30,000 ശമ്പളം കിട്ടിയാലും ഈ വിലകുറഞ്ഞ ഇലക്ട്രിക് കാർ വാങ്ങാം! ഇതാ ഇഎംഐ കണക്കുകൾ

7.75 ലക്ഷം രൂപ മുതൽ വില ആരംഭിക്കുന്ന എംജി കോമറ്റ് ഇവി ഇന്ത്യയിലെ ഏറ്റവും വിലകുറഞ്ഞ ഇലക്ട്രിക് കാറുകളിൽ ഒന്നാണ്. ഒരു ലക്ഷം രൂപ ഡൗൺ പേയ്‌മെന്റ് നൽകി, പ്രതിമാസം 14,072 രൂപ ഇഎംഐയിൽ ഈ കാർ സ്വന്തമാക്കാം.

ഓഫീസ് യാത്രയ്‌ക്കോ നഗരത്തിനുള്ളിൽ ദൈനംദിന യാത്രയ്‌ക്കോ താങ്ങാനാവുന്നതും സ്മാർട്ട് ആയതുമായ ഒരു ഇലക്ട്രിക് കാർ നിങ്ങൾ തിരയുകയാണെങ്കിൽ, എംജി കോമറ്റ് ഇവി നിങ്ങൾക്ക് ഒരു മികച്ച ഓപ്ഷനായിരിക്കും.

നിലവിൽ ഇന്ത്യയിലെ ഏറ്റവും വിലകുറഞ്ഞ ഇലക്ട്രിക് കാറുകളിൽ ഒന്നാണ് എംജി കോമറ്റ് ഇവി. 7.35 ലക്ഷം രൂപയാണ് എംജി കോമറ്റ് ഇവി എക്സ്-ഷോറൂം വില ആരംഭിക്കുന്നത്. എക്സിക്യൂട്ടീവ് വേരിയന്റിന്റെ ഓൺ-റോഡ് വില ഏകദേശം 7.75 ലക്ഷം രൂപയോളം വരും. ഇതിൽ ഇൻഷുറൻസ്, ആർടിഒ, മറ്റ് ചാർജുകൾ എന്നിവ ഉൾപ്പെടുന്നു. എംജി കോമറ്റ് ഇവിയുടെ അടിസ്ഥാന വേരിയന്റ് വാങ്ങാൻ, ഒരു ലക്ഷം രൂപ ഡൗൺ പേയ്‌മെന്റ് നൽകി നിങ്ങൾക്ക് ഈ കാർ ലോണിൽ സ്വന്തമാക്കാം. നിങ്ങളുടെ പ്രതിമാസ വരുമാനം 30,000 രൂപയാണെങ്കിൽപ്പോലും നിങ്ങൾക്ക് ഈ ലോൺ ഇഎംഐ അടച്ചുതീർക്കാൻ സാധിക്കും. ഇതാ വിശദമായ കണക്കുകൾ. 

എത്ര ഡൗൺ പേയ്‌മെന്റും ഇഎംഐയും  അടയ്ക്കേണ്ടിവരും?
ഇഎംഐ കണക്കുകൂട്ടൽ പ്രകാരം ഒരുലക്ഷം രൂപ ഡൌൺ പേമെന്‍റിനു ശേഷം ബാക്കി തുക ബാങ്ക് 9% പലിശ നിരക്കിൽ 5 വർഷത്തേക്ക് (60 മാസം) വായ്പ എടുത്താൽ ഏകദേശം  പ്രതിമാസം 14,072 രൂപ ആയിരിക്കും ഇഎംഐ. എങ്കിലും, ഈ കണക്കുകൂട്ടലും പലിശനിരക്കും ഡൌൺ പേമെന്‍റുമൊക്കെ വിവിധ ബാങ്കുകളുടെ നിബന്ധനകളും വ്യവസ്ഥകളും, നിങ്ങളുടെ സിബിൽ സ്കോർ, ഡീലർഷിപ്പിന്റെ ധനകാര്യ നയം എന്നിവയെ ആശ്രയിച്ചിരിക്കുന്നു, അതിനാൽ ഇഎംഐ തുകയിൽ നേരിയ വ്യത്യാസമുണ്ടാകാം. എന്തായാലും ഒരു വാഹന വായ്‍പഎടുക്കുന്നതിന് മുമ്പ് ബാങ്കിന്‍റെ നിബന്ധനകൾ നി‍ഹബന്ധമായും വായിച്ചുമനസിലാക്കുക.  

കോമറ്റ് ഇവി പ്രത്യേകതകൾ
ബാറ്ററി, മോട്ടോർ, റേഞ്ച് എന്നിവയെക്കുറിച്ച് പറയുമ്പോൾ, എംജി കോമറ്റ് ഇവിക്ക് 17.3 കിലോവാട്ട്സ് ലിഥിയം-അയൺ ബാറ്ററി ലഭിക്കുന്നു, ഇത് ഒരൊറ്റ മോട്ടോർ സജ്ജീകരണത്തിലൂടെ 41.42 ബിഎച്ച്പി പവറും 110 എൻഎം ടോർക്കും ഉത്പാദിപ്പിക്കുന്നു.  ഒറ്റ ഫുൾ ചാർജിൽ 230 കിലോമീറ്റർ സഞ്ചരിക്കാൻ ഈ കാർ പ്രാപ്‍തമാണ് എന്ന് എആ‍ർഎഎൈ സാക്ഷ്യപ്പെടുത്തിയിരിക്കുന്നു. ഇത് നഗര ഉപയോഗത്തിന് പര്യാപ്‍തമാണ്. ഈ ഇലക്ട്രിക് കാറിന് ഇക്കോ, നോർമൽ, സ്പോർട്ട് എന്നിങ്ങനെ മൂന്ന് ഡ്രൈവിംഗ് മോഡുകൾ ഉണ്ട്. ഇത് വ്യത്യസ്ത റൈഡിംഗ് ആവശ്യങ്ങൾക്ക് അനുസരിച്ച് പ്രകടനം കസ്റ്റമൈസ് ചെയ്യാൻ അനുവദിക്കുന്നു. 3.3 kW എസി ചാർജർ ഉപയോഗിച്ച് പൂജ്യം മുതൽ 100 ശതമാനം വരെ ചാർജ് ചെയ്യാൻ ഏകദേശം ഏഴുമണിക്കൂർ എടുക്കും. കോമറ്റ് ഇവിയുടെ സുരക്ഷാ സവിശേഷതകളെ കുറിച്ച് പറയുകയാണെങ്കിൽ, എംജി കോമറ്റ് ഇവിയിൽ ഡ്യുവൽ ഫ്രണ്ട് എയർബാഗുകൾ, എബിഎസ് + ഇബിഡി, ഇലക്ട്രോണിക് സ്റ്റെബിലിറ്റി കൺട്രോൾ (ഇഎസ്‌സി), ഹിൽ ഹോൾഡ് അസിസ്റ്റ്, ടയർ പ്രഷർ മോണിറ്ററിംഗ് സിസ്റ്റം (ടിപിഎംഎസ്), റിവേഴ്‌സ് പാർക്കിംഗ് ക്യാമറ തുടങ്ങി നിരവധി നൂതന സവിശേഷതകൾ ഉണ്ട്.