ഹോണ്ടയുടെ ജൂൺ ഓഫർ: ഈ കാറുകൾക്ക് വൻ വിലക്കുറവ്

ഹോണ്ട കാർസ് ഇന്ത്യ, എലിവേറ്റ്, അമേസ് എന്നീ മോഡലുകൾക്ക് 2026 ജൂൺ മാസത്തിൽ വമ്പൻ ഓഫറുകൾ പ്രഖ്യാപിച്ചു. എലിവേറ്റിന് 2.15 ലക്ഷം രൂപ വരെയും അമേസിന് 67,000 രൂപ വരെയും ആനുകൂല്യങ്ങൾ ഉപഭോക്താക്കൾക്ക് ലഭിക്കും. ഈ ഓഫറുകളിൽ ക്യാഷ് ഡിസ്കൗണ്ടുകൾ, എക്സ്ചേഞ്ച് ബോണസുകൾ, കോർപ്പറേറ്റ് ഡിസ്കൗണ്ടുകൾ എന്നിവ ഉൾപ്പെടുന്നു.

ജാപ്പനീസ് വാഹന ബ്രാൻഡായ ഹോണ്ട കാർസ് ഇന്ത്യ തങ്ങളുടെ ജനപ്രിയ എസ്‌യുവിയായ ഹോണ്ട എലിവേറ്റിനും കോംപാക്റ്റ് സെഡാനായ ഹോണ്ട അമേസിനും 2026 ജൂൺ മുതൽ ആവേശകരമായ ഓഫറുകൾ പ്രഖ്യാപിച്ചു. കമ്പനിയുടെ ഔദ്യോഗിക വെബ്‌സൈറ്റ് അനുസരിച്ച്, രണ്ട് മോഡലുകളിലും ഉപഭോക്താക്കൾക്ക് 2.15 ലക്ഷം വരെ ആനുകൂല്യങ്ങൾ ലഭിക്കും. ഹോണ്ട അടുത്തിടെ ഇന്ത്യയിൽ പുതിയ ഹോണ്ട സിറ്റി ഫെയ്‌സ്‌ലിഫ്റ്റ് പുറത്തിറക്കിയ സമയത്താണ് ഈ ഓഫർ വരുന്നത്. ഇപ്പോൾ മറ്റ് മോഡലുകളുടെ വിൽപ്പന വർദ്ധിപ്പിക്കുന്നതിൽ ശ്രദ്ധ കേന്ദ്രീകരിക്കുന്നു.

ഹോണ്ട അമേസ് കിഴിവ് ഓഫറുകൾ

ഈ മാസം, ഹോണ്ട അമേസിൽ ഉപഭോക്താക്കൾക്ക് 67,000 രൂപ വരെ ആനുകൂല്യങ്ങൾ വാഗ്ദാനം ചെയ്യുന്നു. ഈ ആനുകൂല്യങ്ങളിൽ ക്യാഷ് ഡിസ്കൗണ്ടുകൾ, എക്സ്ചേഞ്ച് ബോണസുകൾ, സ്ക്രാപ്പേജ് ആനുകൂല്യങ്ങൾ, കോർപ്പറേറ്റ് ഡിസ്കൗണ്ടുകൾ, ലോയൽറ്റി ബോണസുകൾ, എക്സ്റ്റൻഡഡ് വാറന്റികൾ എന്നിവ ഉൾപ്പെടാം. എങ്കിലും വ്യത്യസ്‍ത നഗരങ്ങൾ, ഡീലർഷിപ്പുകൾ, വകഭേദങ്ങൾ എന്നിവയെ ആശ്രയിച്ച് ഓഫറുകൾ വ്യത്യാസപ്പെടാം. 88.5 bhp കരുത്തും 110 Nm ടോർക്കും ഉത്പാദിപ്പിക്കുന്ന 1.2 ലിറ്റർ നാല് സിലിണ്ടർ i-VTEC പെട്രോൾ എഞ്ചിനാണ് ഹോണ്ട അമേസിന് കരുത്ത് പകരുന്നത്. 5-സ്പീഡ് മാനുവൽ, 7-സ്പീഡ് CVT ഓട്ടോമാറ്റിക് ട്രാൻസ്മിഷൻ ഓപ്ഷനിൽ കാർ ലഭ്യമാണ്.

ഹോണ്ട എലിവേറ്റ് ഡിസ്‌കൗണ്ട് ഓഫർ

ഈ മാസം ഏറ്റവും ഉയർന്ന ആനുകൂല്യങ്ങൾ ഹോണ്ട എലിവേറ്റ് വാഗ്ദാനം ചെയ്യുന്നു. എസ്‌യുവി വാങ്ങുന്ന ഉപഭോക്താക്കൾക്ക് 2.15 ലക്ഷം വരെ ആനുകൂല്യങ്ങൾ ലഭിക്കും. ക്യാഷ് ഡിസ്‌കൗണ്ട്, എക്‌സ്‌ചേഞ്ച് ബോണസ്, സ്‌ക്രാപ്പേജ് ബെനിഫിറ്റ്, കോർപ്പറേറ്റ് ഡിസ്‌കൗണ്ട്, ലോയൽറ്റി ബോണസ്, എക്സ്റ്റൻഡഡ് വാറന്റി തുടങ്ങിയ ആനുകൂല്യങ്ങൾ ഈ ഓഫറിൽ ഉൾപ്പെടുന്നു. ഇടത്തരം എസ്‌യുവി വിഭാഗത്തിൽ ഈ ഓഫർ വളരെ മികച്ചതായി കണക്കാക്കപ്പെടുന്നു, കൂടാതെ എലിവേറ്റിന്റെ വിൽപ്പന വർദ്ധിപ്പിക്കാനും ഇത് സഹായിക്കും.

119 bhp കരുത്തും 145 Nm ടോർക്കും ഉത്പാദിപ്പിക്കുന്ന 1.5 ലിറ്റർ നാല് സിലിണ്ടർ i-VTEC പെട്രോൾ എഞ്ചിനാണ് ഹോണ്ട എലിവേറ്റിന് കരുത്തേകുന്നത്. 6-സ്പീഡ് മാനുവൽ, 7-സ്പീഡ് CVT ഓട്ടോമാറ്റിക് ഗിയർബോക്‌സ് ഓപ്ഷനുകളിലാണ് ഈ എസ്‌യുവി വരുന്നത്. സുഗമമായ പ്രകടനത്തിനും വിശ്വസനീയമായ ഡ്രൈവിംഗ് അനുഭവത്തിനും ഈ എഞ്ചിൻ പേരുകേട്ടതാണ്.

ഹോണ്ട സിറ്റി ഫെയ്‌സ്‌ലിഫ്റ്റ്

കഴിഞ്ഞ മാസം പുറത്തിറക്കിയ പുതിയ ഹോണ്ട സിറ്റി ഫെയ്‌സ്‌ലിഫ്റ്റിലും അതേ 1.5 ലിറ്റർ i-VTEC പെട്രോൾ എഞ്ചിൻ തന്നെയാണ് ഉൾപ്പെടുത്തിയിരിക്കുന്നത്. പുതിയ സിറ്റിയുടെ എക്സ്-ഷോറൂം വില 11.99 ലക്ഷം (എക്സ്-ഷോറൂം) ആണ്. പുതിയ 10.1 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ, ഡ്യുവൽ-ടോൺ ഇന്റീരിയർ, ആംബിയന്റ് ലൈറ്റിംഗ്, മെച്ചപ്പെട്ട വെന്റിലേറ്റഡ് സീറ്റുകൾ എന്നിവ ഇതിൽ ഉൾപ്പെടുന്നു. പുതിയ കാറോ എസ്‌യുവിയോ വാങ്ങാൻ ആഗ്രഹിക്കുന്ന ഉപഭോക്താക്കൾക്ക് ഹോണ്ടയുടെ ഈ ഓഫറുകൾ മികച്ചൊരു അവസരമാണെന്ന് ഓട്ടോ വിദഗ്ധർ വ്യക്തമാക്കുന്നു. പ്രത്യേകിച്ചും ഹോണ്ട എലിവേറ്റിൽ 2.15 ലക്ഷം വരെയുള്ള ആനുകൂല്യങ്ങൾ ഉപഭോക്താക്കൾക്ക് ഗണ്യമായ ലാഭം വാഗ്ദാനം ചെയ്യും.

ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.