ബൈക്കിനെ ഇടിച്ചു തെറിപ്പിക്കുന്ന ഇന്നോവ; വീഡിയോ വൈറല്‍

ബൈക്കിനെ ഇടിച്ചു തെറിപ്പിക്കുന്ന കാര്‍ വീഡിയോ വൈറല്‍

അമിത വേഗത്തിൽ വന്ന ഇന്നോവ കാറും അശ്രദ്ധമായി റോഡ് മുറിച്ചു കടന്ന ബൈക്കും കൂട്ടിയിടിക്കുന്ന വിഡിയോസോഷ്യല്‍മീഡിയയില്‍ വൈറലാകുന്നു. മംഗലാപുരത്തെ ഉടുപ്പി എൻഎച്ച് 66 ൽ അടുത്തിടെ നടന്ന അപകടത്തിന്‍റെ വിഡിയോ ദൃശ്യങ്ങളാണിപ്പോൾ‌ വൈറലാകുന്നത്.

നാലുവരി പാത മുറിച്ച് കടക്കാൻ ശ്രമിക്കുന്ന ബൈക്കാണ് അപകടത്തില്‍പ്പെട്ടത്.  ഹൈവേയിലെ ജംഗ്ഷനിലാണ് അപകടം. അശ്രദ്ധമായി റോഡിന്‍റെ നടുക്കെത്തിയ ബൈക്കിനെ അമിത വേഗത്തിൽ എത്തിയ ഇന്നോവ ഇടിച്ചു തെറിപ്പിക്കുകയായിരുന്നു.

ഇടിയേറ്റ ബൈക്ക് യാത്രികരും ബൈക്കും ആകാശത്തേക്ക് ഉയര്‍ന്ന് തെറിക്കുന്നതും ഇന്നോവ നില്‍ക്കുന്നതുമെല്ലാം വീഡിയോയില്‍ വ്യക്തമാണ്.