ഹാര്‍ലി ബൈക്കുകളുടെ ഇറക്കുമതിത്തീരുവ പൂര്‍ണമായി ഒഴിവാക്കാന്‍ ഇന്ത്യയോട് അമേരിക്ക

സൂപ്പര്‍ ബൈക്ക് നിര്‍മ്മാതാക്കളായ ഹാര്‍ലി ഡേവിഡ്‍സന്‍റെ ഇറക്കുമതിത്തീരുവ പൂര്‍ണമായി ഒഴിവാക്കാന്‍ ഇന്ത്യക്കുമേല്‍ അമേരിക്കന്‍ സമ്മര്‍ദം. ഇറക്കുമതി ചെയ്യുന്ന സൂപ്പര്‍ ബൈക്കുകളുടെ തീരുവ അടുത്തിടെ ഇന്ത്യ  25 ശതമാനം കുറച്ചിരുന്നെങ്കിലും ഹാര്‍ലി ഡേവിഡ്‌സണ്‍ ബൈക്കുകള്‍ക്ക് ഇറക്കുമതിത്തീരുവ പൂര്‍ണമായും ഒഴിവാക്കണമെന്നാണ് അമേരിക്കയുടെ ആവശ്യം.

800 സിസിക്ക് മുകളില്‍ എന്‍ജിന്‍ ശേഷിയുള്ള പൂര്‍ണമായും ഇറക്കുമതി ചെയ്യുന്ന മോട്ടോര്‍ബൈക്കുകളുടെ തീരുവ ഫെബ്രുവരിയിലാണ് കേന്ദ്രം കുറച്ചത്. 75 ശതമാനത്തില്‍ നിന്ന് 50 ശതമാനമായിട്ടാണ് കുറച്ചത്. ഹാര്‍ലി ഡേവിഡ്‌സണ്‍ ബൈക്കുകള്‍ക്ക് തീരുവ കുറച്ചാല്‍ വിദേശത്തുനിന്ന് ഇറക്കുമതി ചെയ്യുന്ന എല്ലാ ഹൈ എന്‍ഡ് മോട്ടോര്‍ ബൈക്കുകള്‍ക്കും തീരുവ കുറയ്‌ക്കേണ്ടിവരും. അത് ആഭ്യന്തര വിപണിക്ക് ദോഷകരമാകുമെന്നതിനാലാണ് ഇന്ത്യ നിലപാട് കടുപ്പിക്കുന്നത്.

ഹാ​ർ​ലി ഡേ​വി​ഡ്​​സ​ന്‍റെ മോ​ട്ടോർ​ബൈ​ക്കു​ക​ൾ​ക്ക്​ ഇ​ന്ത്യ വ​ൻ ഇ​റ​ക്കു​മ​തി തീ​രു​വ ഈ​ടാ​ക്കു​​ന്നു​വെ​ന്ന്​ അടുത്തിടെ യു. എ​സ്​ പ്ര​സി​ഡ​ൻ​റ്​ ഡോ​ണ​ൾ​ഡ്​ ​ട്രം​പ് തന്നെ ആരോപിച്ചിരുന്നു. ഇങ്ങനെയാണെങ്കില്‍ ഇ​ന്ത്യ​ൻ മോ​ട്ടോ​ർ​സൈ​ക്കി​ളു​ക​ൾ​ക്ക്​ യു.​എ​സി​ൽ ഇ​റ​ക്കു​മ​തിത്തീ​രു​വ കൂ​ട്ടു​മെ​ന്നും ട്രംപ്​ മു​ന്ന​റി​യി​പ്പ്​ ന​ൽ​കിയിരുന്നു.

ഹാ​ർ​ലി ഡേ​വി​ഡ്​​സ​ണ്​ ഒ​രു രാ​ജ്യം വ​ൻ​തീ​രു​വ ഈ​ടാ​ക്കു​ന്നുണ്ടെന്നും അ​ത്​ ഇ​ന്ത്യ​യാ​ണെ​ന്ന്​ വെ​ളി​പ്പെ​ടു​ത്താ​ൻ താൻ ആ​ഗ്ര​ഹി​ക്കു​ന്നി​ല്ല എ​ന്നുമായി​രു​ന്നു ട്രം​പി​​ന്‍റെ പ്ര​സ്​​താ​വ​ന. ഇ​ന്ത്യ​യി​ൽ​നി​ന്ന്​ ഒ​രു മ​ഹാ​ൻ വി​ളി​ച്ച്​ ത​ങ്ങ​ൾ തീ​രു​വ 75 ശ​ത​മാ​ന​ത്തി​ൽ​നി​ന്ന്​ 50 ശ​ത​മാ​ന​ത്തി​ലേ​ക്ക്​ കു​റ​ച്ചെ​ന്ന്​ പ​റ​ഞ്ഞ​താ​യും മോ​ദി​യു​മാ​യു​ള്ള ടെ​ലി​ഫോ​ൺ സം​ഭാ​ഷ​ണ​ത്തെ സൂ​ചി​പ്പി​ച്ച്​ ട്രം​പ്​ വ്യക്തമാക്കി.

രണ്ടാഴ്ചയ്ക്കുള്ളില്‍ വാഷിങ്ടണ്‍ സന്ദര്‍ശിക്കുന്ന കേന്ദ്ര വാണിജ്യ വ്യവസായ മന്ത്രി സുരേഷ് പ്രഭു യുഎസ്ടിആറുമായി ഇതു സംബന്ധിച്ച ചര്‍ച്ചകള്‍ നടത്തും.