ഹ്യുണ്ടായി i20 ക്ക് വമ്പൻ വിലക്കിഴിവ്

ഹ്യുണ്ടായി തങ്ങളുടെ ജനപ്രിയ ഹാച്ച്ബാക്കായ i20-ക്ക് 2025 ഡിസംബർ വരെ 70,000 രൂപയുടെ ബമ്പർ കിഴിവ് വാഗ്ദാനം ചെയ്യുന്നു.  ഈ കാറിന്റെ എക്സ്-ഷോറൂം വില 6.86 ലക്ഷത്തിൽ ആരംഭിക്കുന്നു.

ഇന്ത്യൻ ഉപഭോക്താക്കൾക്കിടയിൽ ഹാച്ച്ബാക്കുകൾക്ക് എപ്പോഴും ആവശ്യക്കാരുണ്ട്. വരും ദിവസങ്ങളിൽ നിങ്ങൾ ഒരു പുതിയ ഹാച്ച്ബാക്ക് വാങ്ങാൻ പദ്ധതിയിടുകയാണെങ്കിൽ, നിങ്ങൾക്ക് ഒരു സന്തോഷവാർത്തയുണ്ട്. 2025 ഡിസംബർ വരെ ഹ്യുണ്ടായി തങ്ങളുടെ ജനപ്രിയ i20 ഹാച്ച്ബാക്കിന് ബമ്പർ കിഴിവുകൾ വാഗ്ദാനം ചെയ്യുന്നു. ഈ കാലയളവിൽ i20-യിൽ ഉപഭോക്താക്കൾക്ക് 70,000 രൂപ വരെ ലാഭിക്കാം. കിഴിവുകളെക്കുറിച്ചുള്ള കൂടുതൽ വിവരങ്ങൾക്ക്, ഉപഭോക്താക്കൾക്ക് അവരുടെ അടുത്തുള്ള ഡീലർഷിപ്പുമായി ബന്ധപ്പെടാം. ഈ ഹ്യുണ്ടായി ഹാച്ച്ബാക്കിന്റെ സവിശേഷതകൾ, പവർട്രെയിൻ, വില തുടങ്ങിയ കാര്യങ്ങൾ വിശദമായി അറിയാം.

കാറിന്‍റെ സവിശേഷതകൾ

10.25 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, ഡിജിറ്റൽ ഡ്രൈവർ ഡിസ്‌പ്ലേ, വയർലെസ് ഫോൺ ചാർജർ എന്നിവയാണ് ഹ്യുണ്ടായി ഐ20 യുടെ ഇന്റീരിയറിലെ സവിശേഷതകൾ. ആറ് എയർബാഗുകൾ, റിയർ പാർക്കിംഗ് ക്യാമറ, ടയർ പ്രഷർ മോണിറ്ററിംഗ് സിസ്റ്റം എന്നിവയാണ് സുരക്ഷാ സവിശേഷതകൾ. ഇന്ത്യൻ വിപണിയിൽ, മാരുതി സുസുക്കി ബലേനോ, സ്വിഫ്റ്റ് എന്നിവയോടാണ് ഹ്യുണ്ടായി ഐ20 മത്സരിക്കുന്നത്.

പവർട്രെയിൻ

ഹ്യുണ്ടായി i20-യുടെ പവർട്രെയിൻ ഓപ്ഷനുകളിൽ 1.2 ലിറ്റർ പെട്രോൾ എഞ്ചിൻ ഉൾപ്പെടുന്നു, ഇത് 83 bhp പവറും 115 Nm പീക്ക് ടോർക്കും ഉത്പാദിപ്പിക്കുന്നു. എഞ്ചിൻ 5-സ്പീഡ് മാനുവൽ അല്ലെങ്കിൽ CBT ഓട്ടോമാറ്റിക് ഗിയർബോക്സുമായി ജോടിയാക്കിയിരിക്കുന്നു.

വില

ഹ്യുണ്ടായി i20 ഒരു 5 സീറ്റർ ഹാച്ച്ബാക്കാണ്, നിലവിൽ ആറ് വേരിയന്റുകളിൽ ഇത് ഉപഭോക്താക്കൾക്ക് ലഭ്യമാണ്. ഇന്ത്യൻ വിപണിയിൽ, ഹ്യുണ്ടായി i20 യുടെ എക്സ്-ഷോറൂം വില 6.86 ലക്ഷത്തിൽ ആരംഭിച്ച് ഉയർന്ന മോഡലിന് 10.43 ലക്ഷം വരെ ഉയരുന്നു.

ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.