2018 മുതല് ഇസുസു വാഹനങ്ങളുടെ വില കൂടും
Synopsis
2018 ജനുവരി ഒന്ന് മുതല് രാജ്യത്തെ പിക്ക്-അപ്പ് ട്രക്കുകളുടെ എസ് യുവികളുടെയും വില വര്ദ്ധിക്കുമെന്ന് ഇസുസു മോട്ടോര് ഇന്ത്യ വ്യക്തമാക്കി. മൂന്ന് മുതല് നാല് ശതമാനം വരെയാകും വര്ദ്ധന.
ജനുവരി ഒന്ന് മുതല് ഇസുസുവിന്റെ പ്രീമിയം എസ്യുവി എംയു-എക്സില് ഒരു ലക്ഷം രൂപയോളമാകും വിലവര്ധനവ് രേഖപ്പെടുത്തുക. നേരത്തെ പുതുക്കിയ നികുതി ഘടനയുടെ അടിസ്ഥാനത്തില് വി-ക്രോസ്, എംയു-എക്സ് മോഡലുകളുടെ വില ഇസുസു കുറച്ചിരുന്നു.
നിലവില് ഡി-മാക്സ്, ഡി-മാക്സ് വി-ക്രോസ്, എംയു-എക്സ് എന്നീ വാഹനങ്ങളെയാണ് ഇന്ത്യയില് ഇസുസു അണിനിരത്തുന്നത്. 13.31 ലക്ഷം രൂപയാണ് വി-ക്രോസിന്റെ വില. അതേസമയം 23.38 ലക്ഷം രൂപ പ്രാരംഭവിലയില് എത്തുന്ന എംയു-എക്സിന്റെ ടോപ് വേരിയന്റ് വില 25 ലക്ഷം രൂപയാണ്. നാല് ശതമാനം വരെയാകും മോഡലുകളുടെ വിലവര്ധനവെന്ന് ഇസുസു വ്യക്തമാക്കിയത്. ഇതനുസരിച്ച് ഡി-മാക്സില് 15,000 രൂപ വരെ വിലവര്ധനവുണ്ടാകും. ടാക്സി-വാണിജ്യ ഉപഭോക്താക്കള്ക്ക് ഇടയില് പ്രചാരമേറിയ വാഹനമാണ് ഡി - മാക്സ്.
ചെക്ക് നിര്മ്മാതാക്കളായ സ്കോഡയും 2018 ജനുവരി മാസം മുതല് കാറുകളുടെയും എസ്യുവികളുടെയും വിലവര്ധിപ്പിക്കുമെന്ന് നേരത്തെ പ്രഖ്യാപിച്ചിരുന്നു.
ഏറ്റവും പുതിയ Automobile News, ഏറ്റവും പുതിയ Newly launched cars reviews in Malayalam തുടങ്ങിയവ മലയാളത്തിൽ അറിയാൻ Asianet News Malayalam. കാറുകൾ, ബൈക്കുകൾ, ഇലക്ട്രിക് വാഹനങ്ങൾ, ഓട്ടോ ടെക്നോളജി തുടങ്ങിയ മേഖലകളിലെ പുതിയ ട്രെൻഡുകളും അപ്ഡേറ്റുകളും ഒരൊറ്റ ക്ലിക്കിൽ.