ഇസുസു എംയുഎക്സിന്റെ 7പ്രത്യേകതകള്
Synopsis
മൂന്നു ലിറ്റർ, 4 സിലിണ്ടർ ടർബോ എഞ്ചിന്. 177 ബിഎച്ച്പി കരുത്ത്. 380 ന്യൂട്ടൺ മീറ്റർ ടോർക്ക്. 5 സ്പീഡ് ഓട്ടോമാറ്റിക്കാണ് ഗിയർ. ഫോർവീൽ ഡ്രൈവ്
ആക്സിലേറ്റർ ആഞ്ഞു ചവിട്ടുമ്പോൾ കുതിച്ചു പായുന്ന സ്പോർട്സ് കാറുകളുടെ സ്വഭാവമില്ല. പക്ഷേ ആക്സിലേറ്ററിൽ നൽകുന്ന മർദ്ദമനുസരിച്ച് സുഖപ്രദമായ രീതിയിലുള്ള പവർ ഡെലിവറി
സൈഡ് പ്രൊഫൈലിൽ വമ്പൻ വീൽ ആർച്ചുകള്. മൾട്ടിസ്പോക്ക് അലോയ് വീലുകളിന്മേൽ 17 ഇഞ്ച് ടയറുകൾ. പിൻഭാഗത്ത് സുന്ദരമായ വലിയ ടെയ്ൽലാമ്പുകൾ. ഇടയിൽ നീണ്ട ക്രോമിയം സ്ട്രിപ്പ്. ഗൗരവം ഒട്ടും ചോരാതെ വൃത്തിയായി ഡിസൈൻ ചെയ്തിരിക്കുന്ന വാഹനം
എംയുഎക്സിൽ നിവർന്നിരുന്ന് യാത്ര ചെയ്യാം. ലോകം കാൽക്കീഴിലെന്നു തോന്നുന്ന അനുഭവം എംയുഎക്സിന്റെ ഉയർന്ന രൂപം സമ്മാനിക്കുന്നു.
ഡാഷ്ബോർഡിന് വി ക്രോസിന്റേതിനു സമം ബ്ലാക്കും സ്റ്റീൽഫിനിഷും ചേർന്ന് സുന്ദരമായ ഉൾഭാഗം. ടച്ച് സ്ക്രീനാണ് ഡാഷ്ബോർഡിലെ ഇൻഫോടെയ്ൻമെന്റ് സിസ്റ്റം. കൂടാതെ റൂഫിൽ മറ്റൊരു 10 ഇഞ്ച് സ്ക്രീനും. പിൻസീറ്റിലിരിക്കുന്നവർക്ക് സിനിമയും മറ്റും കാണാൻ ഇതുപയോഗിക്കാം.
മുൻനിരയിലും പിൻനിരയിലും രണ്ടാംനിരയിലും ഇഷ്ടംപോലെ ഹെഡ് സ്പേസും ലെഗ്സ്പേസും. മൂന്നാം നിരയിലേക്ക് കടക്കാൻ ഒരു ചെറിയ ലിവർ മൃദുവായി വലിച്ച് രണ്ടാംനിര സീറ്റ് മടക്കിയാൽ മതി. മൂന്നാംനിര സീറ്റിൽ തരക്കേടില്ലാത്ത ലെഗ്സ്പേസും സീറ്റിന് മികച്ച കുഷ്യനും
ഇന്ത്യയിൽ ഇപ്പോൾ ഏറ്റവുമധികം വിൽക്കപ്പെടുന്ന ലക്ഷ്വറി എസ്യുവികളായ ഫോർഡ് എൻഡേവർ, ടൊയോട്ട ഫോർച്യൂണർ എന്നിവയുമായി താരതമ്യപ്പെടുത്തുമ്പോൾ അവയെക്കാൾ 6-7 ലക്ഷം രൂപ വില കുറവാണ് എംയുഎക്സിന്
ഏറ്റവും പുതിയ Automobile News, ഏറ്റവും പുതിയ Newly launched cars reviews in Malayalam തുടങ്ങിയവ മലയാളത്തിൽ അറിയാൻ Asianet News Malayalam. കാറുകൾ, ബൈക്കുകൾ, ഇലക്ട്രിക് വാഹനങ്ങൾ, ഓട്ടോ ടെക്നോളജി തുടങ്ങിയ മേഖലകളിലെ പുതിയ ട്രെൻഡുകളും അപ്ഡേറ്റുകളും ഒരൊറ്റ ക്ലിക്കിൽ.