പുതിയ XUV 7XO: മഹീന്ദ്രയുടെ അടുത്ത എസ്യുവി രഹസ്യം
Synopsis
മഹീന്ദ്ര തങ്ങളുടെ വരാനിരിക്കുന്ന XUV 7XO എസ്യുവിയുടെ ആദ്യ ടീസർ പുറത്തിറക്കി, ഇത് XUV700-ന്റെ പുതുക്കിയ പതിപ്പാണ്. 2026 ജനുവരിയിൽ അരങ്ങേറ്റം കുറിക്കുന്ന ഈ മോഡൽ, XEV 9e-യിൽ നിന്ന് പ്രചോദനം ഉൾക്കൊണ്ട ഡിസൈൻ മാറ്റങ്ങളും പുതിയ ഫീച്ചറുകളുമായി എത്തും.
മഹീന്ദ്ര മഹീന്ദ്ര വരാനിരിക്കുന്ന XUV 7XO എസ്യുവിയുടെ ആദ്യ ടീസർ പുറത്തിറക്കി. ഇത് അടിസ്ഥാനപരമായി XUV700 ന്റെ പുതുക്കിയ പതിപ്പാണ്. 2026 ജനുവരി 5 ന് അരങ്ങേറ്റം കുറിക്കാൻ പോകുന്ന ഈ വാഹനത്തിന്റെ ടീസറിൽ പുതുതായി രൂപകൽപ്പന ചെയ്ത ഹെഡ്ലാമ്പുകൾ, പുതുക്കിയ ഫ്രണ്ട് ഗ്രിൽ, കണക്റ്റഡ് ടെയിൽലാമ്പുകൾ എന്നിവ കാണിക്കുന്നു. നിലവിലുള്ള എഞ്ചിൻ സജ്ജീകരണം നിലനിർത്തിക്കൊണ്ട്, 2025 മഹീന്ദ്ര XUV7XO ഗണ്യമായി മെച്ചപ്പെട്ട സ്റ്റൈലിംഗ് അപ്ഡേറ്റുകളും സവിശേഷത മെച്ചപ്പെടുത്തലുകളും നൽകുമെന്ന് പ്രതീക്ഷിക്കുന്നു.
മഹീന്ദ്ര XUV7XO ഡിസൈൻ വിശദാംശങ്ങൾ
പുതുതായി രൂപകൽപ്പന ചെയ്ത ഗ്രിൽ, ട്വിൻ-പോഡ് പോലുള്ള രൂപകൽപ്പനയുള്ള അപ്ഡേറ്റ് ചെയ്ത ഹെഡ്ലാമ്പുകൾ, ട്വീക്ക് ചെയ്ത ബമ്പർ, പുതിയ എൽഇഡി ഡിആർഎൽ സിഗ്നേച്ചർ എന്നിവ ഉൾപ്പെടുന്ന മുൻവശത്ത് XEV 9e യിൽ നിന്ന് പ്രചോദനം ഉൾക്കൊണ്ടായിരിക്കും എത്തുന്നത്. എസ്യുവിയിൽ പുതുതായി രൂപകൽപ്പന ചെയ്ത, എയറോ-ഒപ്റ്റിമൈസ് ചെയ്ത അലോയ് വീലുകളും ഉൾപ്പെടുത്തിയേക്കാം. എങ്കിലും സൈഡ് പ്രൊഫൈൽ വലിയതോതിൽ മാറ്റമില്ലാതെ തുടരും. പുതിയ കണക്റ്റഡ് ഫുൾ-വിഡ്ത്ത് ലൈറ്റ് ബാറും പുതുക്കിയ ബമ്പറും ഉപയോഗിച്ച് പിൻഭാഗം പരിഷ്കരിച്ചേക്കാം. അതേസമയം ഡോറുകളിലെയും ഫെൻഡറുകളിലെയും ബോണറ്റിലെയും ഷീറ്റ് മെറ്റൽ മാറ്റമില്ലാതെ തുടരുമെന്ന് പ്രതീക്ഷിക്കുന്നു. അളവുകളുടെ കാര്യത്തിൽ, പുതിയ 2026 മഹീന്ദ്ര XUV700 ഫെയ്സ്ലിഫ്റ്റ് അതേ അനുപാതത്തിൽ തന്നെ തുടരും.
മഹീന്ദ്ര XUV7XO ഇന്റീരിയറും സവിശേഷതകളും
ഔദ്യോഗിക വിവരങ്ങൾ ഇതുവരെ വെളിപ്പെടുത്തിയിട്ടില്ല. എങ്കിലും പുതിയ മഹീന്ദ്ര XUV700 ഫെയ്സ്ലിഫ്റ്റ് അല്ലെങ്കിൽ XUV7XO XEV 9e-യിൽ നിന്ന് കടമെടുത്ത ഒരു ട്രിപ്പിൾ സ്ക്രീൻ ലേഔട്ട് വാഗ്ദാനം ചെയ്തേക്കാം. പ്രീമിയം ഹർമൻ കാർഡൺ ഓഡിയോ സിസ്റ്റം, പിൻ സീറ്റ് വിനോദത്തിനായുള്ള ബിവൈഓഡി സവിശേഷത, ഓട്ടോ ഡിമ്മിംഗ് ഐആർവിഎം തുടങ്ങിയ സവിശേഷതകളും പാക്കേജിന്റെ ഭാഗമാകാം. നിലവിലുള്ള XUV700-ൽ നിന്നുള്ള മിക്ക സവിശേഷതകളും നിലനിർത്തുമെന്ന് പ്രതീക്ഷിക്കുന്നു.
മഹീന്ദ്ര XUV7XO എഞ്ചിനുകളും ഗിയർബോക്സുകളും
2026 മഹീന്ദ്ര XUV700 ഫെയ്സ്ലിഫ്റ്റ്, 2.0L ടർബോ പെട്രോൾ, 2.2L ടർബോ ഡീസൽ എന്നിവയുൾപ്പെടെ നിലവിലുള്ള എഞ്ചിനുകൾ തന്നെ തുടരാനാണ് സാധ്യത. പരമാവധി 200bhp കരുത്തും 380Nm ടോർക്കും ഉത്പാദിപ്പിക്കുന്നതിനായി പെട്രോൾ എഞ്ചിൻ ട്യൂൺ ചെയ്തിട്ടുണ്ട്, അതേസമയം ഡീസൽ എഞ്ചിൻ പരമാവധി 155bhp/360Nm ഉം 185bhp/450Nm ഉം പവർ പുറപ്പെടുവിക്കുന്നു.