ഇത്തരമൊരു അപകടത്തിന്റെ ദൃശ്യങ്ങളാണ് ഇപ്പോള് സോഷ്യല് മീഡിയയില് വൈറലാകുന്നത്
അടുത്തകാലത്തായി നടക്കുന്ന പല അപകടങ്ങളും സിസിടിവി ക്യാമറകളില് പതിയാറുണ്ട്. ട്രാഫിക് നിയമങ്ങള് കൃത്യമായി പാലിക്കേണ്ടതിന്റെ ആവശ്യകതയെപ്പറ്റി ചിലരെയെങ്കിലും ബോധവാന്മാരാക്കുന്നതില് ഇത്തരം വീഡിയോകള് ഒരുപരിധി വരെ സഹായിച്ചേക്കും.
ഇത്തരമൊരു അപകടത്തിന്റെ ദൃശ്യങ്ങളാണ് ഇപ്പോള് സോഷ്യല് മീഡിയയില് വൈറലാകുന്നത്. അശ്രദ്ധമായി സ്കൂട്ടറിൽ ഒരു യാത്രികന് നാലുവരി പാത ക്രോസ് ചെയ്തപ്പോൾ നടന്ന അപകടമാണിത്. വേഗത്തിൽ എത്തിയ കാർ സ്കൂട്ടറിനെ ഇടിച്ചുതെറിപ്പിച്ചു. ശേഷം റോഡില് നിന്നും ഉയര്ന്നു പൊങ്ങിയ കാര് തഴകീഴായി മറിയുകയും ചെയ്തു. നാഗ്രൂരിലാണ് ഈ അപകടം നടന്നതെന്നാണ് റിപ്പോര്ട്ടുകള്.
അപകടത്തിൽ സ്കൂട്ടർ യാത്രികന് ജീവൻ നഷ്ടപ്പെടുകയും കാറിലെ യാത്രക്കാർക്ക് പരിക്കേൽക്കുകയും ചെയ്തു എന്നാണ് റിപ്പോര്ട്ടുകള്. രാത്രിയിൽ സ്കൂട്ടർ യാത്രികൻ കാറിന്റെ വേഗം കണക്കാക്കിയത് തെറ്റിപ്പോയതാകാം അപകട കാരണം.
പ്രധാന റോഡുകളിലേക്ക് പ്രവേശിക്കും മുമ്പ് ഇക്കാര്യങ്ങള് ശ്രദ്ധിക്കുക
ഓവര്ടേക്ക് ചെയ്യുമ്പോള് ശ്രദ്ധിക്കേണ്ട കാര്യങ്ങള്
1. വലതുവശം
മുന്നിലെ വാഹനത്തിന്റെ വലതുവശത്തുകൂടിയല്ലാതെ ഓവര്ടേക്ക് ചെയ്യരുത്. മാത്രമല്ല മുന്നിലെ വാഹനത്തിന് ഒരു തരത്തിലും അസൗകര്യമുണ്ടാക്കാതെ വേണം മറികടക്കാന്
2. റോഡ് കാണാന് കഴിയണം
മുന്നിലുള്ള വാഹനത്തെ മറികടക്കുന്നതിനു മുമ്പ് സുരക്ഷിതമായി ഓവര്ടേക്കു ചെയ്യാന് സാധിക്കുന്നവിധം റോഡ് കാണാമെന്ന് ഉറപ്പാക്കണം
3. വളവുകളില് അരുതേയരുത്
വളവുകളിലും റോഡ് കാണാന് പറ്റാത്ത അവസ്ഥകളിലും ഓവര്ടേക്കിങ് ഒരിക്കലും പാടില്ല
4. പിന്നിലെ വാഹനങ്ങള്
പിന്നില്നിന്നു വാഹനങ്ങള് തന്നെ ഓവര്ടേക്ക് ചെയ്യാന് ശ്രമിക്കുന്നില്ലെന്നും ഉറപ്പുവരുത്തണം
5. എതിര്ദിശയിലെ വാഹനങ്ങള്
എതിര്ദിശയില്നിന്നു വരുന്ന വാഹനത്തെ വ്യക്തമായി കാണാന് സാധിക്കാത്ത സന്ദര്ഭങ്ങളില് ഓവര്ടേക്ക് ചെയ്യരുത്.
6. കണക്കുകൂട്ടല് പിഴച്ചാല്
ഓവര്ടേക്കിങ് വളരെയധികം ശ്രദ്ധ വേണ്ട കാര്യമാണ്. അമിതമായ ആത്മവിശ്വാസം വേണ്ടേ വേണ്ട. കാരണം കണക്കുകൂട്ടല് അല്പമൊന്നു പിഴച്ചാല് മതി വന് ദുരന്തം സംഭവിക്കാന്.