ഹെല്‍മറ്റ് വേണ്ട ലൈസൻസ് വേണ്ടേവേണ്ട; ആ കിടിലൻ ടൂവീലറുകള്‍ ഇന്ത്യയില്‍!

മോട്ടോറൈസ് ചെയ്യാത്ത ഈ ബൈക്ക് ഓടിക്കാൻ ഡ്രൈവിംഗ് ലൈസൻസോ ഹെൽമെറ്റോ ആവശ്യമില്ല എന്നതാണ് ശ്രദ്ധേയം

ഇവി മൊബിലിറ്റി ടെക് കമ്പനിയായ യുലു രണ്ട് പുതിയ ഇലക്ട്രിക് ബൈക്കുകൾ ഇന്ത്യൻ വിപണിയിൽ അവതരിപ്പിച്ചു. മിറാക്കിൾ ജിആർ, ഡെക്സ് ജിആർ എന്നിവയാണ് കമ്പനി അവതരിപ്പിച്ചത്. ഇവി സെഗ്‌മെന്റിലെ ബജാജിന്റെ അനുബന്ധ സ്ഥാപനമായ ചേതക് ടെക്‌നോളജീസ് ലിമിറ്റഡാണ് ഇവ രണ്ടും വികസിപ്പിച്ചെടുത്തിരിക്കുന്നത്.  പുതിയ മിറാക്കിൾ ജിആർ, ഡിഎക്സ് ഇലക്ട്രിക് ബൈക്കുകൾ പ്ലാറ്റ്ഫോം പങ്കിടുന്നു. മുൻവശത്തെ ടെലിസ്‌കോപിക് ഫോർക്കുകളും പിന്നിൽ ഇരട്ട ഷോക്ക് അബ്‌സോർബറുകളുമായാണ് പുതിയ യുലു ഇ-ബൈക്ക് വരുന്നത്. പുതിയ ബൈക്കുകൾക്ക് രണ്ടു ഭാഗത്തും ഡ്രം ബ്രേക്കുകൾ ലഭിക്കും. പുതിയ യുലു ഇ-ബൈക്കുകളുടെ പരമാവധി വേഗത മണിക്കൂറിൽ 25 കി.മീ ആണ്. മോട്ടോറൈസ് ചെയ്യാത്ത ഈ ബൈക്ക് ഓടിക്കാൻ ഡ്രൈവിംഗ് ലൈസൻസോ ഹെൽമെറ്റോ ആവശ്യമില്ല എന്നതാണ് ശ്രദ്ധേയം എന്ന് ടൈംസ് നൌ റിപ്പോര്‍ട്ട് ചെയ്യുന്നു.

യുലു മിറാക്കിൾ ജിആർ, യുലു  ഡെക്സ് ജിആർ എന്നിവ ഹബ് മൗണ്ടഡ് മോട്ടോറുമായാണ് വരുന്നത്. ഇതിന് എൽഇഡി ഹെഡ്‌ലൈറ്റ്, എൽഇഡി ടെയിൽ ലാമ്പ്, സെന്റർ സ്റ്റാൻഡ് എന്നിവ ലഭിക്കുന്നു. 15 കിലോ വരെ ഭാരം വഹിക്കാൻ കഴിയുന്ന ഒരു ലഗേജ് കാരിയർ കമ്പനി ഡെക്സ് ജിആർ ഇ-ബൈക്കിൽ നൽകിയിട്ടുണ്ട്. യുലു ഇതിനകം തന്നെ ഡെക്സ് ജിആർ ഇ-ബൈക്ക് പുറത്തിറക്കാൻ തുടങ്ങിയിട്ടുണ്ട്. കമ്പനിയുടെ സാന്നിധ്യമുള്ള എല്ലാ തെരുവുകളിലും ഇത് കാണാം. കമ്പനി പറയുന്നതനുസരിച്ച്, ഈ പുതിയ മൂന്നാം തലമുറ ഇ-ബൈക്ക് ഫുൾ പ്രൂഫ്, ഫാൾ പ്രൂഫ്, ഒടിഎ പിന്തുണയോടെയാണ് വരുന്നത്. മിറാക്കിൾ ജിആറും ഡിഎക്‌സ് ജിആറും സ്‌മാർട്ട് ഡോക്ക്‌ലെസ് ഇവി സാങ്കേതികവിദ്യയിലാണ് വരുന്നത്. 

ബാറ്ററി സ്വാപ്പിംഗ് നെറ്റ്‌വർക്കിനായി യുലു മാഗ്‌നയുമായി സഹകരിക്കുന്നു. യുലുവും മാഗ്നയും ചേർന്ന് യുമാ എനർജി പുറത്തിറക്കാൻ ഒരു സംയുക്ത സംരംഭം രൂപീകരിച്ചിട്ടുണ്ട്. ഈ സംയുക്ത സംരംഭം ഇലക്ട്രിക് ഇരുചക്രവാഹനങ്ങൾക്കായി 'ബാറ്ററികൾ-എ-സർവീസ്' നൽകുന്നു. 2022 സെപ്റ്റംബറിൽ ഈ സംയുക്ത സംരംഭം സ്ഥാപിക്കാൻ മാഗ്ന 77 മില്യൺ ഡോളർ നിക്ഷേപിച്ചു, ഈ സേവനം 2023 ഫെബ്രുവരി 2 ന് ആരംഭിക്കും. ബാംഗ്ലൂർ, മുംബൈ, ഡൽഹി എന്നിവിടങ്ങളിലായി നൂറോളം സ്റ്റേഷനുകളുണ്ട്. 2024 ഓടെ ഈ സ്റ്റേഷനുകൾ 500 ആയി ഉയർത്താനാണ് കമ്പനി ലക്ഷ്യമിടുന്നത്.

ഈ ബൈക്ക് ട്രാക്ക് ചെയ്യാൻ യുലു ആപ്പ് ഉപയോഗിക്കാം. ഇതിന് യുലു ആപ്പ് ഉപയോഗിച്ച് ഏറ്റവും അടുത്തുള്ള യുലു വാഹനം കണ്ടെത്താനും കഴിയും. ഈ പുതിയ ഇ-ബൈക്കുകൾ ട്രാക്ക് ചെയ്യാൻ കഴിയുമെന്ന് യുലു പറഞ്ഞു. വ്യക്തിഗതവും വാണിജ്യപരവുമായ ഉപയോഗത്തിന് ഇത് ഉപയോഗിക്കാം. 2023 ഒക്ടോബറോടെ ഏകദേശം ഒരു ലക്ഷം ഇലക്ട്രിക് ഇരുചക്ര വാഹനങ്ങൾ അവതരിപ്പിക്കാനാണ് കമ്പനി ലക്ഷ്യമിടുന്നത്.