വമ്പന് വിലക്കിഴിവില് റെനോ ഡസ്റ്റര്
Synopsis
ഫ്രഞ്ച് വാഹന നിര്മാതാക്കളായ റെനോയുടെ ജനപ്രിയ എസ് യു വി ഡസ്റ്റര് വന് വിലക്കുറവില് വിറ്റഴിക്കുന്നു. രണ്ടു ലക്ഷം രൂപ വരെ വിലക്കുറവിലാണ് റെനോ ഡസ്റ്റര് വില്ക്കാനൊരുങ്ങുന്നതെന്നാണ് റിപ്പോര്ട്ടുകള്. നിലവില് ഡസ്റ്റര് കാര് ഉടമകളായ ഗ്യാങ് ഓഫ് ഡസ്റ്റര് ഗ്രൂപ്പിലെ അംഗങ്ങള്ക്ക് മാത്രമേ ഈ ഓഫര് ലഭ്യമാകുകയുള്ളുവെന്നും റിപ്പോര്ട്ടുകളുണ്ട്.
നിലവിലുള്ള സ്റ്റോക്ക് എത്രയും പെട്ടെന്ന് വിറ്റഴിച്ച് വരാനിരിക്കുന്ന റെനോ ക്യാപ്ച്ചറിനെ വരവേല്ക്കുന്നതിന്റെ ഭാഗമാണ് കമ്പനിയുടെ സര്പ്രൈസ് ഓഫര് എന്നാണ് സൂചന.
ഡസ്റ്റര് ഉടമകളെ ഇ-മെയില് വഴിയാണ് റെനോ ഇന്ത്യ ഓഫര് വിവരം അറിയിച്ചത്. ആകെ 107 യൂണിറ്റുകളുടെ സ്റ്റോക്ക് മാത്രമാണ് അവശേഷിക്കുന്നതെന്നും മെയിലില് വ്യക്തമാക്കുന്നുണ്ട്.
85 പിഎസ് ഡീസല് സ്റ്റാന്ഡേര്ഡ്, 110 പിഎസ് അഡ്വേഞ്ചര് എഡിഷന് എന്നീ രണ്ടു വേരിയന്റുകള്ക്കാണ് വിലക്കുറവ്. 85 പിഎസ് ഡസ്റ്ററിന് 1.6 ലക്ഷവും 110 പിഎസ് പതിപ്പിന് 2 ലക്ഷം രൂപയുമാണ് ഡിസ്കൗണ്ട്. ഇതിന് പുറമേ 10000 രൂപയുടെ എക്സ്ചേഞ്ച് ഓഫറും 7000 രൂപയുടെ കോര്പ്പറേറ്റ് ബോണസും കമ്പനി നല്കുമെന്നാണ് വിവരം.
ഏറ്റവും പുതിയ Automobile News, ഏറ്റവും പുതിയ Newly launched cars reviews in Malayalam തുടങ്ങിയവ മലയാളത്തിൽ അറിയാൻ Asianet News Malayalam. കാറുകൾ, ബൈക്കുകൾ, ഇലക്ട്രിക് വാഹനങ്ങൾ, ഓട്ടോ ടെക്നോളജി തുടങ്ങിയ മേഖലകളിലെ പുതിയ ട്രെൻഡുകളും അപ്ഡേറ്റുകളും ഒരൊറ്റ ക്ലിക്കിൽ.