ലോകത്തിലെ ഏറ്റവും വേഗമേറിയ എസ്യുവി ഇന്ത്യയില്
Synopsis
ഏറെക്കാലത്തെ കാത്തിരിപ്പിനൊടുവില് ഇറ്റാലിയന് സൂപ്പര്കാര് നിര്മ്മാതാക്കളായ ലംബോര്ഗിനിയുടെ അതിവേഗ കാര് ഉറൂസ് ഇന്ത്യയിലെത്തി. കാല് നൂറ്റാണ്ടിന് ശേഷം ലംബോര്ഗിനി നിരയില് പിറവിയെടുത്തിരിക്കുന്ന രണ്ടാം എസ്യുവിയാണ് ഉറൂസ്. മൂന്ന് കോടി രൂപയാണ് പുതിയ ലംബോര്ഗിനി ഉറൂസ് എസ്യുവിയുടെ എക്സ്ഷോറൂം വില.
4.0 ലിറ്റര് ട്വിന്ടര്ബ്ബോ V8 എഞ്ചിനാണ് ലംബോര്ഗിനി ഉറൂസിന്റെ ഹൃദയം. 6,000 ആര്പിഎമ്മില് 641 ബിഎച്ച്പി കരുത്തും 2,2504,500 ആര്പിഎമ്മില് 850 Nm ടോര്ഖും ഈ എഞ്ചിന് ഉത്പാദിപ്പിക്കും.
3.6 സെക്കന്ഡുകള് കൊണ്ട് നിശ്ചലാവസ്ഥയില് നിന്നും നൂറ് കിലോമീറ്റര് വേഗത കൈവരിക്കാന് ഉറൂസിന് സാധിക്കും. മണിക്കൂറില് 305 കിലോമീറ്ററാണ് വാഹനത്തിന്റെ പരമാവധി വേഗത.
ആറ് ഡ്രൈവിംഗ് മോഡുകളുണ്ട് ഉറൂസില്. ഇതില് സാബിയ (മണല്), ടെറ (ഗ്രാവല്), നിവി (മഞ്ഞ്) എന്നീ മൂന്ന് ഡ്രൈവിംഗ് മോഡുകള് ഓഫ്റോഡിംഗ് ലക്ഷ്യമിട്ടുള്ളതാണ്. 5,112 മി.മീ നീളവും, 2,016 മി.മീ വീതിയും, 1,683 മി.മീ ഉയരവുമാണ് എസ്യുവിക്കുള്ളത്. 3,003 മി.മീ നീളമേറിയതാണ് വീല്ബേസ്.
ഏറ്റവും പുതിയ Automobile News, ഏറ്റവും പുതിയ Newly launched cars reviews in Malayalam തുടങ്ങിയവ മലയാളത്തിൽ അറിയാൻ Asianet News Malayalam. കാറുകൾ, ബൈക്കുകൾ, ഇലക്ട്രിക് വാഹനങ്ങൾ, ഓട്ടോ ടെക്നോളജി തുടങ്ങിയ മേഖലകളിലെ പുതിയ ട്രെൻഡുകളും അപ്ഡേറ്റുകളും ഒരൊറ്റ ക്ലിക്കിൽ.