ടാറ്റയുടെ ഈ ബജറ്റ് എസ്‌യുവി ഇനി 100 ശതമാനം എത്തനോളിലും ഓടും, പഞ്ചിൽ പുതിയ മെക്കാനിസം!

ഭാരത് മൊബിലിറ്റി ഗ്ലോബൽ എക്‌സ്‌പോയിൽ ടാറ്റ മോട്ടോഴ്‌സ് പുതിയ പഞ്ച് ഫ്ലെക്‌സ് ഫ്യുവൽ കൺസെപ്റ്റ് വെളിപ്പെടുത്തി.

2025 ലെ ഭാരത് മൊബിലിറ്റി ഗ്ലോബൽ എക്‌സ്‌പോയിൽ ടാറ്റ മോട്ടോഴ്‌സ് പുതിയ പഞ്ച് ഫ്ലെക്‌സ് ഫ്യുവൽ കൺസെപ്റ്റ് വെളിപ്പെടുത്തി. ഈ മൈക്രോ എസ്‌യുവിക്ക് ഇപ്പോൾ എത്തനോൾ (E85), 100% എത്തനോൾ (E100) എന്നിവയിൽ പ്രവർത്തിക്കാൻ കഴിയും.  ഇത് പഞ്ചിനെ മികച്ചതും പരിസ്ഥിതി സൗഹൃദവുമായ ഓപ്ഷനാക്കി മാറ്റുന്നു. അതിൻ്റെ സവിശേഷതകൾ നമുക്ക് വിശദമായി അറിയാം.

എന്താണ് ഫ്ലെക്സ് ഇന്ധനം?
ഫ്ലെക്സ് ഇന്ധന വാഹനങ്ങൾക്ക് പ്രത്യേക എഞ്ചിൻ ഉണ്ട്. പെട്രോളിന് പുറമെ എഥനോൾ മിശ്രിതത്തിലും പ്രവർത്തിക്കാൻ കഴിയും. എഥനോൾ ഒരു ജൈവ ഇന്ധനമാണ്.  ഇത് പ്രധാനമായും ഗോതമ്പ്, ചോളം, കരിമ്പ് എന്നിവയിൽ നിന്നാണ് നിർമ്മിക്കുന്നത്. പെട്രോളിന് പകരമായി ഇത് ഉപയോഗിക്കാം. ഇത് മലിനീകരണം കുറയ്ക്കാനും ഊർജം ലാഭിക്കാനും സഹായിക്കുന്നു.

ടാറ്റ പഞ്ച് ഫ്ലെക്സ് ഫ്യൂവലിൻ്റെ സവിശേഷതകൾ
ടാറ്റ പഞ്ചിൻ്റെ എഞ്ചിൻ ഫ്ലെക്സ്-ഇന്ധനവുമായി പൊരുത്തപ്പെടാൻ ടാറ്റ മോട്ടോഴ്സ് നിരവധി മെക്കാനിക്കൽ മാറ്റങ്ങൾ വരുത്തി. ഒരു സ്മാർട്ട് സോഫ്‌റ്റ്‌വെയറും നൂതന എഞ്ചിൻ നിയന്ത്രണ സംവിധാനവും ഇതിൽ ഉണ്ട്. അത് യാത്രയ്ക്കിടയിലും വിവിധ എഥനോൾ ഇന്ധന മിശ്രിതങ്ങളുമായി സ്വയമേവ ക്രമീകരിക്കാൻ കഴിയും. ടാറ്റ പഞ്ച് ഫ്ലെക്സ് ഫ്യൂവലിന് അതേ 1.2 ലിറ്റർ നാച്ചുറലി ആസ്പിറേറ്റഡ് പെട്രോൾ എഞ്ചിൻ ഉണ്ട്. അത് അതിൻ്റെ പെട്രോൾ വേരിയൻ്റുകളിൽ ലഭ്യമാണ്. എങ്കിലും, എത്തനോളിൻ്റെ കൂടുതൽ അപകടകരമായ ഫലങ്ങളിൽ നിന്ന് സംരക്ഷിക്കുന്നതിനായി ഈ എഞ്ചിൻ ചെറുതായി അപ്ഡേറ്റ് ചെയ്തിട്ടുണ്ട്. ഇതിനർത്ഥം ഈ എഞ്ചിൻ ഇപ്പോൾ 100% എത്തനോളിലും ശരിയായി പ്രവർത്തിക്കും എന്നാണ്. പെട്രോൾ വേരിയൻ്റിൽ 86 ബിഎച്ച്പി പവറും 115 എൻഎം ടോർക്കും സൃഷ്‍ടിക്കാൻ കഴിയുന്ന ഇതിൽ പവറും ടോർക്കും കണക്കുകൾ അതേപടി നിലനിൽക്കും. അഞ്ച്-സ്പീഡ് മാനുവൽ, എഎംടി (ഓട്ടോമേറ്റഡ് മാനുവൽ ട്രാൻസ്മിഷൻ) ഓപ്ഷനുകളിൽ ഇത് ലഭ്യമാകും. ഇത് ഡ്രൈവിംഗ് കൂടുതൽ സുഖകരമാക്കും.

ടാറ്റ പഞ്ച് ഫ്ലെക്സ് ഫ്യൂവലിൻ്റെ വികസനം ഒരു സാങ്കേതിക മുന്നേറ്റം മാത്രമല്ല, ബദൽ ഇന്ധനമായി എത്തനോൾ പ്രോത്സാഹിപ്പിക്കുന്നതിനുള്ള കേന്ദ്ര സർക്കാരിന്‍റെ സംരംഭവുമായി ബന്ധപ്പെട്ടിരിക്കുന്നു. ഇത് കൂടാതെ, കരിമ്പ്, ധാന്യങ്ങൾ തുടങ്ങിയ പ്രാദേശിക വിഭവങ്ങളിൽ നിന്ന് എഥനോൾ ആഭ്യന്തര ഉത്പാദനം നടത്തും, ഇത് രാജ്യത്തിൻ്റെ ഊർജ്ജ സുരക്ഷ വർദ്ധിപ്പിക്കുകയും ഇറക്കുമതിയെ ആശ്രയിക്കുന്നത് കുറയ്ക്കുകയും ചെയ്യും.

ഈ നടപടി സർക്കാർ നീക്കങ്ങൾക്ക് ഗുണകരമാണ്. കാരണം ഇത് നികുതി വരുമാനം വർദ്ധിപ്പിക്കുകയും പുതിയ തൊഴിലവസരങ്ങൾ സൃഷ്ടിക്കുകയും ചെയ്യും. എക്‌സ്‌പോയിൽ ഈ ഫ്ലെക്‌സ് ഫ്യുവൽ വാഹനം അവതരിപ്പിച്ചുകൊണ്ട്, സർക്കാരിൻ്റെ പുതിയ ഇന്ധന നയവുമായി പൊരുത്തപ്പെടാൻ തയ്യാറാണെന്ന് ടാറ്റ മോട്ടോഴ്‌സ് സൂചിപ്പിച്ചു.