ഒന്നും രണ്ടുമല്ല, ടാറ്റ ഇറക്കാനൊരുങ്ങുന്നത് 26 വാഹനങ്ങള്!
Synopsis
14 വാണിജ്യ വാഹനങ്ങളും 12 പാസഞ്ചർ വാഹനങ്ങളും കമ്പനി പ്രദർശിപ്പിക്കുമെന്നാണ് റിപ്പോർട്ടുകൾ.
ഫെബ്രുവരി അഞ്ചിന് ആരംഭിക്കുന്ന ദില്ലി ഓട്ടോ എക്സ്പോയില് രാജ്യത്തെ ആഭ്യന്തര വാഹന നിര്മ്മാതാക്കളില് പ്രബലരായ ടാറ്റ മോട്ടോഴ്സ് നിരവധി മോഡലുകളും കൺസെപ്റ്റ് വാഹനങ്ങളും പ്രദർശിപ്പിക്കാൻ ഒരുങ്ങുന്നു. 14 വാണിജ്യ വാഹനങ്ങളും 12 പാസഞ്ചർ വാഹനങ്ങളും കമ്പനി പ്രദർശിപ്പിക്കുമെന്നാണ് റിപ്പോർട്ടുകൾ.
നാല് പുതിയ വാഹനങ്ങള് അരങ്ങേറ്റം നടത്തുമെന്ന് ടാറ്റ മോട്ടോഴ്സ് പ്രഖ്യാപിച്ചു. ആകെ 12 പാസഞ്ചര് വാഹനങ്ങള് അണിനിരത്തും. ഈ മാസം മുതല് ബിഎസ് 6 പാസഞ്ചര് വാഹനങ്ങള് വിപണിയില് അവതരിപ്പിച്ചു തുടങ്ങുമെന്നും കമ്പനി അറിയിച്ചു. ജനുവരി 22 ന് വില പ്രഖ്യാപനം നടത്തുന്ന ആള്ട്രോസ് ആയിരിക്കും ആദ്യ ബിഎസ് 6 മോഡല്.
പ്രൊഡക്ഷന് സ്പെക് മൈക്രോ എസ്യുവി ഓട്ടോ എക്സ്പോയില് പ്രദര്ശിപ്പിക്കും. കഴിഞ്ഞ വര്ഷം ജനീവ മോട്ടോര് ഷോയില് കണ്ട എച്ച്2എക്സ് കണ്സെപറ്റ് അടിസ്ഥാനമാക്കി നിര്മിക്കുന്നതാണ് ഈ മോഡല്. കൂടാതെ, പുതിയ ചെറിയ എസ്യുവിയുടെ പേര് ഉള്പ്പെടെയുള്ള വിശദ വിവരങ്ങള് വെളിപ്പെടുത്തും.
ജനുവരി 22 ന് വിപണിയില് അവതരിപ്പിക്കുന്ന ടാറ്റ ആള്ട്രോസ് പ്രീമിയം ഹാച്ച്ബാക്കും ഓട്ടോ എക്സ്പോയില് അണിനിരത്തും. ഗ്രാവിറ്റാസ് 7 സീറ്റര് എസ്യുവി, ഹാരിയര് ഓട്ടോമാറ്റിക് എന്നിവയും കാണാന് കഴിയും. പരിഷ്കരിച്ച ടിയാഗോ, ടിഗോര് എന്നിവ പ്രദര്ശിപ്പിച്ചേക്കും. ഫേസ്ലിഫ്റ്റ് ചെയ്ത നെക്സോണ് എസ്യുവിയാണ് മറ്റൊരു മോഡല്. നെക്സോണ് ഇവി, ആള്ട്രോസ് ഇവി എന്നിവയും കണ്ടേക്കാം.
H2X കൺസെപ്റ്റിനെ അടിസ്ഥാനമാക്കിയ മൈക്രോ എസ്യുവിയുടെ പ്രൊഡക്ഷൻ പതിപ്പായിരിക്കും പ്രദര്ശനത്തില് ടാറ്റയുടെ പ്രധാന ആകർഷണം.ജനീവ മോട്ടോർ ഷോ 2019 -ലാണ് കമ്പനി H2X കൺസെപ്റ്റ് പ്രദർശിപ്പിച്ചത്, വാഹനം വളരെയധികം പ്രശംസ നേടിയിരുന്നു. മൈക്രോ എസ്യുവി ടാറ്റയുടെ വാഹന നിരയിലെ ഏറ്റവും ചെറിയ മോഡലായിരിക്കും.
ടാറ്റാ മോട്ടോർസ് എക്സ്പോയിൽ മൈക്രോ എസ്യുവിയുടെ സവിശേഷതകൾ വെളിപ്പെടുത്തുമെന്നാണ് പ്രതീക്ഷ. മൈക്രോ എസ്യുവിയിൽ ബിഎസ് VI കംപ്ലയിന്റ്, 1.2 ലിറ്റർ നാച്ചുറലി ആസ്പിറേറ്റഡ് പെട്രോൾ എഞ്ചിൻ ഉണ്ടായിരിക്കുമെന്നാണ് റിപ്പോർട്ടുകൾ സൂചിപ്പിക്കുന്നത്.
ആൽട്രോസിലും ടിയാഗോയിലും ഇതേ എഞ്ചിൻ യൂണിറ്റാണ് സ്ഥാപിച്ചിരിക്കുന്നത്. മൈക്രോ എസ്യുവിയെ ഹോൺബിൽ എന്നാണ് നിർമ്മാതാക്കൾ ആന്തരികമായി കമ്പനിക്കുള്ളിൽ വിളിക്കുന്നത്. ഡെൽഹി ഓട്ടോ എക്സ്പോ 2020 -ൽ ടാറ്റ ഗ്രാവിറ്റാസും നിരവധി ആളുകളെ ആകർഷിക്കുന്ന ഒരു ക്രൗഡ് പുള്ളറായിരിക്കുമെന്നാണ് കമ്പനിയുടെ വിശ്വാസം. ടാറ്റ ഹാരിയർ ബിഎസ് VI മോഡലുമായി ഏഴ് സീറ്റർ എസ്യുവി അരീന പങ്കിടുമെന്ന് പ്രതീക്ഷിക്കുന്നു.
നെക്സൺ, ടിയാഗോ, ടൈഗോർ എന്നിവയുടെ ഫെയ്സ്ലിഫ്റ്റ് പതിപ്പുകളും കമ്പനി പുറത്തിറക്കുമെന്ന് പ്രതീക്ഷിക്കുന്നു. ടാറ്റയുടെ ഇലക്ട്രിക് വിഭാഗത്തിലെ മോഡലുകളായ നെക്സൺ ഇവി, അൽട്രോസ് ഇവി എന്നിവയാവും പ്രദർശനത്തിന് പ്രതീക്ഷിക്കാവുന്ന മറ്റ് വാഹനങ്ങൾ.
കണക്റ്റഡ് ഇന്ത്യ: റെസ്പോൺസിബിൾ & സസ്റ്റേനബിൾ മൊബിലിറ്റി സൊല്യൂഷൻസ് എന്നതാണ് ഓട്ടോ എക്സ്പോ 2020 -ൽ തങ്ങളുടെ പവലിയന്റെ തീം എന്ന് ടാറ്റാ മോട്ടോർസിന്റെ ചീഫ് എക്സിക്യൂട്ടീവ് ഓഫീസറും മാനേജിംഗ് ഡയറക്ടറുമായ ശ്രീ. ഗുണ്ടർ ബട്ട്ഷെക് അറിയിച്ചു.
ഈ തീം ഭാവിയിലേക്ക് ശ്രദ്ധ കേന്ദ്രീകരിക്കും. കാര്യക്ഷമവും ഹരിതവും സുസ്ഥിരവുമായ യാത്ര സംവിധാനങ്ങളുടെ യാഥാർത്ഥ്യത്തിലേക്ക് ഇത് വിവർത്തനം ചെയ്യുമെന്നും ദില്ലി ഓട്ടോ എക്സ്പോ 2020 ൽ ടാറ്റാ മോട്ടോർസ് വിപുലമായ ഭാവി ഉൽപ്പന്നങ്ങൾ അനാവരണം ചെയ്യാൻ ആഗ്രഹിക്കുന്നു. നിർമ്മാതാക്കളുടെ എല്ലാ ഉൽപ്പന്നങ്ങളും ബിഎസ് VI നിലവാരത്തിലുള്ളവയായിരിക്കുമെന്നും അദ്ദേഹം പറഞ്ഞു. ഉത്തരവാദിത്തമുള്ള ഒരു കോർപ്പറേറ്റ് എന്ന നിലയിൽ തങ്ങൾ ഇവയെല്ലാം കണക്കിലെടുത്ത് പുതിയ തലമുറ ഉൽപ്പന്നങ്ങൾ വേഗത്തിൽ വിപണിയിലെത്തിക്കാൻ ശ്രമിക്കുമെന്നും അദ്ദേഹം വ്യക്തമാക്കി.