മാരുതി XL6-ൽ വിലക്കിഴിവ്, ജൂലൈ മാസത്തിലെ ഓഫറുകളെക്കുറിച്ച് അറിയാം

മാരുതി സുസുക്കി ഈ മാസം XL6 കാറിൽ 25,000 രൂപ കിഴിവ് വാഗ്ദാനം ചെയ്യുന്നു. എക്സ്ചേഞ്ച്/സ്ക്രാപ്പേജ് ബോണസ് രൂപത്തിലാണ് ഈ കിഴിവ് ലഭിക്കുന്നത്. 

മാരുതി സുസുക്കിയുടെ ആഡംബര കാറുകളിൽ ഒന്നാണ് XL6. ഈ മാസം ഈ പ്രീമിയം കാറിൽ ഉപഭോക്താക്കൾക്ക് 25,000 രൂപ കിഴിവ് കമ്പനി വാഗ്ദാനം ചെയ്യുന്നു. എക്സ്ചേഞ്ച്/സ്ക്രാപ്പേജ് ബോണസ് രൂപത്തിലാണ് ഉപഭോക്താക്കൾക്ക് ഈ കിഴിവ് ലഭിക്കുന്നത്. ഈ ആഡംബര 6 സീറ്റർ കാറിന്റെ എക്സ്-ഷോറൂം വില 11.84 ലക്ഷം മുതൽ 14.83 ലക്ഷം രൂപ വരെയാണ്. നെക്സ ഷോറൂമുകൾ വഴി വിൽക്കുന്ന ഈ കാർ കിയ കാരെൻസ്, കിയ കാരെൻസ് ക്ലാവിസ് എന്നിവയുമായി നേരിട്ട് മത്സരിക്കുന്നു.

മാരുതി XL6 ന് പുതുതലമുറ 1.5 ലിറ്റർ K15C ഡ്യുവൽ ജെറ്റ് പെട്രോൾ എഞ്ചിൻ ലഭിക്കുന്നു. 6-സ്പീഡ് ഓട്ടോമാറ്റിക് ഗിയർബോക്സും പാഡിൽ ഷിഫ്റ്ററുകളുള്ള 5-സ്പീഡ് ഗിയർബോക്സും ഇതിലുണ്ടാകും. ഇത് പരമാവധി 114 bhp പവറും 137 Nm പീക്ക് ടോർക്കും ഉത്പാദിപ്പിക്കുന്നു. പുതിയ മാരുതി XL6 സീറ്റ, ആൽഫ, ആൽഫ പ്ലസ് വേരിയന്റുകളിൽ വാങ്ങാം. അതേസമയം, സീറ്റ സിഎൻജിയിലും മാരുതി എക്സ്എൽ6 എത്തുന്നു.

കാറിൽ വെന്‍റിലേറ്റഡ് സീറ്റുകളുടെ ഓപ്ഷൻ കമ്പനി ആദ്യമായി നൽകിയിട്ടുണ്ട്. സുരക്ഷയെ സംബന്ധിച്ചിടത്തോളം, സ്റ്റാൻഡേർഡിൽ 4 എയർബാഗുകളും പ്രീമിയം പതിപ്പിൽ 6 എയർബാഗുകളും ഇതിൽ ഉൾപ്പെടുന്നു. മാരുതി കാറുകളുടെ വിവിധ പ്രീമിയം സവിശേഷതകൾ കമ്പനി XL6-ൽ ഉൾപ്പെടുത്തിയിട്ടുണ്ട്. ഇതിന് 360 ഡിഗ്രി ക്യാമറ, 7 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം എന്നിവ ഉണ്ടായിരിക്കും. ആൻഡ്രോയിഡ് ഓട്ടോ, ആപ്പിൾ കാർപ്ലേ തുടങ്ങിയ കാർ കണക്റ്റ് സവിശേഷതകളും ഇതിൽ ഉൾപ്പെടുത്തിയിട്ടുണ്ട്. വയർലെസ് ചാർജിംഗ്, സ്മാർട്ട് പ്ലേ പ്രോ സിസ്റ്റം, സുസുക്കി കണക്റ്റ് ടെലിമാറ്റിക്സ് എന്നിവയും ഇതിൽ ഉൾപ്പെടുന്നു. എൽഇഡി ഹെഡ്‌ലൈറ്റുകൾ, ക്രൂയിസ് കൺട്രോൾ, ഓട്ടോ ഹെഡ്‌ലാമ്പുകൾ, ഓട്ടോമാറ്റിക് ക്ലൈമറ്റ് കൺട്രോൾ, കളർ എംഐഡി, ഇലക്ട്രിക്കലി ഫോൾഡബിൾ ഒആർവിഎമ്മുകൾ, എയർ കൂൾഡ് കപ്പ് ഹോൾഡറുകൾ, മൂന്ന് നിരകൾക്കും എസി വെന്റുകൾ തുടങ്ങിയ മറ്റ് ഫീച്ചറുകൾ XL6 ൽ ലഭിക്കുന്നു.

ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.