ഒടുവില്‍ ആ അജ്ഞാത രക്ഷകയെ കണ്ടെത്തി!

മൂ​ന്നു​പേ​ര്‍ മ​രി​ച്ച ക​രൂ​ര്‍ വാ​ഹ​നാ​പ​ക​ട​ത്തി​ല്‍ ഗു​രു​ത​രമായി പ​രി​ക്കേ​റ്റ പൊ​ലീ​സു​കാ​ര​നെ കൃ​ത്യ​സ​മ​യ​ത്ത് ആ​ശു​പ​ത്രി​യി​ലെ​ത്തി​ച്ച അ​ജ്ഞാ​ത​യാ​യ സ്ത്രീയെ​ കണ്ടെത്തി. പു​റ​ക്കാ​ട് സ്വദേശി വൃ​ന്ദയായായിരുന്നു ആ രക്ഷക. ക​ഴി​ഞ്ഞ മൂ​ന്നു​ദി​വ​സ​മാ​യി 
ഈ സ്ത്രീ ആരെന്നു​ള്ള അ​ന്വേ​ഷ​ണ​ത്തി​ലാ​യി​രു​ന്നു ര​ക്ഷാ​പ്ര​വ​ര്‍​ത്ത​ക​രും നാ​ട്ടു​കാ​രും പരിക്കേറ്റ പൊലീസുകാരന്‍ നിസാറിന്‍റെ ബ​ന്ധു​ക്ക​ളു​മെ​ല്ലാം. 

ദേശീയപാതയില്‍ അമ്പലപ്പുഴ കരുരിനു സമീപം ജൂലൈ 27ന് പുലര്‍ച്ചെ അഞ്ചിനായിരുന്നു അപകടം. കാറും ലോറിയും കൂട്ടിയിടിച്ചുണ്ടായ അപകടത്തില്‍ കാറിലുണ്ടായിരുന്ന കൊട്ടിയം പൊലീസ് സ്‌റ്റേഷനിലെ വനിത പൊലീസുകാരി ശ്രീകല, കൊട്ടിയം സ്വദേശി ഹസീന(30), കാര്‍ ഡ്രൈവര്‍ നൗഫല്‍ എന്നിവര്‍ മരിച്ചിരുന്നു. അങ്കമാലിയില്‍നിന്നു കൊട്ടിയത്തേക്കു പോയ കാറും എതിരെ വന്ന ലോറിയുമാണ് അപകടത്തില്‍പ്പെട്ടത്. 

അപകടത്തില്‍ കാറിലുണ്ടായിരുന്ന പൊലീസുകാരന്‍ കു​ള​പ്പാ​ട് പു​ത്ത​ന്‍വി​ള​യി​ല്‍ നിസാറിനു (43)  ഗുരുതരമായി പരുക്കേറ്റിരുന്നു. അപകടം നടന്നതിനു തൊട്ടു പിന്നാലെ അവിടെയെത്തിയ വൃന്ദയാണ് നിസാറുമായി കാറില്‍ ആശുപത്രിയിലേക്ക് പറന്നത്. 18 വ​ര്‍ഷ​മാ​യി ഡ്രൈ​വി​ങ് സ്‌​കൂ​ള്‍ ന​ട​ത്തു​ന്ന ടീച്ചറായ വൃ​ന്ദ അമ്പലത്തിലേക്കുള്ള യാത്രമധ്യേയാണ് നിസാറിന്‍റെ രക്ഷകയായി മാറിയത്.

വ​ര്‍ഷ​ങ്ങ​ളാ​യി അ​മ്പ​ല​പ്പു​ഴ ശ്രീ​കൃ​ഷ്‌​ണ​സ്വാ​മി ക്ഷേ​ത്ര​ത്തി​ലെ അ​ഭി​ഷേ​കം ക​ണ്ടു​തൊ​ഴല്‍ പതിവാണെന്ന് വൃന്ദ ടീച്ചര്‍ പറയുന്നു. സം​ഭ​വ​ദി​വ​സം വീ​ട്ടി​ല്‍നി​ന്ന്​ ഇ​റ​ങ്ങാ​ന്‍ 10 മി​നി​റ്റ് വൈ​കിയതാണ് നിസാറിനെ ജീ​വി​ത​ത്തി​ലേ​ക്ക് കൈ​പി​ടി​ച്ച്‌ ഉ​യ​ര്‍ത്താ​ന്‍ നി​മി​ത്ത​മാ​യത്. 

ക്ഷേത്രത്തിലേക്കു പോകുന്നതിനിടയില്‍ തകര്‍ന്ന കാറില്‍ നിന്നും അ​ബോ​ധാ​വ​സ്ഥ​യി​ല്‍ ര​ക്തം​പു​ര​ണ്ട ഒ​രാ​ളെ നാ​ട്ടു​കാ​ര്‍ പു​റ​ത്തെ​ടു​ക്കു​ന്ന​തു കണ്ടു. കാ​ര്‍ നി​ര്‍ത്തി പ​രി​ക്കേ​റ്റ​യാ​ളെ​യും​കൊ​ണ്ട് ആ​ശു​പ​ത്രി​യി​ലേ​ക്ക് പാ​യുകയായിരുന്നു വൃന്ദ. കൃ​ത്യ​സ​മ​യ​ത്ത് ആശുപത്രിയില്‍ എ​ത്തി​ച്ച​താ​ണ് ഗുരുതരമായി പരിക്കേറ്റിട്ടും നി​സാ​റി​​​ന്‍റെ ജീ​വ​ന്‍ ര​ക്ഷി​ക്കാ​ന്‍ സ​ഹാ​യി​ച്ച​ത്. നി​സാ​ര്‍ ഇപ്പോള്‍ അ​പ​ക​ട​നി​ല ത​ര​ണം​ ചെ​യ്തിട്ടുണ്ട്.