വരാനിരിക്കുന്ന ടാറ്റയുടെ പുതിയ എസ്‌യുവികൾ

ടാറ്റ മോട്ടോഴ്‌സ് 2025-ൽ പുതിയ എസ്‌യുവി മോഡലുകൾ പുറത്തിറക്കുന്നു. സിയറയുടെ ഇവി, ഐസിഇ പതിപ്പുകളും ഹാരിയർ ഇവി എന്നിവയാണ് പ്രധാന ആകർഷണങ്ങൾ.

നിങ്ങൾ സമീപഭാവിയിൽ ഒരു പുതിയ എസ്‌യുവി വാങ്ങാൻ പദ്ധതിയിടുകയാണോ? എങ്കിൽ ഈ വാർത്ത നിങ്ങൾക്കുള്ളതാണ്. മുൻനിര ഇന്ത്യൻ കാർ നിർമ്മാതാക്കളായ ടാറ്റ മോട്ടോഴ്‌സ് 2025 ൽ തങ്ങളുടെ പുതിയ എസ്‌യുവി മോഡലുകൾ പുറത്തിറക്കാൻ ഒരുങ്ങുകയാണ്. കമ്പനിയുടെ വരാനിരിക്കുന്ന മോഡലിൽ ഇലക്ട്രിക് എസ്‌യുവിയും ഉൾപ്പെടുത്തിയിട്ടുണ്ട്. ടാറ്റയുടെ വരാനിരിക്കുന്ന എസ്‌യുവിയെക്കുറിച്ച് വിശദമായി അറിയാം. 

ടാറ്റ സിയറ
രണ്ട് പതിറ്റാണ്ടുകൾക്ക് ശേഷം 2025 ലെ ഇന്ത്യ മൊബിലിറ്റി ഗ്ലോബൽ എക്സ്പോയിൽ ടാറ്റ സിയറ ഉൽപ്പാദനത്തോട് അടുത്ത രൂപത്തിൽ വീണ്ടും പ്രത്യക്ഷപ്പെട്ടു. ഇത് ഇവി, ഐസിഇ എന്നീ രണ്ട് അവതാരങ്ങളിലും അവതരിപ്പിക്കും. പരീക്ഷണ വേളയിൽ ടാറ്റ സിയറയെ പലതവണ കണ്ടിട്ടുണ്ട്. ടാറ്റയുടെ നിരയിൽ ഹാരിയറിന് താഴെയായിരിക്കും സിയറയുടെ സ്ഥാനം. അതിൽ ഒരു ഫ്ലോട്ടിംഗ് ട്രിപ്പിൾ സ്‌ക്രീൻ ഉണ്ടാകുമെന്ന് പ്രതീക്ഷിക്കുന്നു. ഈ യൂണിറ്റിന് ഏകദേശം 12.3 ഇഞ്ച് വലുപ്പമുണ്ടാകും. ടാറ്റ ലോഗോ പ്രകാശിതമായ നാല്-സ്‌പോക്ക് സ്റ്റിയറിംഗ് വീൽ ഹാരിയറിൽ നിന്നും സഫാരിയിൽ നിന്നും കടമെടുത്തതായിരിക്കും. ആംബിയന്റ് ലൈറ്റിംഗ് സിസ്റ്റവും എസ്‌യുവിയിൽ ഉണ്ടാകും.ഹാർമാനിൽ നിന്നുള്ള പ്രീമിയം സൗണ്ട് സിസ്റ്റം, വയർലെസ് ഫോൺ ചാർജർ, വെന്റിലേറ്റഡ് ഫ്രണ്ട് സീറ്റുകൾ, വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ പിന്തുണ, 360 ഡിഗ്രി ക്യാമറ, ഇലക്ട്രോണിക് സ്റ്റെബിലിറ്റി കൺട്രോൾ, 6 എയർബാഗുകൾ, ലെവൽ 2 ADAS തുടങ്ങിയവയാണ് പുതിയ ടാറ്റ സിയറയിൽ നിന്ന് നമുക്ക് പ്രതീക്ഷിക്കാവുന്ന മറ്റ് സവിശേഷതകൾ.

ടാറ്റ സിയറ പെട്രോൾ, ഡീസൽ പതിപ്പുകളിൽ 1.5 ലിറ്റർ ടർബോയും 2.0 ലിറ്റർ എഞ്ചിനും ഉണ്ടാകുമെന്ന് പ്രതീക്ഷിക്കുന്നു, ഇത് പരമാവധി 170 bhp പവർ ഉത്പാദിപ്പിക്കുന്നു. ഗ്യാസോലിൻ യൂണിറ്റ് 280 Nm പീക്ക് ടോർക്ക് നൽകുന്നു, അതേസമയം ഓയിൽ ബർണർ 350 Nm വാഗ്ദാനം ചെയ്യുന്നു. ഐസിഇ പതിപ്പിന് ഓൾ-വീൽ ഡ്രൈവ് സിസ്റ്റം ലഭിക്കും. പുതിയ സിയറ ഇവിയിൽ 60kWh മുതൽ 80kWh വരെയുള്ള ബാറ്ററി പായ്ക്ക് ഉണ്ടായിരിക്കുമെന്നും 500 കിലോമീറ്ററിൽ കൂടുതൽ റേഞ്ച് വാഗ്ദാനം ചെയ്യുമെന്നും റിപ്പോർട്ടുകൾ

ടാറ്റ ഹാരിയർ ഇവി
ടാറ്റ തങ്ങളുടെ ജനപ്രിയ എസ്‌യുവിയായ ഹാരിയറിന്റെ ഇലക്ട്രിക് വേരിയന്റ് പുറത്തിറക്കാൻ ഒരുങ്ങുന്നു. 2023 ലെ ഓട്ടോ എക്‌സ്‌പോയിലാണ് ഹാരിയർ ഇവിയെ ആദ്യമായി കൺസെപ്റ്റ് രൂപത്തിൽ കണ്ടെത്തിയത്. സവിശേഷതകൾ എന്ന നിലയിൽ, ഇവിയിൽ 12.3 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം ഉണ്ട്. ഒറ്റ ചാർജിൽ ഏകദേശം 500 കിലോമീറ്റർ ഓടാൻ ഈ ഇലക്ട്രിക് വാഹനത്തിന് കഴിയുമെന്ന് നിരവധി മാധ്യമ റിപ്പോർട്ടുകൾ അവകാശപ്പെടുന്നു. ആക്ടി ഡോട്ട് ഇവി പ്ലാറ്റ്‌ഫോമിനെ അടിസ്ഥാനമാക്കി, ടാറ്റ ഹാരിയർ ഇവി രണ്ട് ബാറ്ററി പാക്ക് ഓപ്ഷനുകളിൽ വാഗ്ദാനം ചെയ്യാൻ സാധ്യതയുണ്ട് എന്നാണ് റിപ്പോർട്ടുകൾ. ഉയർന്ന സ്‌പെക്ക് മോഡലിൽ ഡ്യുവൽ ഇലക്ട്രിക് മോട്ടോറും ഓൾ-വീൽ ഡ്രൈവ് സിസ്റ്റവും ഉള്ള 75kWh ബാറ്ററി പാക്ക് ഫീച്ചർ ചെയ്തേക്കാം. ഇതിൻ്റെ പവർ കണക്ക് ഇനിയും പ്രഖ്യാപിച്ചിട്ടില്ലെങ്കിലും ടോർക്ക് ഔട്ട്പുട്ട് 500 എൻഎം ആയിരിക്കും. ഇവി പരമാവധി 600 കിലോമീറ്റർ വരെ റേഞ്ച് വാഗ്ദാനം ചെയ്യാൻ സാധ്യതയുണ്ട്.