ജിഎസ്ടി ഇംപാക്ട്; ടിവിഎസും വില കുറച്ചു
Synopsis
ജിഎസ്ടിയുടെ പശ്ചാത്തലത്തില് ടൂവീലര് നിര്മ്മാതാക്കളായ ടിവിഎസും മോഡലുകളുടെ വില വെട്ടിക്കുറച്ചു. ജിഎസ്ടി ആനുകൂല്യങ്ങള് ഉപഭോക്താക്കളില് നേരത്തെ എത്തിക്കുന്നതിന്റെ ഭാഗമായാണ് ടിവിഎസിന്റെ നടപടി. അതേസമയം, മോഡലുകളിലെ വിലക്കുറവ് സംബന്ധിച്ച കൂടുതല് വിവരങ്ങള് ടിവിഎസ് ലഭ്യമാക്കിയിട്ടില്ല. സംസ്ഥാനങ്ങളെയും മോഡലുകളെയും ആശ്രയിച്ച് ടിവിഎസ് പ്രഖ്യാപിച്ചിരിക്കുന്ന വിലക്കുറവില് വ്യത്യാസം നേരിടും.
ജലൈ ഒന്ന് മുതലാണ് രാജ്യത്ത് ജിഎസ്ടി നിരക്കുകള് പ്രാബല്യത്തില് വരിക. ജിഎസ്ടി നിരക്കുകളുടെ അടിസ്ഥാനത്തില് ടൂവീലറുകളിന്മേലുള്ള നികുതി നിരക്ക് കുറയും. അതേസമയം, സംസ്ഥാനങ്ങളെ ആശ്രയിച്ച് വിലയില് നേരിയ വ്യത്യാസങ്ങളുണ്ടാകും. നിലവില് 30 ശതമാനമാണ് ടൂവീലറുകളിന്മേലുള്ള നികുതി.
എന്നാല് ജിഎസ്ടി പ്രാബല്യത്തില് വരുന്നതോടെ, ടൂവീലറുകളിലുള്ള നികുതി നിരക്ക് 28 ശതമാനമായി പുന:സ്ഥാപിക്കും. അതേസമയം, 350 സിസി എന്ജിന് ശേഷിക്ക് മുകളിലുള്ള ടൂവീലറുകളുടെ വില വര്ധനവിനും ജിഎസ്ടി കാരണമാകും.
ആദ്യം ബജാജ് ഓട്ടോയും പിന്നാലെ റോയല് എന്ഡഫീല്ഡും യുഎം ലോഹിയയും ജിഎസ്ടിയുടെ പശ്ചാത്തലത്തില് തങ്ങളുടെ മോഡലുകളുടെ വില കുറച്ചിരുന്നു. വിവിധ കാര് നിര്മ്മാതാക്കളും വിലക്കിഴിവുമായി രംഗത്തുണ്ട്.
ഏറ്റവും പുതിയ Automobile News, ഏറ്റവും പുതിയ Newly launched cars reviews in Malayalam തുടങ്ങിയവ മലയാളത്തിൽ അറിയാൻ Asianet News Malayalam. കാറുകൾ, ബൈക്കുകൾ, ഇലക്ട്രിക് വാഹനങ്ങൾ, ഓട്ടോ ടെക്നോളജി തുടങ്ങിയ മേഖലകളിലെ പുതിയ ട്രെൻഡുകളും അപ്ഡേറ്റുകളും ഒരൊറ്റ ക്ലിക്കിൽ.