സ്കോഡ കൊഡിയാക്ക്: വൻ കിഴിവിന് പിന്നിലെ രഹസ്യം

2026 ഏപ്രിലിൽ കുറഞ്ഞ വിൽപ്പന രേഖപ്പെടുത്തിയ സ്കോഡ കൊഡിയാക്കിന് കമ്പനി വൻ കിഴിവുകൾ പ്രഖ്യാപിച്ചു. 2025 മോഡലിന് 3.50 ലക്ഷം രൂപ വരെ ആനുകൂല്യങ്ങൾ ലഭിക്കും. ഈ പ്രീമിയം എസ്‌യുവിയുടെ എഞ്ചിൻ, ഡിസൈൻ, മറ്റ് സവിശേഷതകൾ എന്നിവയെക്കുറിച്ചും ലേഖനം വിശദീകരിക്കുന്നു.

2026 ഏപ്രിലിൽ സ്കോഡ ഇന്ത്യയിൽ ഏറ്റവും കുറവ് വിറ്റഴിക്കപ്പെട്ട കാറായിരുന്നു കൊഡിയാക്ക്. കഴിഞ്ഞ മാസം കമ്പനി 116 യൂണിറ്റുകൾ മാത്രമാണ് വിറ്റത്. കമ്പനിയുടെ ആഡംബര കാറുകളിൽ ഒന്നാണിത്, അതുകൊണ്ടാണ് അതിന്റെ വില വളരെ ഉയർന്നത്. കൂടാതെ, വിൽപ്പന വർദ്ധിപ്പിക്കുന്നതിന് കമ്പനി ഗണ്യമായ കിഴിവുകൾ വാഗ്ദാനം ചെയ്യുന്നു. ഈ മാസം, ഈ കാർ വാങ്ങുന്നവർക്ക് 3.50 ലക്ഷം വരെ ആനുകൂല്യങ്ങൾ ലഭിക്കും. 2025 മോഡൽ വർഷത്തിൽ രണ്ടുലക്ഷം ക്യാഷ് ഡിസ്‍കൌണ്ട്, 50,000 രൂപ എക്സ്ചേഞ്ച് ബോണസ്, ഒരുക്ഷം കോർപ്പറേറ്റ്/ലോയൽറ്റി ആനുകൂല്യം എന്നിവ വാഗ്ദാനം ചെയ്യുന്നു. ഇതിന്റെ എക്സ്-ഷോറൂം വില 39.99 ലക്ഷം മുതൽ 46.49 ലക്ഷം വരെയാണ്. ഫോക്സ്‍വാഗൺ ടെയ്‌റോൺ, ടൊയോട്ട ഫോർച്യൂണർ, ജീപ്പ് മെറിഡിയൻ, വരാനിരിക്കുന്ന എംജി മജസ്റ്റർ തുടങ്ങിയ കാറുകളുമായി ഇത് മത്സരിക്കും.

സ്കോഡ കൊഡിയാക്കിന്റെ സവിശേഷതകൾ

കൊഡിയാക്കിനെക്കുറിച്ച് പറയുമ്പോൾ, ഈ എസ്‌യുവി ഇപ്പോൾ മുമ്പത്തേക്കാൾ കൂടുതൽ നൂതനവും, സ്റ്റൈലിഷും, പ്രീമിയവുമായി മാറിയിരിക്കുന്നു. ആഡംബരത്തിന്റെയും സ്‌പോർട്‌നസിന്റെയും മികച്ച സംയോജനം ഇത് വാഗ്ദാനം ചെയ്യുന്നു. 2.0 ലിറ്റർ ഫോർ-സിലിണ്ടർ ടർബോ-പെട്രോൾ എഞ്ചിനാണ് ഈ എസ്‌യുവിക്ക് കരുത്ത് പകരുന്നത്, ഇത് 201bhp പവറും 320Nm ടോർക്കും ഉത്പാദിപ്പിക്കുന്നു. ഈ എഞ്ചിൻ 7-സ്പീഡ് DSG ഗിയർബോക്‌സും 4x4 ഓൾ-വീൽ ഡ്രൈവ് സിസ്റ്റവുമായി ജോടിയാക്കിയിരിക്കുന്നു. ഇതുമൂലം, നഗര റോഡുകളിലും പരുക്കൻ റോഡുകളിലും ഈ എസ്‌യുവി മികച്ച പ്രകടനം കാഴ്ചവയ്ക്കുന്നു. ഇതിന്റെ മൈലേജ് ലിറ്ററിന് 14.86 കിലോമീറ്ററാണ്.

പുതുതലമുറ കൊഡിയാക്കിന്റെ രൂപകൽപ്പനയെക്കുറിച്ച് പറയുകയാണെങ്കിൽ, അതിന്റെ നീളം 61 എംഎം വർദ്ധിച്ചു. ഇത് ഇപ്പോൾ ക്യാബിനിൽ കൂടുതൽ സ്ഥലം നൽകുന്നു. നീളത്തിലെ വർദ്ധനവ് രണ്ടാമത്തെയും മൂന്നാമത്തെയും നിരകളിൽ ഇരിക്കുന്ന യാത്രക്കാരെയാണ് ഏറ്റവും കൂടുതൽ സ്വാധീനിച്ചത്. ഇപ്പോൾ ഈ നിരകൾ യാത്രക്കാർക്ക് കൂടുതൽ സുഖകരമായി മാറിയിരിക്കുന്നു. ഇതിനുപുറമെ, ഡോർ ബിന്നുകൾ, ഇരട്ട-വശങ്ങളുള്ള ബൂട്ട് മാറ്റ്, സ്ലൈഡിംഗ് രണ്ടാം നിര സീറ്റുകൾ എന്നിവ ഉൾപ്പെടുന്ന സ്കോഡയുടെ 'സിംപ്ലി ക്ലെവർ' സവിശേഷതകളും ഇതിന് ലഭിക്കുന്നു. സി ആകൃതിയിലുള്ള എൽഇഡി ടെയിൽലൈറ്റുകൾ, റൂഫ് റെയിലുകൾ, പ്രകാശിത ഗ്രിൽ, പുതിയ 18 ഇഞ്ച് അലോയ് വീലുകൾ എന്നിവയും ഇതിന് ലഭിക്കുന്നു.

ഈ എസ്‌യുവിയുടെ സവിശേഷതകളെക്കുറിച്ച് പറയുകയാണെങ്കിൽ, ഇതിന് 12.9 ഇഞ്ച് വലിയ ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം ഉണ്ട്. കൂടാതെ, 10 ഇഞ്ച് ഡിജിറ്റൽ ഡ്രൈവർ ഡിസ്‌പ്ലേ, ത്രീ-സോൺ ക്ലൈമറ്റ് കൺട്രോൾ, 360-ഡിഗ്രി ക്യാമറ തുടങ്ങിയ നിരവധി പ്രീമിയം സവിശേഷതകളും ഇതിലുണ്ട്, കൂടാതെ ടോപ്പ് വേരിയന്റിൽ, മുൻ സീറ്റുകൾക്ക് ഹീറ്റിംഗ്, വെന്റിലേഷൻ, മെമ്മറി ഫംഗ്ഷനുകൾ എന്നിവ ലഭിക്കുന്നു. സ്കോഡ കൊഡിയാക്ക് ഒരു പ്രീമിയം ഫാമിലി എസ്‌യുവിയായി മാറിയിരിക്കുന്നു. പവറിന്റെയും സാങ്കേതികവിദ്യയുടെയും മികച്ച സംയോജനമാണ് ഇത് വാഗ്ദാനം ചെയ്യുന്നത്. ഇന്ത്യൻ വിപണിയിൽ, ടൊയോട്ട ഫോർച്യൂണർ, എംജി ഗ്ലോസ്റ്റർ, ജീപ്പ് മെറിഡിയൻ, ഫോക്‌സ്‌വാഗൺ ടിഗ്വാൻ എന്നിവയുമായി ഇത് നേരിട്ട് മത്സരിക്കുന്നു.

ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.