റോഡിലെ വളവിൽ വകതിരിവില്ലാതെ സ്കൂട്ടർ യൂ ടേണ് എടുത്തപ്പോള് സംഭവിച്ച ഒരു ഞെട്ടിക്കുന്ന അപകടത്തിന്റെ വിഡിയോയാണ് ഇപ്പോള് സോഷ്യല് മീഡിയയില് വൈറലാകുന്നത്.
അടുത്തകാലത്തായി നടക്കുന്ന പല അപകടങ്ങളും സിസിടിവി ക്യാമറകളില് പതിയാറുണ്ട്. ട്രാഫിക് നിയമങ്ങള് കൃത്യമായി പാലിക്കേണ്ടതിന്റെ ആവശ്യകതയെപ്പറ്റി ചിലരെയെങ്കിലും ബോധവാന്മാരാക്കുന്നതില് ഇത്തരം വീഡിയോകള് ഒരുപരിധി വരെ സഹായിച്ചേക്കും.
പ്രധാന റോഡിലെ വളവിൽ വകതിരിവില്ലാതെ സ്കൂട്ടർ യൂ ടേണ് എടുത്തപ്പോള് സംഭവിച്ച ഒരു ഞെട്ടിക്കുന്ന അപകടത്തിന്റെ വിഡിയോയാണ് ഇപ്പോള് സോഷ്യല് മീഡിയയില് വൈറലാകുന്നത്. അപകടം നടന്നത് സ്ഥലമോ ഇരായായവരുടെ കൂടുതല് വിവരങ്ങളോ വ്യക്തമല്ല. മലപ്പുറം ജില്ലയിലാണ് സംഭവം നടന്നതെന്നാണ് സോഷ്യല് മീഡിയ നല്കുന്ന സൂചന.
വളവിൽ നിന്ന് എത്തിയ ബൈക്ക് സ്കൂട്ടറിൽ ഇടിക്കുകയായിരുന്നു. സ്കൂട്ടറിലുണ്ടായിരുന്ന കുടുംബവും ബൈക്കിൽ എത്തിയ യുവാക്കളും റോഡിലേക്ക് തെറിച്ചു വീഴുന്നത് വീഡിയോയില് കാണാം. സ്കൂട്ടര് ഓടിച്ച ആളുടെ അശ്രദ്ധയാണ് അപകടത്തിന്റെ മുഖ്യ കാരണം എന്ന് ഈ വീഡിയോ വ്യക്തമാക്കുന്നു.
യൂ ടേണ്; ഇക്കാര്യങ്ങള് ശ്രദ്ധിക്കുക
പ്രധാന റോഡുകളിലേക്ക് പ്രവേശിക്കും മുമ്പ് ഇക്കാര്യങ്ങള് ശ്രദ്ധിക്കുക
ഓവര്ടേക്ക് ചെയ്യുമ്പോള് ശ്രദ്ധിക്കേണ്ട കാര്യങ്ങള്
1. വലതുവശം
മുന്നിലെ വാഹനത്തിന്റെ വലതുവശത്തുകൂടിയല്ലാതെ ഓവര്ടേക്ക് ചെയ്യരുത്. മാത്രമല്ല മുന്നിലെ വാഹനത്തിന് ഒരു തരത്തിലും അസൗകര്യമുണ്ടാക്കാതെ വേണം മറികടക്കാന്
2. റോഡ് കാണാന് കഴിയണം
മുന്നിലുള്ള വാഹനത്തെ മറികടക്കുന്നതിനു മുമ്പ് സുരക്ഷിതമായി ഓവര്ടേക്കു ചെയ്യാന് സാധിക്കുന്നവിധം റോഡ് കാണാമെന്ന് ഉറപ്പാക്കണം
3. വളവുകളില് അരുതേയരുത്
വളവുകളിലും റോഡ് കാണാന് പറ്റാത്ത അവസ്ഥകളിലും ഓവര്ടേക്കിങ് ഒരിക്കലും പാടില്ല
4. പിന്നിലെ വാഹനങ്ങള്
പിന്നില്നിന്നു വാഹനങ്ങള് തന്നെ ഓവര്ടേക്ക് ചെയ്യാന് ശ്രമിക്കുന്നില്ലെന്നും ഉറപ്പുവരുത്തണം
5. എതിര്ദിശയിലെ വാഹനങ്ങള്
എതിര്ദിശയില്നിന്നു വരുന്ന വാഹനത്തെ വ്യക്തമായി കാണാന് സാധിക്കാത്ത സന്ദര്ഭങ്ങളില് ഓവര്ടേക്ക് ചെയ്യരുത്.
6. കണക്കുകൂട്ടല് പിഴച്ചാല്
ഓവര്ടേക്കിങ് വളരെയധികം ശ്രദ്ധ വേണ്ട കാര്യമാണ്. അമിതമായ ആത്മവിശ്വാസം വേണ്ടേ വേണ്ട. കാരണം കണക്കുകൂട്ടല് അല്പമൊന്നു പിഴച്ചാല് മതി വന് ദുരന്തം സംഭവിക്കാന്.