മോഹിപ്പിക്കുന്ന വിലയില്‍ മഹീന്ദ്ര കെയുവി 100 ട്രിപ്പ് വിപണിയില്‍

മഹീന്ദ്ര കെയുവി 100 ട്രിപ്പ് വിപണിയില്‍

ടാക്‌സി ഉപഭോക്താക്കളെയും കച്ചവടക്കാരെയും ലക്ഷ്യമിട്ട് മോഹവിലയില്‍ മഹീന്ദ്ര കെയുവി 100 ട്രിപ്പ് വിപണിയിലെത്തി.  ഏറെ പ്രത്യേകതകളോടെയാണ് വാഹനം എത്തുന്നത്. ഉള്ളില്‍ നിന്നും ക്രമീകരിക്കാവുന്ന മിററുകള്‍, പവര്‍ സ്റ്റീയറിംഗ്, എസി തുടങ്ങിയവ പുതിയ കെയുവി 100 ട്രിപ്പിന്റെ പ്രധാന സവിശേഷതകളാണ്.

നിലവിലുള്ള 1.2 ലിറ്റര്‍ പെട്രോള്‍ എഞ്ചിനിലാണ് കെയുവി100 ട്രിപ്പിന്റെ ബൈ-ഫ്യൂവല്‍ വകഭേദം അണിനിരക്കുന്നത്. പെട്രോളില്‍ 82 ബിഎച്ച്പി കരുത്തും സിഎന്‍ജിയില്‍ 70 ബിഎച്ച്പി കരുത്തും ഈ എഞ്ചിന്‍ സൃഷ്ടിക്കും.

ബൈ-ഫ്യൂവല്‍ വേരിയന്റില്‍ ബൂട്ടിലാണ് 60 ലിറ്റര്‍ സിഎന്‍ജി സിലിണ്ടര്‍. ഡീസല്‍ പതിപ്പില്‍ കാര്യമായ മാറ്റങ്ങളില്ല. 77 ബിഎച്ച്പി കരുത്തേകുന്ന 1.2 ലിറ്റര്‍ എഞ്ചിനിലാണ് കെയുവി100 ട്രിപ്പ് ഡീസലിന്റെ വരവ്.

ഡയമണ്ട് വൈറ്റ്, ഡാസ്‌ലിംഗ് സില്‍വര്‍ നിറങ്ങളിലെത്തുന്ന വാഹനത്തിന്‍റെ സിഎന്‍ജി പതിപ്പിന്  5.16 ലക്ഷം രൂപയും ഡീസല്‍ പതിപ്പിന് 5.42 ലക്ഷം രൂപയുമാണ് എക്സ് ഷോറൂം വില.