ഹ്യുണ്ടായി വെർണയിൽ ജൂലൈയിൽ വമ്പൻ കിഴിവുകൾ

2025 ജൂലൈയിൽ ഹ്യുണ്ടായി വെർണയിൽ 65,000 രൂപ വരെ കിഴിവുകൾ ലഭ്യമാണ്. 

ഇന്ത്യൻ ഉപഭോക്താക്കൾക്കിടയിൽ സെഡാൻ കാറുകൾക്ക് ഇപ്പോഴും ആവശ്യക്കാരുണ്ട്. വരും ദിവസങ്ങളിൽ നിങ്ങൾ ഒരു പുതിയ സെഡാൻ വാങ്ങാൻ പദ്ധതിയിടുന്നുണ്ടോ? എങ്കിൽ, നിങ്ങൾക്ക് ഒരു സന്തോഷവാർത്തയുണ്ട്. 2025 ജൂലൈയിൽ ഹ്യുണ്ടായി തങ്ങളുടെ ജനപ്രിയ സെഡാനായ വെർണയിൽ ബമ്പർ കിഴിവുകൾ വാഗ്ദാനം ചെയ്യുന്നു. ഈ കാലയളവിൽ ഹ്യുണ്ടായി വെർണ വാങ്ങുന്നതിലൂടെ ഉപഭോക്താക്കൾക്ക് 65,000 രൂപ വരെ ലാഭിക്കാം. കിഴിവിനെക്കുറിച്ചുള്ള കൂടുതൽ വിവരങ്ങൾക്ക്, ഉപഭോക്താക്കൾക്ക് അവരുടെ അടുത്തുള്ള ഡീലർഷിപ്പുമായി ബന്ധപ്പെടാം. ഹ്യുണ്ടായി വെർണയുടെ സവിശേഷതകൾ, പവർട്രെയിൻ, വില എന്നിവയെക്കുറിച്ച് വിശദമായി അറിയാം.

ഹ്യുണ്ടായി വെർണയിൽ പവർട്രെയിനായി ഉപഭോക്താക്കൾക്ക് രണ്ട് എഞ്ചിനുകളുടെ ഓപ്ഷൻ ലഭിക്കുന്നു. ആദ്യത്തേത് 1.5 ലിറ്റർ ടർബോ പെട്രോൾ എഞ്ചിനാണ്, ഇത് പരമാവധി 160 bhp പവറും 253 Nm പീക്ക് ടോർക്കും ഉത്പാദിപ്പിക്കാൻ പ്രാപ്തമാണ്. ഇതിനുപുറമെ, 1.5 ലിറ്റർ നാച്ചുറലി ആസ്പിറേറ്റഡ് പെട്രോൾ എഞ്ചിനും കാറിൽ നൽകിയിട്ടുണ്ട്. 11.07 ലക്ഷം രൂപ മുതൽ 17.58 ലക്ഷം രൂപ വരെയാണ് ഇന്ത്യൻ വിപണിയിൽ, ഹ്യുണ്ടായി വെർണയുടെ പ്രാരംഭ എക്സ്-ഷോറൂം വില.

10.25 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, 10.25 ഇഞ്ച് ഡിജിറ്റൽ ഡ്രൈവർ ഡിസ്‌പ്ലേ, 8-സ്പീക്കർ ബോസ് സൗണ്ട് സിസ്റ്റം, എസിക്ക് സ്വിച്ചബിൾ കൺട്രോളുകൾ, 64 കളർ ആംബിയന്റ് ലൈറ്റിംഗ്, സിംഗിൾ പെയിൻ സൺറൂഫ്, എയർ പ്യൂരിഫയറുള്ള വെന്റിലേറ്റഡ്, ഹീറ്റഡ് ഫ്രണ്ട് സീറ്റുകൾ തുടങ്ങിയ സവിശേഷതകളാണ് ഹ്യുണ്ടായി വെർണയുടെ ഇന്റീരിയറിൽ ഉള്ളത്. ഇതിനുപുറമെ, 6-എയർബാഗുകൾ, ഇലക്ട്രോണിക് സ്റ്റെബിലിറ്റി കൺട്രോൾ, ഫ്രണ്ട് പാർക്കിംഗ് സെൻസർ, ടയർ പ്രഷർ മോണിറ്ററിംഗ് സിസ്റ്റം, ഫോർവേഡ് കൊളീഷൻ വാണിംഗ്, ബ്ലൈൻഡ് സ്പോട്ട് അലേർട്ട്, ലാൻഡ് ഡിപ്പാർച്ചർ വാണിംഗ് എന്നിവയും യാത്രക്കാരുടെ സുരക്ഷയ്ക്കായി ലഭ്യമാണ്.

ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.