മഹീന്ദ്ര സ്കോർപിയോ എൻ കാത്തിരിപ്പ് കാലയളവ് വിശദാംശങ്ങൾ

മഹീന്ദ്ര സ്കോർപിയോ-എൻ വാങ്ങാൻ പദ്ധതിയിടുന്നവർക്ക് കാത്തിരിപ്പ് കാലയളവ് വർദ്ധിച്ചു. 

2022 ൽ ആണ് മഹീന്ദ്ര ആൻഡ് മഹീന്ദ്ര സ്കോർപിയോ-എൻ പുറത്തിറക്കുന്നത്. ജനപ്രിയ എസ്‍യുവിയായ മഹീന്ദ്ര സ്‍കോർപിയോയുടെ മൂന്നാം തലമുറയാണ് സ്‍കോർപിയോ എൻ. ലാഡർ-ഫ്രെയിം നിർമ്മാണവും നൂതനമായ ഓഫ്-റോഡിംഗ് ഹാർഡ്‌വെയറും കാരണം സമാനമായ വിലയുള്ള മറ്റ് മാസ്-മാർക്കറ്റ് എസ്‌യുവികളുമായി താരതമ്യപ്പെടുത്തുമ്പോൾ സ്കോർപിയോ N വേറിട്ടുനിൽക്കുന്നു. ഈ എസ്‍യുവിക്ക് വലിയ ഡിമാൻഡാണ് വിപണിയിൽ. അതിനാൽ ഈ ജനപ്രിയ എസ്‌യുവി വാങ്ങാൻ പദ്ധതിയിടുന്ന ഉപഭോക്താക്കൾക്ക് ഇപ്പോൾ അൽപ്പം കാത്തിരിക്കേണ്ടി വന്നേക്കാം. കമ്പനിക്ക് ധാരാളം ബുക്കിംഗുകൾ ഉണ്ട്. അത്തരമൊരു സാഹചര്യത്തിൽ സ്‍കോർപിയോ എന്നിന്‍റെ കാത്തിരിപ്പ് കാലയളവ് വർദ്ധിച്ചു. ഡെലിവറിക്ക് ഉപഭോക്താക്കൾ 90 ദിവസത്തിൽ കൂടുതൽ കാത്തിരിക്കേണ്ടി വന്നേക്കാം.

മഹീന്ദ്ര സ്കോർപിയോ-എൻ ന്റെ കാത്തിരിപ്പ് കാലയളവ് അതിന്‍റെ വകഭേദങ്ങളെയും എഞ്ചിൻ ഓപ്ഷനുകളെയും ആശ്രയിച്ച് വ്യത്യാസപ്പെടുന്നു. Z2, Z4, Z6 പോലുള്ള എൻട്രി, മിഡ്-ലെവൽ പെട്രോൾ-ഡീസൽ പതിപ്പുകൾക്ക് ഏകദേശം ഒന്നര മാസത്തെ കാത്തിരിപ്പ് കാലയളവുണ്ട്. അതേസമയം Z8, Z8 സെലക്ട്, Z8L പോലുള്ള ഉയർന്ന വകഭേദങ്ങളുടെ വെയിറ്റിംഗ് പീരിഡിനെക്കുറിച്ച് പരിശോധിക്കുകയാണെങ്കിൽ രണ്ട് മാസം വരെ കാത്തിരിപ്പ് കാലയളവ് ഉണ്ട്.

Z8 കാർബൺ അല്ലെങ്കിൽ Z8L കാർബൺ പോലുള്ള ഒരു പ്രത്യേക പതിപ്പ് വാങ്ങാൻ നിങ്ങൾ ആഗ്രഹിക്കുന്നുവെങ്കിൽ, അതിനായി കാത്തിരിപ്പ് കുറവാണ്. ഒരു മാസത്തിനുള്ളിൽ ഈ വേരയിന്‍റുകളുടെ ഡെലിവറി ലഭ്യമാകും. എങ്കിലും 4WD ഉള്ള ഫോർ-വീൽ ഡ്രൈവ് സിസ്റ്റമുള്ള വകഭേദങ്ങളാണ് ഏറ്റവും വൈകി ഡെലിവറി ചെയ്യുന്നത്. അവയുടെ കാത്തിരിപ്പ് കാലയളവ് ഏകദേശം 3.5 മാസം വരെ നീണ്ടുനിൽക്കും.

ഇത്രയും ഉയർന്ന ഡിമാൻഡിന് പിന്നിലെ കാരണം അതിന്റെ ബോൾഡ് ലുക്ക്, ശക്തമായ എഞ്ചിൻ, ഉയർന്ന നിലവാരമുള്ള സവിശേഷതകൾ എന്നിവയാണ്. ഈ എസ്‌യുവി നഗര റോഡുകളിൽ മാത്രമല്ല, ഓഫ്-റോഡിംഗിലും മികച്ച പ്രകടനം കാഴ്ചവയ്ക്കുന്നു. ഇതൊരു ഓൾറൗണ്ടർ വാഹനത്തിന്റെ പദവി നൽകുന്നു. ഇന്ത്യൻ വിപണിയിൽ മഹീന്ദ്ര സ്കോർപിയോ എന്നിന്‍റെ വില 13.99 ലക്ഷം രൂപയിൽ ആരംഭിച്ച് ടോപ്പ് മോഡലിന് 25.15 ലക്ഷം രൂപ വരെ ഉയരുന്നു. 1997 മുതൽ 2184 സിസി വരെയുള്ള എഞ്ചിൻ ഓപ്ഷനുകളും മാനുവൽ ഓട്ടോമാറ്റിക് ട്രാൻസ്മിഷൻ ഓപ്ഷനും ഉള്ള 41 വേരിയന്റുകളിൽ ഇത് ലഭ്യമാണ്. സ്കോർപിയോ N ന് 6 എയർബാഗുകളും 7 സീറ്റുകളും ഉണ്ട്, കൂടാതെ 7 നിറങ്ങളിലും ലഭ്യമാണ്.

മഹീന്ദ്ര സ്കോർപിയോ-എന്നിൽ 6 എയർബാഗുകൾ, ഇബിഡി സഹിതമുള്ള എബിഎസ്, ഇഎസ്‍സി, ഹിൽ ഹോൾഡ് അസിസ്റ്റ്, ഹിൽ ഡിസന്റ് കൺട്രോൾ, റിയർ പാർക്കിംഗ് സെൻസറുകൾ, 8 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, ആപ്പിൾ കാർപ്ലേ, ആൻഡ്രോയിഡ് ഓട്ടോ കണക്റ്റിവിറ്റി, ക്രൂയിസ് കൺട്രോൾ, സൺറൂഫ്, 7 ഇഞ്ച് ഡിജിറ്റൽ ഇൻസ്ട്രുമെന്റ് ക്ലസ്റ്റർ, 3D സൗണ്ട് സിസ്റ്റം, ഡ്യുവൽ-സോൺ ക്ലൈമറ്റ് കൺട്രോൾ, റിയർ എസി വെന്റുകൾ, പവർ അഡ്ജസ്റ്റബിൾ ഡ്രൈവർ സീറ്റ്, ലെതർ അപ്ഹോൾസ്റ്ററി തുടങ്ങിയ ഫീച്ചറുകൾ ലഭിക്കുന്നു.