ടാറ്റയുടെ പുതിയ സഫാരി അഡ്വഞ്ചർ എത്തി; വില 19.99 ലക്ഷം രൂപ മുതൽ

ടാറ്റ മോട്ടോഴ്‌സ് തങ്ങളുടെ ഫ്ലാഗ്ഷിപ്പ് എസ്‌യുവിയായ സഫാരിയുടെ പുതിയ വകഭേദം, അഡ്വഞ്ചർ X+, ഇന്ത്യയിൽ പുറത്തിറക്കി. ഈ പതിപ്പിന്‍റെ പ്രാരംഭ എക്‌സ്-ഷോറൂം വില 19.99 ലക്ഷം രൂപയാണ്, ഈ വില 2025 ഒക്ടോബർ 31 വരെ മാത്രമേ സാധുതയുള്ളൂ.

ടാറ്റ മോട്ടോഴ്‌സ് തങ്ങളുടെ ഫ്ലാഗ്ഷിപ്പ് എസ്‌യുവിയായ സഫാരിയുടെ പുതിയ വകഭേദം ഇന്ത്യയിൽ പുറത്തിറക്കി . അഡ്വഞ്ചർ X+ എന്ന ഈ പതിപ്പിന്‍റെ പ്രാരംഭ എക്‌സ്-ഷോറൂം വില 19.99 ലക്ഷം രൂപയാണ്. ഈ വില 2025 ഒക്ടോബർ 31 വരെ മാത്രമേ സാധുതയുള്ളൂ. ഈ പുതിയ വകഭേദം സഫാരിയുടെ പ്യുവർ എക്‌സിനും അക്കംപ്ലിഷ്ഡ് എക്‌സിനും ഇടയിലാണ് സ്ഥിതി ചെയ്യുന്നത്. എന്നാൽ സവിശേഷതകളുടെ കാര്യത്തിൽ ഇത് ടോപ്പ് വേരിയന്റുമായി നേരിട്ട് മത്സരിക്കുന്നു.

ഫീച്ചർ പട്ടികയിൽ അഡാപ്റ്റീവ് ക്രൂയിസ് കൺട്രോൾ ഉള്ള 360-ഡിഗ്രി ക്യാമറ പോലുള്ള സവിശേഷതകൾ ഉൾപ്പെടുന്നു. ട്രെയിൽ ഹോൾഡ് ഇപിബി (ഓട്ടോ ഹോൾഡ് ആൻഡ് ട്രെയിൽ റെസ്‌പോൺസ് മോഡുകൾ, നോർമൽ, റഫ്, വെറ്റ്) തുടങ്ങിയവയും ഇതിലുണ്ട്. എർഗോമാക്സ് ഡ്രൈവർ സീറ്റ് (മെമ്മറിയും വെൽക്കം ഫംഗ്ഷനും ഉള്ളത്), 10.24 ഇഞ്ച് ഡ്യുവൽ ഡിജിറ്റൽ ഡിസ്‌പ്ലേ എന്നിവ ഇതിലുണ്ട്. ഇതിനുപുറമെ, ട്രെയിൽ സെൻസ് ഓട്ടോ ഹെഡ്‌ലാമ്പുകൾ, റെയിൻ സെൻസിംഗ് വൈപ്പറുകൾ, ഒന്നിലധികം ഡ്രൈവ് മോഡുകൾ, 18 ഇഞ്ച് അലോയ് വീലുകൾ (അഡ്വഞ്ചർ എക്സ് ബാഡ്‍ജിംഗോടെ) എന്നിവ ലഭ്യമാണ്.

ടാറ്റ സഫാരി അഡ്വഞ്ചർ X+ ലും 168 bhp പവറും 350 എൻഎം ടോർക്കും ഉത്പാദിപ്പിക്കാൻ കഴിവുള്ള അതേ ശക്തമായ 2.0 ലിറ്റർ ഡീസൽ എഞ്ചിൻ തന്നെയാണ് ലഭിക്കുന്നത് . രണ്ട് ട്രാൻസ്മിഷൻ ഓപ്ഷനുകളോടെയാണ് ഇത് വരുന്നത്. 6-സ്പീഡ് മാനുവൽ ഗിയർബോക്സും 6-സ്പീഡ് ഓട്ടോമാറ്റിക് ട്രാൻസ്മിഷനും ഇതിനുണ്ട്.

യഥാർത്ഥ സാഹസിക പ്രകടനവും ക്ലാസും സംയോജിപ്പിക്കാൻ ആഗ്രഹിക്കുന്നവർക്കുള്ളതാണ് ഈ വേരിയന്റ് എന്ന് ടാറ്റ പറയുന്നു. ഉയർന്ന വേരിയന്റിന്റെ വില നൽകാതെ. ആൾക്കൂട്ടത്തിൽ നിന്ന് വേറിട്ടു നിൽക്കാൻ ആഗ്രഹിക്കുന്നവർക്കുള്ളതാണ് സഫാരി അഡ്വഞ്ചർ X+ എന്നും കമ്പനി പറയുന്നു.

ഹാരിയറും സഫാരിയും വെറും വാഹനങ്ങളല്ല റിച്ച് ആളുകളുടെ ഐഡന്റിറ്റികളാണെന്ന് ടാറ്റ പാസഞ്ചർ ഇലക്ട്രിക് മൊബിലിറ്റി ലിമിറ്റഡിന്റെ സിസിഒ വിവേക് ശ്രീവാസ്തവ ലോഞ്ചിനെക്കുറിച്ച് സംസാരിച്ചക്കുന്നതിനിടെ പറഞ്ഞു . പുതിയ അഡ്വഞ്ചർ എക്സ് വേരിയന്റിലൂടെ, ഈ ഐക്കണിക് എസ്‌യുവികളെ പുതിയ യുഗത്തിനായി തങ്ങൾ അപ്‌ഡേറ്റ് ചെയ്‌തു. വ്യക്തിത്വം, സാങ്കേതികവിദ്യ, ഡിസൈൻ എന്നിവയുടെ സംയോജനമാണിത്, ഇത് മുമ്പെന്നത്തേക്കാളും ഉപഭോക്താക്കൾക്ക് കൂടുതൽ മൂല്യം നൽകുന്നുവെന്നും അദ്ദേഹം പറഞ്ഞു. വെറും 19.99 ലക്ഷം രൂപ വിലയിൽ ലഭ്യമായ ഈ വേരിയന്റിലൂടെ ടാറ്റ വീണ്ടും എസ്‌യുവി വിഭാഗത്തിൽ ഒരു മഹത്തായ പ്രവേശനം നടത്തിയിരിക്കുന്നു.