ഹോണ്ടയുടെ ഒരേയൊരു എസ്‌യുവിയുടെ വില കൂടി

ജാപ്പനീസ് വാഹന ബ്രാൻഡായ ഹോണ്ട തങ്ങളുടെ എസ്‌യുവിയായ എലിവേറ്റിന്റെ വില വർദ്ധിപ്പിച്ചു. 5.5 ശതമാനം വരെയാണ് വില വർദ്ധനവ്, ഇത് വേരിയന്റുകൾ അനുസരിച്ച് 59,990 രൂപ വരെ ഉയരുന്നു.  

ജാപ്പനീസ് വാഹന ബ്രാൻഡായ ഹോണ്ടയുടെ ഏക എസ്‌യുവിയായ ഹോണ്ട എലിവേറ്റിന്‍റെ വില കൂട്ടി. ഈ എസ്‍യുവിയുടെ വില കമ്പനി 5.5 ശതമാനം വർദ്ധിപ്പിച്ചു. ഈ തീരുമാനം വാങ്ങുന്നവർക്ക് കനത്ത തിരിച്ചടിയായി. ഹ്യുണ്ടായി ക്രെറ്റയ്ക്ക് എതിരാളിയായ ഈ എസ്‌യുവി വാങ്ങാൻ നിങ്ങൾ പദ്ധതിയിടുകയാണെങ്കിൽ, ഇപ്പോൾ നിങ്ങൾക്ക് 59,990 രൂപ വരെ അധികമായി ചെലവഴിക്കേണ്ടി വന്നേക്കാം. എസ്‌വി, വി, വിഎക്സ്, ഇസഡ്എക്സ് വേരിയന്റുകളിൽ ഹോണ്ട എലിവേറ്റ് ലഭ്യമാണ്. എസ്‌വി വേരിയന്റിനാണ് ഏറ്റവും വലിയ വില വർധനവ്.

ഇന്ത്യയിലെ ഹോണ്ട എലിവേറ്റ് വില

ഈ ഹോണ്ട എയുവിയുടെ എക്സ്-ഷോറൂം വില നേരത്തെ 10. 99 ലക്ഷം രൂപയിൽ നിന്നാണ് ആരംഭിച്ചിരുന്നത്. എന്നാൽ ഇപ്പോൾ ഈ കാറിന്റെ അടിസ്ഥാന വേരിയന്റിന്, നിങ്ങൾ 11.59 ലക്ഷം രൂപ എക്സ്-ഷോറൂം വിലയായി ചെലവഴിക്കേണ്ടിവരും. അതായത് ഈ കാറിന്റെ അടിസ്ഥാന വേരിയന്റിന് നിങ്ങൾക്ക് 59,990 രൂപ കൂടുതൽ ചിലവാകും.

V ഗ്രേഡിന് ഇപ്പോൾ 9,990 രൂപ (എക്സ്-ഷോറൂം) വില കൂടുതലാണ്, മാനുവൽ വേരിയന്റിന് 12.06 ലക്ഷം രൂപയും ഓട്ടോമാറ്റിക് വേരിയന്റിന് 13.22 ലക്ഷം രൂപയും (എക്സ്-ഷോറൂം) വിലയുണ്ട്. VX ഗ്രേഡിന് 13,590 രൂപ (എക്സ്-ഷോറൂം) വില വർധനവ് ലഭിച്ചു, മാനുവൽ വേരിയന്റിന് 13.75 ലക്ഷം രൂപയും ഓട്ടോമാറ്റിക് വേരിയന്റിന് 14.91 ലക്ഷം രൂപയും (എക്സ്-ഷോറൂം) റീട്ടെയിൽ ചെയ്യുന്നു.

ZX ഗ്രേഡിന് 9,990 രൂപ (എക്സ്-ഷോറൂം) വില വർദ്ധിച്ചു, ഇപ്പോൾ മാനുവൽ വേരിയന്റിന് 14.98 ലക്ഷം രൂപ (എക്സ്-ഷോറൂം) യും ഓട്ടോമാറ്റിക് വേരിയന്റിന് 16.16 ലക്ഷം രൂപ (എക്സ്-ഷോറൂം) യുമാണ് വില. ബ്ലാക്ക് എഡിഷന്റെ വില 9,990 രൂപ (എക്സ്-ഷോറൂം) വർദ്ധിപ്പിച്ചു, മാനുവൽ വേരിയന്റിന് 15.07 ലക്ഷം രൂപ (എക്സ്-ഷോറൂം) യും ഓട്ടോമാറ്റിക് വേരിയന്റിന് 16.25 ലക്ഷം രൂപ (എക്സ്-ഷോറൂം) യും വില ഉയർന്നു.

ADV എഡിഷന്‍റെ വില 9,990 രൂപ (എക്സ്-ഷോറൂം) വര്‍ദ്ധനവ് ഉണ്ടായിട്ടുണ്ട്, മാനുവല്‍ വേരിയന്റിന് 15.39 ലക്ഷം രൂപ (എക്സ്-ഷോറൂം) യും ഓട്ടോമാറ്റിക് വേരിയന്റിന് 16.57 ലക്ഷം രൂപ (എക്സ്-ഷോറൂം) യുമാണ് വില.

ഹോണ്ട എലിവേറ്റ് എതിരാളികൾ

ഈ വില ശ്രേണിയിൽ, ഈ എസ്‌യുവി പുതിയ കിയ സെൽറ്റോസ്, വിഡബ്ല്യു ടൈഗൺ, ഹ്യുണ്ടായി ക്രെറ്റ, സ്കോഡ കുഷാഖ് തുടങ്ങിയ വാഹനങ്ങൾക്ക് കടുത്ത മത്സരം നൽകും.