പെട്രോളിന് തീവില; ഇലക്ട്രിക് കാറുകൾക്കുള്ള ബുക്കിംഗ് രണ്ടിരട്ടി വർദ്ധനവ്

പെട്രോൾ, ഡീസൽ വിലകളിലെ വർദ്ധനവ് കാരണം ചെറുകാർ വിപണിയിൽ ഇലക്ട്രിക് വാഹനങ്ങൾക്ക് പ്രിയമേറുന്നു. ടാറ്റ മോട്ടോഴ്‌സിൻ്റെ ഇവി ബുക്കിംഗുകൾ കുതിച്ചുയരുകയാണ്, പ്രത്യേകിച്ചും ടിയാഗോ ഇവിക്ക് ആജീവനാന്ത ബാറ്ററി വാറന്റി നൽകിയതോടെ ഉപഭോക്താക്കളുടെ താല്പര്യം വർധിച്ചു.

പെട്രോൾ, ഡീസൽ വിലകളിലെ വർദ്ധനവ് കാർ വാങ്ങൽ പ്രവണതകളിൽ വലിയ മാറ്റത്തിന് കാരണമായതായി റിപ്പോർട്ട്. പ്രത്യേകിച്ച് ചെറുകാറുകൾ വാങ്ങുന്നവർ, പെട്രോൾ എഞ്ചിനുകൾക്ക് പകരം ഇലക്ട്രിക് വാഹനങ്ങൾ തിരഞ്ഞെടുക്കുന്ന പ്രവണത വർദ്ധിച്ചുവരികയാണ്. അതുകൊണ്ടാണ് ഇവി ബുക്കിംഗുകൾ അതിവേഗം വർദ്ധിച്ചുകൊണ്ടിരിക്കുന്നത്. ചെറുകാറുകളുടെ കാര്യത്തിൽ, ഉപഭോക്താക്കൾ പെട്രോൾ വാഹനങ്ങളിൽ നിന്ന് ഇലക്ട്രിക് വാഹനങ്ങളിലേക്ക് (ഇവി) മാറുന്ന പ്രവണത വർദ്ധിച്ചുവരികയാണെന്ന് ടാറ്റ മോട്ടോഴ്‌സിന്റെ ഒരു ഉന്നത ഉദ്യോഗസ്ഥൻ ഇക്കണോമിക്ക് ടൈംസിനോട് പറഞ്ഞു. കഴിഞ്ഞ രണ്ട് മാസത്തിനുള്ളിൽ ഇവി ബുക്കിംഗുകൾ രണ്ടര മടങ്ങ് വർദ്ധിച്ചതായി കമ്പനി പറയുന്നു. ഈ സെഗ്‌മെന്റിൽ ആദ്യമായി ബാറ്ററിയിൽ 'ലൈഫ് ടൈം വാറന്റി' വാഗ്‍ദാനം ചെയ്തുകൊണ്ട് കമ്പനി ഒരു പ്രധാന നീക്കം നടത്തി. അതുവഴി ഉപഭോക്താക്കൾക്ക് യാതൊരു ആശങ്കയും ഇല്ലാതെ ടിയാഗോ ഇവി വാങ്ങാൻ കഴിയും.

മൂന്ന് വാഹനങ്ങളിൽ ഒന്ന് ഇലക്ട്രിക്

 ഇലക്ട്രിക് കാറുകളോടുള്ള ആളുകളുടെ പ്രതികരണം വളരെ ആശ്ചര്യകരമാണെന്ന് ടാറ്റ മോട്ടോഴ്‌സ് പാസഞ്ചർ വെഹിക്കിൾസ് ആൻഡ് ടാറ്റ പാസഞ്ചർ ഇലക്ട്രിക് മൊബിലിറ്റി മാനേജിംഗ് ഡയറക്ടർ ശൈലേഷ് ചന്ദ്ര മാധ്യമങ്ങളോട് പറഞ്ഞു. കഴിഞ്ഞ 15 ദിവസത്തിനുള്ളിൽ സ്ഥിതി പൂർണ്ണമായും മാറിയെന്നും രണ്ടോ മൂന്നോ ആഴ്ച മുമ്പുള്ളതിനേക്കാൾ വൈദ്യുത വാഹനങ്ങളോടുള്ള ആളുകളുടെ താൽപ്പര്യം ഗണ്യമായി വർദ്ധിച്ചുവെന്നും അദ്ദേഹം പറഞ്ഞു. നിലവിൽ, മുഴുവൻ ഓട്ടോമൊബൈൽ വിപണിയിലും വൈദ്യുത വാഹനങ്ങൾക്ക് ഏകദേശം 5.5% വിഹിതമുണ്ട്, എന്നാൽ ഈ മാസം ടാറ്റ മോട്ടോഴ്‌സിന് ലഭിച്ച ബുക്കിംഗുകളിൽ, ഓരോ മൂന്ന് വാഹനങ്ങളിലും ഒന്ന് വൈദ്യുത വാഹനങ്ങളാണെന്നും കമ്പനി പറയുന്നു.

സിഎൻജി അല്ലെങ്കിൽ വൈദ്യുതിക്ക് കൂടുതൽ മുൻഗണന

ഈ പ്രധാന മാറ്റത്തിന് പ്രധാന കാരണം പെട്രോളിന്റെ വിലയിലെ വർധനവാണ്. കഴിഞ്ഞ 11 ദിവസത്തിനുള്ളിൽ പെട്രോൾ വില നാല് തവണ വർദ്ധിച്ചതായി ശൈലേഷ് ചന്ദ്ര വിശദീകരിച്ചു. അതിനാൽ, എൻട്രി ലെവൽ, ഹാച്ച്ബാക്ക് വിഭാഗങ്ങളിലെ ഉപഭോക്താക്കൾ ഇപ്പോൾ വാങ്ങലുകൾ മാറ്റിവയ്ക്കുന്നതിനുപകരം മറ്റ് ഇന്ധന ഓപ്ഷനുകൾ പരിഗണിക്കുന്നു. പെട്രോളിന്റെ വില 10 രൂപ വർദ്ധിച്ചാൽ, പ്രതിമാസം 100 ലിറ്റർ പെട്രോൾ ഉപയോഗിക്കുന്ന ഒരു സാധാരണ ഉപഭോക്താവിന്റെ ബജറ്റ് 1,000 രൂപ വർദ്ധിക്കുമെന്നും ഇത് ഉപഭോക്താവിന്റെ മൊത്തത്തിലുള്ള ബജറ്റിനെ നേരിട്ട് ബാധിക്കുമെന്നും ലളിതമായ ഒരു കണക്കുകൂട്ടൽ ഉപയോഗിച്ച് ശൈലേഷ് ചന്ദ്ര വിശദീകരിച്ചു. ഭാവിയിൽ 15 ലക്ഷത്തിൽ താഴെ വിലയുള്ള വാഹനങ്ങളിൽ ഏറ്റവും കൂടുതൽ സമ്മർദ്ദം പെട്രോൾ മോഡലുകൾ നേരിടേണ്ടിവരും, ആളുകൾ സിഎൻജി അല്ലെങ്കിൽ ഇലക്ട്രിക് വാഹനങ്ങൾക്ക് മുൻഗണന നൽകും.

ആദ്യമായി ലൈഫ് ടൈം ബാറ്ററി വാറന്‍റി

 ഉപഭോക്താക്കളുടെ ഈ വികാരം മനസലാക്കിക്കൊണ്ട്, ടാറ്റ മോട്ടോഴ്‌സ് പുതിയ ടിയാഗോ ഇവിയെ ഒരു ഹോബിയായോ ആഡംബരമായോ മാത്രമല്ല, പണം ലാഭിക്കാനുള്ള ഒരു മാർഗമായും പുറത്തിറക്കിയിരിക്കുന്നു. ഇതുവരെ ആകെ രണ്ട് ബില്യൺ കിലോമീറ്റർ ഓടിച്ചിട്ടുള്ള നിലവിലുള്ള 75,000 ടിയാഗോ ഇവിയുടെ ഉടമകളിൽ നിന്നുള്ള ഡാറ്റ കമ്പനി ഉദ്ധരിച്ചു. ഈ ഡാറ്റയെ അടിസ്ഥാനമാക്കി, ഒരു ഉപഭോക്താവ് പ്രതിമാസം ശരാശരി 1,500 കിലോമീറ്റർ ഓടിച്ചാൽ, പെട്രോളിനേക്കാൾ ലാഭിക്കുന്നതിലൂടെ നാലോ അഞ്ചോ വർഷത്തിനുള്ളിൽ കാറിന്റെ മുഴുവൻ വിലയും തിരിച്ചുപിടിക്കാൻ കഴിയുമെന്ന് ചന്ദ്ര അവകാശപ്പെട്ടു. കൂടാതെ, ബാറ്ററി തകരാറിലാകുമോ എന്ന ഭയം ഇല്ലാതാക്കുന്നതിനായി, കമ്പനി ആദ്യമായി ആജീവനാന്ത ബാറ്ററി വാറന്റി വാഗ്ദാനം ചെയ്യുന്ന നൂതന തീരുമാനവും എടുത്തിട്ടുണ്ട്.