എന്തുകൊണ്ടാണ് ഓട്ടോ ഡ്രൈവര്‍മാര്‍ പലപ്പോഴും ഒരുവശം ചെരി‌ഞ്ഞ് ഇരിക്കുന്നത്?

ഓട്ടോ എന്നത് സാധാരണക്കാരന്‍റെ വാഹനമാണ്, ഓട്ടോയില്‍ സഞ്ചരിക്കാത്തവരും കുറവായിരിക്കും. പലപ്പോഴും നാം കാണാറുള്ള സാധാരണമായ ഒരു കാഴ്ചയുണ്ട്. എന്ത് കൊണ്ടാണ് ഓട്ടോ ഡ്രൈവര്‍മാര്‍ വണ്ടിയോടിക്കുമ്പോള്‍ ചെരിഞ്ഞ് ഇരിക്കുന്നത്.?

ഈ ചോദ്യത്തിനുള്ള ചര്‍ച്ചയാണ് ഇപ്പോള്‍, പ്രമുഖമായ 'ഉത്തരം തേടല്‍ സൈറ്റ്' ‘ക്വോറ’ ഉന്നയിക്കപ്പെട്ടത്. ചോദ്യം വന്‍ ചര്‍ച്ചയായി, ആയിരക്കണക്കിന് പേരാണ് തങ്ങളുടെ സമാനമായ സംശയം ഈ ചോദ്യത്തിന് ഒപ്പം ചേര്‍ത്തത്. ആയിരക്കണക്കിന് പേര്‍ ഇതിന്‍റെ ഉത്തരത്തിനായി കാത്തുനിന്നു.

ഒടുവില്‍ ശിവിന്‍ സക്‌സേന എന്ന യുവാവ് ഉത്തരവുമായെത്തി. ആ ഉത്തരം ഇപ്പോള്‍ ക്വോറയില്‍ ലക്ഷക്കണക്കിനാളുകള്‍ വായിച്ചുകഴിഞ്ഞു. ഇതേ ചോദ്യവുമായി നിരവധി ഓട്ടോ ഡ്രൈവര്‍മാരെ ശിവിന്‍ സമീപിച്ചു. ചിരിയായിരുന്നു എല്ലാവരുടേയും ആദ്യപ്രകടനം. പിന്നാലെ ഉത്തരവും വന്നു. ഒട്ടുമിക്ക ഡ്രൈവര്‍മാരും പറഞ്ഞത് ഏതാണ്ട് ഒരേ ഉത്തരമായിരുന്നുവെന്ന് ശിവിന്‍ പറയുന്നു.