Yezdi Roadking : യെസ്ഡി റോഡ്കിംഗ് ഉടൻ എത്തും
Synopsis
രാജ്യത്ത് റോഡ്കിംഗ് ഉടന് അവതരിപ്പിക്കുമെന്ന് ബ്രാൻഡ് സ്ഥിരീകരിച്ചതായി ബൈക്ക് വെയ്ല് റിപ്പോര്ട്ട് ചെയ്യുന്നു.
മഹീന്ദ്ര ആന്ഡ് മഹീന്ദ്രയുടെ കീഴിലുള്ള വാഹന നിര്മ്മാതാക്കളായ ക്ലാസിക് ലെജൻഡ്സ് (Classic Legends) അഡ്വഞ്ചർ, സ്ക്രാമ്പ്ളർ, റോഡ്സ്റ്റർ എന്നിവ ഉൾപ്പെടുന്ന ഐക്കണിക്ക് ബ്രാന്ഡായ യെസ്ഡിയുടെ (Yezdi) മൂന്ന് മോട്ടോർസൈക്കിളുകൾ 2022 ജനുവരി രണ്ടാം വാരത്തിലാണ് അവതരിപ്പിച്ചത്. ഇപ്പോൾ, രാജ്യത്ത് റോഡ്കിംഗ് മോഡല് കൂടി കമ്പനി ഉടന് അവതരിപ്പിക്കുമെന്ന് ബ്രാൻഡ് സ്ഥിരീകരിച്ചതായി ബൈക്ക് വെയ്ല് റിപ്പോര്ട്ട് ചെയ്യുന്നു.
80 കളിലും 90 കളിലും യെസ്ഡിയുടെ പ്രധാന ഇരുചക്രവാഹനമായിരുന്നു റോഡ്കിംഗ്, ലോഞ്ച് ചെയ്യുമ്പോൾ, നിരയിലെ മുൻനിര മോഡലായിരിക്കും. തുടക്കത്തിൽ, ഇത് 652 സിസി, സിംഗിൾ സിലിണ്ടർ മിൽ 45 ബിഎച്ച്പി, 55 എൻഎം എന്നിവയുമായി വരുന്ന ബിഎസ്എ ഗോൾഡ്സ്റ്റാറിനെ അടിസ്ഥാനമാക്കിയുള്ളതായിരിക്കും.
മറ്റ് യെസ്ഡി മോട്ടോർസൈക്കിളുകൾ റെട്രോ ഫ്ലേവറും ആധുനിക ഫീച്ചറുകളും നോക്കുമ്പോൾ റോഡ്കിംഗും വ്യത്യസ്തമായിരിക്കില്ല എന്ന് നമുക്ക് പ്രതീക്ഷിക്കാം. ഫുൾ-എൽഇഡി ലൈറ്റിംഗ്, കണക്റ്റിവിറ്റിയും നാവിഗേഷനും ഉള്ള ഡിജിറ്റൽ ക്ലസ്റ്ററും ഒപ്പം ഡ്യുവൽ-ചാനൽ എബിഎസും ഇത് വരാൻ സാധ്യതയുണ്ട്.
ലോഞ്ച് തീയതി സംബന്ധിച്ച് ഔദ്യോഗിക സ്ഥിരീകരണം ഇല്ലെങ്കിലും, 2022 അവസാനമോ 2023 ആദ്യമോ യെസ്ഡി റോഡ്കിംഗ് അരങ്ങേറാൻ സാധ്യതയുണ്ട്. റോയൽ എൻഫീൽഡ് ഇന്റർസെപ്റ്റർ 650, കവാസാക്കി Z650 RS എന്നിവയെ നേരിടാനാണ് പുതിയ റോഡ്കിംഗ് ലക്ഷ്യമിടുന്നത്.
ഇതുവരെ അറിയാവുന്ന പുതിയ റോഡിങ്ങിന്റെ പ്രധാന വിശദാംശങ്ങൾ ഇതാ
1. മുൻനിര മോഡൽ
ഐക്കണിക് യെസ്ഡി റോഡ്കിംഗ് അതിന്റെ പുതിയ രൂപത്തില് തിരിച്ചെത്തും. ഇത് ബ്രാൻഡിന്റെ മുൻനിര മോഡലായി സ്ഥാപിക്കും. അതായത് അഡ്വഞ്ചർ, സ്ക്രാമ്പ്ളർ, റോഡ്സ്റ്റർ എന്നിവയ്ക്ക് മുകളില്, രാജ്യത്തെ ഏറ്റവും വിലകൂടിയ യെസ്ഡി ബൈക്കായിരിക്കും ഇത്.
2. റെട്രോ-സ്റ്റൈലിംഗ്
പുതിയ മോഡലിന്റെ ഔദ്യോഗിക വിവരങ്ങൾ ഇപ്പോഴും വ്യക്തമല്ല. എങ്കിലും, ഇത് യഥാർത്ഥ റെട്രോ രൂപഭംഗി നിലനിർത്താൻ സാധ്യതയുണ്ട്. യെസ്ഡി അഡ്വഞ്ചറിന് സമാനമായി, വൃത്താകൃതിയിലുള്ള എൽഇഡി ഹെഡ്ലാമ്പ്, ടിയർ ഡ്രോപ്പ് ആകൃതിയിലുള്ള ഇന്ധന ടാങ്ക്, ക്രോം ഫിനിഷ്ഡ് ഡ്യുവൽ എക്സ്ഹോസ്റ്റുകൾ എന്നിവ ഇതിൽ ഉൾക്കൊള്ളിച്ചേക്കാം. സവിശേഷതകളുടെ കാര്യത്തിൽ, ബൈക്ക് സെമി-ഡിജിറ്റൽ ഇൻസ്ട്രുമെന്റ് ക്ലസ്റ്റർ, ബ്ലൂടൂത്ത് കണക്റ്റിവിറ്റി, മൾട്ടി-മോഡ് എബിഎസ് (ആന്റി-ലോക്ക് ബ്രേക്കിംഗ് സിസ്റ്റം), യുഎസ്ബി ചാർജർ, ടേൺ-ബൈ-ടേൺ നാവിഗേഷൻ സിസ്റ്റം എന്നിവ വാഗ്ദാനം ചെയ്തേക്കാം.
3. ഒരേ പ്ലാറ്റ്ഫോം
അതിന്റെ സഹോദരങ്ങൾക്ക് സമാനമായി, 2023 റോഡ്കിംഗ് നിലവിലുള്ള ജാവ പ്ലാറ്റ്ഫോമിനെ അടിസ്ഥാനമാക്കിയുള്ളതായിരിക്കും.
4. കൂടുതൽ ശക്തമായ എഞ്ചിൻ
റിപ്പോർട്ടുകൾ പ്രകാരം, പുതിയ യെസ്ഡി റോഡ് കിങ്ങിന് മറ്റ് യെസ്ഡി മോഡലുകളേക്കാൾ വലിയ ശേഷിയുള്ള എഞ്ചിൻ ഉണ്ടായിരിക്കും. ബിഎസ്എ ഗോൾഡ് സ്റ്റാറിൽ നിന്ന് കടമെടുത്ത 652 സിസി, സിംഗിൾ സിലിണ്ടർ എഞ്ചിനിനൊപ്പം ഇത് വാഗ്ദാനം ചെയ്യാവുന്നതാണ്. ഈ എഞ്ചിന് 45.6PS-ന്റെ പീക്ക് പവറും 55Nm ടോർക്കും പുറപ്പെടുവിക്കുന്നു. റോയൽ എൻഫീൽഡ് ഇന്റർസെപ്റ്ററുമായി താരതമ്യപ്പെടുത്തുമ്പോൾ, ഇത് ഏകദേശം 2PS കുറവ് ശക്തിയും 3Nm കുറവ് ടോർക്കുമാണ് സൃഷ്ടിക്കുന്നത്. ട്രാൻസ്മിഷൻ ചുമതലകൾ നിർവഹിക്കുന്നതിന്, ബൈക്കിന് സ്ലിപ്പർ ക്ലച്ച് ഉള്ള 5-സ്പീഡ് ഗിയർബോക്സ് ഉണ്ടായിരിക്കും.
5. മത്സരം
2.58 ലക്ഷം മുതൽ 3.10 ലക്ഷം രൂപ വരെ എക്സ് ഷോറൂം വില വരുന്ന റോയൽ എൻഫീൽഡ് ഇന്റർസെപ്റ്റർ 650 ന് എതിരെ പുതിയ റോഡ്കിംഗ് പോരാടും. ഏകദേശം 2.60 ലക്ഷം രൂപയാണ് ഇതിന് പ്രതീക്ഷിക്കുന്ന വില.