യുവതയെ ആകര്ഷിക്കുന്ന പുത്തന് സ്കൂട്ടറുമായി ഹോണ്ട
Synopsis
പുത്തന് അര്ബന്-സ്കൂട്ടര് ഗ്രാസിയയുമായി ജാപ്പനീസ് ഇരുചക്ര വാഹനനിര്മ്മാതാക്കളായ ഹോണ്ട. അത്യാധുനിക അര്ബന് സ്കൂട്ടറായ ഗ്രാസിയയിലൂടെ അര്ബന് ഉപഭോക്താക്കളെയാണ് ഹോണ്ട ലക്ഷ്യമിടുന്നത്.
അഗ്രസീവ് ഡിസൈനാണ് ഗ്രാസിയയുടെ മുഖമുദ്ര. നവിയില് നിന്നും ക്ലിഖില് നിന്നും തികച്ചും വേറിട്ട ഡിസൈന് ശൈലിയാണ് ഗ്രാസിയക്ക്. വലുപ്പമേറിയ V-Shaped ഹെഡ്ലാമ്പാണ് സ്കൂട്ടറിന്റെ പ്രധാന ഹൈലൈറ്റ്. ആക്ടിവയ്ക്ക് സമാനമായ വലിയ ഫ്രണ്ട് വീലും ടെലിസ്കോപിക് ഫ്രണ്ട് ഫോര്ക്കുകളും, ഡിസ്ക് ബ്രേക്കുമാണ് ഗ്രാസിയയില് ഒരുങ്ങിയിട്ടുള്ളത്.
ഹോണ്ടയുടെ കോമ്പി-ബ്രേക്ക് ടെക്നോളജിയും പിന്നിര യാത്രക്കാര്ക്ക് വേണ്ടി മെറ്റല് ഫൂട്ട്പെഗുകളും ഗ്രാസിയയുടെ പ്രത്യേകതകളാണ്. നിലവിലുള്ള 110 സിസി എഞ്ചിനില് തന്നെയാകും പുത്തന് ഗ്രാസിയയും അണിനിരക്കുകയെന്നാണ് റിപ്പോര്ട്ടുകള്. ഗ്രാസിയയുടെ ബുക്കിംഗ് ആരംഭിച്ചു. രാജ്യത്തുടനീളമുള്ള ഹോണ്ട ഡീലര്ഷിപ്പുകളില് നിന്നും 2000 രൂപ മുന്കൂര് പണമടച്ച് ഉപഭോക്താക്കള്ക്ക് സ്കൂട്ടറിനെ ബുക്ക് ചെയ്യാം.
ഈ വര്ഷം പുതിയ നാല് മോഡലുകളെ ഇന്ത്യയില് അണിനിരത്തുമെന്ന് ഹോണ്ട നേരത്തെ പ്രഖ്യാപിച്ചിരുന്നു. ഇതില് ആഫ്രിക്ക ട്വിന് AT, ക്ലിഖ് സ്കൂട്ടര് എന്നിവ വിപണിയിലെത്തിക്കഴിഞ്ഞു.
ഏറ്റവും പുതിയ Automobile News, ഏറ്റവും പുതിയ Newly launched cars reviews in Malayalam തുടങ്ങിയവ മലയാളത്തിൽ അറിയാൻ Asianet News Malayalam. കാറുകൾ, ബൈക്കുകൾ, ഇലക്ട്രിക് വാഹനങ്ങൾ, ഓട്ടോ ടെക്നോളജി തുടങ്ങിയ മേഖലകളിലെ പുതിയ ട്രെൻഡുകളും അപ്ഡേറ്റുകളും ഒരൊറ്റ ക്ലിക്കിൽ.