പുതിയ പേരില്‍ രജിസ്റ്റര്‍ ചെയ്‍ത ആ ഇന്നോവയെ സംബന്ധിച്ച വിവരങ്ങള്‍ ചോര്‍ന്നു
ജാപ്പനീസ് വാഹന നിര്‍മ്മാതാക്കളായ ടൊയോട്ടയുടെ ജനപ്രിയ മോഡല്‍ ഇന്നോവ വിൽപ്പനയ്‌ക്ക് എത്തിയിട്ട് രണ്ട് പതിറ്റാണ്ടോളമായി. 2004-ൽ എത്തുകയും വർഷങ്ങളായി അപ്‌ഡേറ്റുകളുടെ ഒരു പരമ്പര വാഹനത്തിന് ലഭിക്കുകയും ചെയ്‍തു. രണ്ടാം തലമുറ മോഡലിന് ഇന്നോവ ക്രിസ്റ്റ എന്ന പേരില്‍ 2015-ൽ ആണെത്തിയത്. ഇപ്പോവിതാ ടൊയോട്ട ഇപ്പോൾ ഇന്നോവയുടെ മൂന്നാം തലമുറ പുറത്തിറക്കാനുള്ള ശ്രമത്തിലാണ് എന്നാണ് പുതിയ റിപ്പോര്‍ട്ടുകള്‍.
ഈ പ്രമുഖരുടെ വീട്ടുമുറ്റങ്ങളിലെ ഇന്നോവകള്‍, ആ രഹസ്യം തേടി വാഹനലോകം!
ജാപ്പനീസ് ഓട്ടോമൊബൈൽ ബ്രാൻഡിന്റെ ഇന്ത്യൻ വിഭാഗം ഇപ്പോൾ ഒരു പുതിയ വ്യാപാരമുദ്ര രജിസ്റ്റർ ചെയ്‍തിട്ടുണ്ട് എന്നും ഇന്നോവ ഹൈക്രോസ് എന്നാണ് ഈ മോഡലിന്‍റെ പേരെന്നും കാര്‍ വാലെ, റഷ് ലൈന്‍ തുടങ്ങിയ മാധ്യമങ്ങള്‍ റിപ്പോര്‍ട്ട് ചെയ്യുന്നു. ചോർന്ന ഡാറ്റ അനുസരിച്ച്, 2023 ടൊയോട്ട ഇന്നോവ ക്രിസ്റ്റ ഒരു ഹൈബ്രിഡ് സജ്ജീകരണത്തോടെ എത്തിയേക്കാം എന്നാണ് റിപ്പോര്‍ട്ടുകള്‍. പുതിയ തലമുറ ഇന്നോവ ക്രിസ്റ്റയ്ക്ക് ബാഹ്യ രൂപകൽപ്പനയ്ക്ക് സമഗ്രമായ അപ്‌ഡേറ്റ് ലഭിക്കും. കൂടാതെ നിരവധി പുതിയ ഫീച്ചറുകളും വാഗ്ദാനം ചെയ്യുമെന്ന് പ്രതീക്ഷിക്കുന്നു.
പുതിയ ടൊയോട്ട ഇന്നോവ ക്രിസ്റ്റ ഹൈക്രോസില്‍ നിലവിലെ അതേ 2.7-ലിറ്റർ പെട്രോൾ മോട്ടോറും 2.4-ലിറ്റർ ഡീസൽ എഞ്ചിനും ഒരു ഹൈബ്രിഡ് മോട്ടോറിനൊപ്പം നൽകുമെന്ന് പ്രതീക്ഷിക്കുന്നു. ടൊയോട്ട 2023 ഇന്നോവ ഹൈക്രോസില്‍ പെട്രോൾ, പെട്രോൾ ഹൈബ്രിഡ് പവർട്രെയിനുകൾ തിരഞ്ഞെടുത്തേക്കും എങ്കിലും ഹൈക്രോസിനൊപ്പം ഡീസൽ എഞ്ചിനൊന്നും ഓഫർ ചെയ്തേക്കില്ല . 2.4 ലിറ്റർ ഡീസൽ എഞ്ചിൻ അല്ലെങ്കിൽ 2.7 ലിറ്റർ പെട്രോൾ മോട്ടോറാണ് നിലവിലെ ഇന്നോവ ക്രിസ്റ്റയ്ക്ക് കരുത്തേകുന്നത്. ട്രാൻസ്മിഷൻ ഓപ്ഷനുകളിൽ 5 സ്പീഡ് മാനുവൽ അല്ലെങ്കിൽ ഓട്ടോമാറ്റിക് ടോർക്ക് കൺവെർട്ടർ ഉൾപ്പെടുന്നു. എംപിവിക്ക് ഇന്തോനേഷ്യൻ വിപണിയിൽ ഹൈബ്രിഡ് പവർട്രെയിൻ ലഭിക്കുമെന്ന് ടൊയോട്ട ഇതിനകം സ്ഥിരീകരിച്ചിട്ടുണ്ട്. ബ്രാൻഡിന്റെ സെൽഫ് ചാർജിംഗ് ഹൈബ്രിഡ് സാങ്കേതികവിദ്യ ഉപയോഗിച്ച് 1.5 എൽ പെട്രോൾ ടർബോചാർജ്ഡ് മോട്ടോറോട് കൂടിയ 2023 ടൊയോട്ട ഇന്നോവ ഹൈബ്രിഡ് വാഹന നിർമ്മാതാവ് അവതരിപ്പിച്ചേക്കാം.
വരാനിരിക്കുന്ന മാരുതി ടൊയോട്ട എസ്‌യുവിയിൽ കാണുന്ന അതേ പെട്രോൾ ഹൈബ്രിഡ് മോട്ടോർ തന്നെയായിരിക്കും പുതിയ ഇന്നോവ ഹൈബ്രിഡിന് കരുത്ത് പകരുന്നത്. ഈ മോട്ടോറിനെ കുറിച്ച് കൂടുതൽ അറിവില്ല. സെൽഫ് ചാർജിംഗ് ഹൈബ്രിഡ് സാങ്കേതികവിദ്യയുള്ള 1.5 ലിറ്റർ പെട്രോൾ ടർബോ യൂണിറ്റ് ആകാം. ലോഞ്ചിനോട് അടുത്ത് കൂടുതൽ വിശദാംശങ്ങൾ വെളിപ്പെടുത്തുമെന്ന് പ്രതീക്ഷിക്കുന്നു. ഇന്നോവ ഹൈബ്രിഡ് ഹൈക്രോസിന് ഇന്നോവ ക്രിസ്റ്റ പെട്രോളിനേക്കാൾ വില കൂടുതലായിരിക്കും.
ഹൈബ്രിഡ് സാങ്കേതികവിദ്യ പ്രോത്സാഹിപ്പിക്കുന്നതിനായി ടൊയോട്ട ഇന്ത്യ പുതിയ കാമ്പെയിൻ ആരംഭിച്ചിട്ടുണ്ട്. അവർക്ക് നിലവിൽ രണ്ട് ഹൈബ്രിഡ് കാറുകൾ മാത്രമേ ടൊയോട്ടയുടെ ശ്രേണിയില്‍ ഉള്ളൂ. കാമ്രിയും വെൽഫയറും ആണത്. ഇരുവാഹനങ്ങളും ഒരുമിച്ച് ഒരു മാസം 100 മുതല്‍ 150 യൂണിറ്റുകള്‍ വരെ വിൽപ്പന മാത്രമാണ് കൈകാര്യം ചെയ്യുന്നത്.
അതേസമയം ടൊയോട്ട ഹം ഹെയ്ൻ ഹൈബ്രിഡ് കാമ്പെയ്‌ൻ അവരുടെ വരാനിരിക്കുന്ന കാറുകൾക്കായുള്ള സാങ്കേതികവിദ്യയെ പ്രോത്സാഹിപ്പിക്കുന്നു, അവയിലൊന്ന് ക്രെറ്റ എതിരാളി എസ്‌യുവിയും മറ്റൊന്ന് ഇന്നോവ ഹൈബ്രിഡ് അല്ലെങ്കിൽ ഇന്നോവ ഹൈക്രോസും ആണ്. ഹൈബ്രിഡ് സാങ്കേതികവിദ്യ ചെലവേറിയതാണെന്നതിനാൽ, പുതിയ ഇന്നോവ ഹൈക്രോസിനൊപ്പം നിലവിലുള്ള ഇന്നോവ ക്രിസ്റ്റ പെട്രോളും ഡീസലും വിൽപ്പനയിൽ തുടരാനാണ് സാധ്യത.
പുതിയ ടൊയോട്ട ഇന്നോവ ഹൈക്രോസ് ഈ വർഷം അവസാനത്തോടെ അനാച്ഛാദനത്തിന് തയ്യാറെടുക്കുന്നതായും റിപ്പോര്‍ട്ടുകള്‍ ഉണ്ട്. 2022 ഡിസംബറോടെ വാഹനത്തിന്‍റെ ഉൽപ്പാദനം ആരംഭിക്കുമെന്ന് പ്രതീക്ഷിക്കുന്നു. 2023 ജനുവരിയിൽ തന്നെ ലോഞ്ച് നടക്കുമെന്ന് പ്രതീക്ഷിക്കുന്നു. പുതിയ ഇന്നോവ ഹൈക്രോസ് ഹൈബ്രിഡ് പരീക്ഷണത്തിൽ നിലവിലെ ഇന്നോവ ക്രിസ്റ്റയുടെ അതേ വലുപ്പത്തിലാണ്. ചില ഡിസൈൻ ഘടകങ്ങളും സമാനമായിരുന്നു - സി പില്ലറിന് മുന്നിൽ ക്വാർട്ടർ വിൻഡോയുള്ള ഇന്നോവ ശൈലിയിലുള്ള ഗ്ലാസ്‌ഹൗസാണ്. നേരായ ടെയിൽഗേറ്റിനൊപ്പം അതേ ഡോർ ഡിസൈനും ഫെൻഡറുകളും ഇതിന് ലഭിച്ചു.
വീട്ടുമുറ്റങ്ങളില്‍ ഇന്നോവകള്‍ നിറയുന്നു, വമ്പന്‍ നേട്ടവുമായി ടൊയോട്ട
2023 ടൊയോട്ട ഇന്നോവ ഹൈബ്രിഡിന് വലിയ അലോയ് വീലുകളിലും സ്‌പോർട്ടഡ് എൽഇഡി ടെയിൽ ലാമ്പുകളിലും ലഭിച്ചേക്കും. ഫോർച്യൂണറിലും ഹിലക്‌സിലും കാണുന്ന അതേ ബോഡി-ഓൺ-ഫ്രെയിം ഷാസിയാണ് അതിന്റെ നിലവിലെ മോഡൽ കടമെടുക്കുന്നതെങ്കിലും, അടുത്ത തലമുറ ഇന്നോവ ഹൈക്രോസിന് ഒരു ടിഎൻജിഎ പ്ലാറ്റ്‌ഫോം ലഭിച്ചേക്കാം. വാഹനത്തിന്‍റെ ഇന്റീരിയര്‍ വിവരങ്ങള്‍ ഇതുവരെ വ്യക്തമല്ല.
Sources : Car Wale, RushLane, India Car News