ഓട്ടോ ഹെഡ്ലാമ്പ് ഓണുമായി യമഹ ആർ15
Synopsis
രാത്രിയായാലും പകലായാലും ബൈക്ക് ഓടിക്കൊണ്ടിരിക്കുകയാണെങ്കിൽ ഹെഡ്ലൈറ്റ് പ്രവർത്തിച്ചുകൊണ്ടിരിക്കുന്നതാണ് ഓട്ടോ ഹെഡ്ലൈറ്റ് ഓൺ സാങ്കേതിക വിദ്യ. ഹെഡ്ലൈറ്റ് ഓഫുചെയ്യാനുള്ള സ്വിച്ചുകള് ബൈക്കില് ഉണ്ടാവില്ല. ഇരുചക്ര വാഹനങ്ങളുടെ സുരക്ഷ കണക്കിലെടുത്തുകൊണ്ടാണ് ഈ സംവിധാനം ഉൾപ്പെടുത്തുന്നത്.
പകൽസമയത്തും ബൈക്കുകളുടെ സാന്നിധ്യം വ്യക്തമാക്കാൻ ഇതുവഴി സാധിക്കും. അതുകൊണ്ട് തന്നെ അപകടങ്ങളും കുറയും. അടുത്ത വർഷം മുതൽ ഇന്ത്യൻ ഗവൺമെന്റ് എല്ലാ ബൈക്കുകളിലും ഈ സാങ്കേതികത നിർബന്ധമാക്കുന്നതിനിടയിലാണ് യമഹ ബൈക്കിനെ അവതരിപ്പിച്ചിരിക്കുന്നത്.
ഹീറോ മോട്ടോർകോപായിരുന്നു ഈ സാങ്കേതിക വിദ്യ ആദ്യമായി അവതരിപ്പിക്കുന്നത്. സ്പ്ലെന്റർ ഐ-സ്മാർടിലായിരുന്നു ഇത്. അതിനുശേഷം ഡ്യൂക്ക്, ആർസി ശ്രേണിയിലുള്ള ബൈക്കുകളിൽ കെടിഎംമും അവതരിപ്പിച്ചു.
പുതിയ വൈസെഡ്എഫ്-ആർ 15 സ്പോർട്സ് ബൈക്കിന്റെ വിലയിൽ മാറ്റമുണ്ടാകില്ലെന്നാണ് റിപ്പോര്ട്ടുകള്. യമഹ വൈസെഡ്എഫ്-ആറിന്റെ 2.0പതിപ്പിന് 1.18ലക്ഷവും ആർ15 എസിന് 1.15ലക്ഷവുമാണ് നിലവിവ് ദില്ലി എക്സ്ഷോറും വില. ഇതേ വിലയില് വാഹനം അടുത്ത വര്ഷം വിപണിയിലെത്തുമെന്നാണ് കരുതുന്നത്.
ഏറ്റവും പുതിയ Automobile News, ഏറ്റവും പുതിയ Newly launched cars reviews in Malayalam തുടങ്ങിയവ മലയാളത്തിൽ അറിയാൻ Asianet News Malayalam. കാറുകൾ, ബൈക്കുകൾ, ഇലക്ട്രിക് വാഹനങ്ങൾ, ഓട്ടോ ടെക്നോളജി തുടങ്ങിയ മേഖലകളിലെ പുതിയ ട്രെൻഡുകളും അപ്ഡേറ്റുകളും ഒരൊറ്റ ക്ലിക്കിൽ.