റെനോ ബോറിയൽ ഇന്ത്യയിലേക്ക് വരുമ്പോൾ, ഇതാ അറിയേണ്ടതെല്ലാം

ഡാസിയ ബിഗ്‌സ്റ്ററിനെ അടിസ്ഥാനമാക്കിയുള്ള റെനോയുടെ 7 സീറ്റർ എസ്‌യുവി, ബോറിയൽ, 2026-ൽ ഇന്ത്യയിൽ അവതരിപ്പിക്കും. പുതിയ ഡസ്റ്ററിന് സമാനമായ ഡിസൈനും സവിശേഷതകളുമുള്ള ഈ വാഹനം ശക്തമായ ഹൈബ്രിഡ് സാങ്കേതികവിദ്യ ഉപയോഗിക്കും.

അടുത്ത രണ്ട് വർഷത്തിനുള്ളിൽ ഇന്ത്യൻ വിപണിയിൽ അഞ്ച് പുതിയ കാറുകൾ എത്തുമെന്ന് ഫ്രഞ്ച് വാഹന ബ്രൻഡായ റെനോ അടുത്തിടെ സ്ഥിരീകരിച്ചിരുന്നു. ഡസ്റ്റർ (അല്ലെങ്കിൽ ഡാസിയ ബിഗ്സ്റ്റർ) അടിസ്ഥാനമാക്കിയുള്ള 7 സീറ്റർ എസ്‌യുവിയായ മൂന്നാം തലമുറ ഡസ്റ്റർ, പുതിയ തലമുറ കിഗർ, ട്രൈബർ, ഒരു എ-സെഗ്മെന്റ് ഇലക്ട്രിക് കാർ എന്നിവ ഈ പദ്ധതിയിൽ ഉൾപ്പെടുന്നു. വരാനിരിക്കുന്ന റെനോ 7 സീറ്റർ എസ്‌യുവിയെ 'റെനോ ബോറിയൽ' എന്ന് വിളിക്കും. ഇത് ആദ്യം ലാറ്റിൻ അമേരിക്കൻ വിപണിയിൽ അവതരിപ്പിക്കും. തുടർന്ന് 70 ഓളം രാജ്യങ്ങളിലും അവതരിപ്പിക്കും. ഇതാ വാഹനത്തെക്കുറിച്ച് അറിയേണ്ടതെല്ലാം.

ഡിസൈൻ
ഈ പുതിയ റെനോ മൂന്ന്-വരി എസ്‌യുവി ഡാസിയ ബിഗ്‌സ്റ്ററുമായി നിരവധി ഡിസൈൻ ഘടകങ്ങൾ പങ്കിടും. രണ്ടാമത്തേതിൽ വലിയ ഗ്ലോസ് ബ്ലാക്ക് ഗ്രിൽ, എൽഇഡി ഹെഡ്‌ലാമ്പുകൾ, ടെയിൽലാമ്പുകൾ, വൈ- ആകൃതിയിലുള്ള ലൈറ്റ് സിഗ്നേച്ചർ, ഉയർന്ന ബോണറ്റ്, കൂറ്റൻ പ്ലാസ്റ്റിക് ബോഡി ക്ലാഡിംഗ്, സ്‌പോർട്ടി ഫ്രണ്ട്, റിയർ ബമ്പറുകൾ, 17-19 ഇഞ്ച് വീൽ വലുപ്പങ്ങളുള്ള ഡ്യുവൽ-ടോൺ അലോയ് വീലുകൾ എന്നിവയുൾപ്പെടെയുള്ള പരുക്കൻ സ്റ്റൈലിംഗ് ഉണ്ട്. ഇവയിൽ ഭൂരിഭാഗവും റെനോയുടെ വരാനിരിക്കുന്ന 7-സീറ്റർ എസ്‌യുവിയിലും നിലനിർത്താൻ സാധ്യതയുണ്ട്. പുതിയ ഡസ്റ്ററിനേക്കാൾ വലുപ്പത്തിൽ ബിഗ്‌സ്റ്ററിന് വളരെ വലുതാണ്. ഏകദേശം 230 മില്ലീമീറ്റർ നീളവും 43 മില്ലീമീറ്റർ വീൽബേസും ഇതിനുണ്ട്. പ്രൊഡക്ഷൻ-റെഡിയായ ഡാസിയ ബിഗ്‌സ്റ്ററിന് 4.57 മീറ്റർ നീളവും 1.81 മീറ്റർ വീതിയും 1.71 മീറ്റർ ഉയരവും 2.7 മീറ്റർ വീൽബേസുമാണുള്ളത്.

ഇന്റീരിയറും ഫീച്ചറുകളും
7 സീറ്റർ റെനോ ഡസ്റ്ററിന്റെ ഇന്റീരിയർ ലേഔട്ട് പുതിയ ഡസ്റ്ററിനോട് ഏറെക്കുറെ സമാനമാകുമെന്ന് പ്രതീക്ഷിക്കുന്നു. 10.1 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, 7 അല്ലെങ്കിൽ 10 ഇഞ്ച് ഡിജിറ്റൽ ഇൻസ്ട്രുമെന്റ് ക്ലസ്റ്റർ, പനോരമിക് സൺറൂഫ്, ഡ്യുവൽ സോൺ ക്ലൈമറ്റ് കൺട്രോൾ, അർക്കാമിസ് ഓഡിയോ സിസ്റ്റം, വയർലെസ് ചാർജിംഗ്, പവർഡ് ടെയിൽഗേറ്റ് തുടങ്ങിയ സവിശേഷതകളോടെ ഇത് വരാൻ സാധ്യതയുണ്ട്.

എഞ്ചിൻ സവിശേഷതകൾ
ഇന്ത്യൻ വിപണിയിൽ ശക്തമായ ഹൈബ്രിഡ് സാങ്കേതികവിദ്യയാണ് റെനോ പരിഗണിക്കുന്നത്, പുതിയ ഡസ്റ്ററിലൂടെയാണ് ഇത് അരങ്ങേറുക. ബോറിയൽ 7 സീറ്റർ എസ്‌യുവി അതിന്റെ 5 സീറ്റർ സഹോദരനുമായി പവർട്രെയിനുകൾ പങ്കിടാൻ സാധ്യതയുണ്ട്. ഇതിനർത്ഥം, 140 ബിഎച്ച്പി, 1.2 ലിറ്റർ പെട്രോൾ എഞ്ചിൻ, 48 വി സിസ്റ്റം എന്നിവയുള്ള ശക്തമായ ഹൈബ്രിഡ് പവർട്രെയിനും മൈൽഡ് ഹൈബ്രിഡ് സജ്ജീകരണവും ഉണ്ടാകാം എന്നാണ്.

ഇന്ത്യ ലോഞ്ച് വിശദാംശങ്ങൾ
പുതുതലമുറ ഡസ്റ്ററിന്റെ ലോഞ്ചിന് ശേഷം 2026 ൽ എപ്പോഴെങ്കിലും 7 സീറ്റർ റെനോ ഡസ്റ്ററും ഇന്ത്യയിലെത്തും. ഇതിന്റെ ഔദ്യോഗിക ലോഞ്ച് തീയതി ഇതുവരെ പ്രഖ്യാപിച്ചിട്ടില്ല. ഇന്ത്യയിൽ, ബോറിയൽ 7 സീറ്റർ എസ്‌യുവി മഹീന്ദ്ര XUV700, ഹ്യുണ്ടായി അൽകാസർ, എംജി ഹെക്ടർ പ്ലസ്, ടാറ്റ സഫാരി എന്നിവയുമായി മത്സരിക്കും.