകുകയും ഉപഭോക്താക്കളെ തിരഞ്ഞെടുക്കാൻ കൂടുതൽ ഓപ്ഷനുകൾ അനുവദിക്കുകയും ചെയ്യും. 

യൂറോപ്യൻ, ഇന്ത്യൻ സ്‌പെക്ക് ജിംനികൾ ഒരേ പവർട്രെയിൻ പങ്കിടുന്നു. 5-സ്പീഡ് മാനുവൽ അല്ലെങ്കിൽ ഓട്ടോമാറ്റിക് ട്രാൻസ്മിഷനുമായി ജോടിയാക്കിയ K15B 1.5-ലിറ്റർ പെട്രോൾ എഞ്ചിനാണ് ജിനിയിൽ ഉപയോഗിക്കുന്നത്. അതേസമയം 3-ഡോർ ജിംനിയുടെ വിൽപ്പന യൂറോപ്പിൽ അവസാനിപ്പിക്കുമെങ്കിലും ഇന്ത്യയിൽ മാത്രം നിർമ്മിച്ച മോഡലിനൊപ്പം 5-ഡോർ മോഡലിന്‍റെ വിൽപ്പന മറ്റ് വിപണികളിൽ തുടരും. ഇന്ത്യൻ നിർമ്മിത പതിപ്പ് അന്താരാഷ്ട്ര വിപണിയിലേക്ക് കയറ്റുമതി ചെയ്യുന്നതും കമ്പനി തുടരും എന്നാണ് റിപ്പോര്‍ട്ടുകൾ.

അതേസമയം ജർമ്മനിയിൽ, സുസുക്കി പുതിയ ലിമിറ്റഡ് എഡിഷൻ മോഡൽ ജിംനി ഹൊറൈസൺ പുറത്തിറക്കി. അത് വിപണിയിൽ വന്നാലുടൻ, ഈ ചെറിയ എസ്‌യുവി യൂറോപ്പിനോട് വിടപറയും. ജിംനി ഹൊറൈസൺ 900 യൂണിറ്റുകളിൽ മാത്രമേ നിർമ്മിക്കൂ. ബോഡി കിറ്റും നിരവധി ആക്സസറികളും ഉപയോഗിച്ചാണ് ഈ മോഡൽ പ്രത്യേകം നിർമ്മിച്ചിരിക്കുന്നത്.