ബാറ്ററി സർവീസ് പ്രോഗ്രാമുമായി ആതർ എനർജി

ആതർ എനർജി പുതിയ ബാറ്ററി ആസ് എ സർവീസ് (BaaS) പദ്ധതി ആരംഭിച്ചു, ഇത് ഉപഭോക്താക്കൾക്ക് ബാറ്ററിക്ക് മുൻകൂർ പണം നൽകാതെ ആതർ സ്കൂട്ടറുകൾ വാങ്ങാൻ അനുവദിക്കുന്നു. 

ഇന്ത്യയിലെ ഏറ്റവും മികച്ച ഇലക്ട്രിക് ഇരുചക്ര വാഹന വിൽപ്പന കമ്പനികളിലൊന്നായ ആതർ എനർജി ലിമിറ്റഡ്, അവരുടെ ഇലക്ട്രിക് വാഹനങ്ങൾക്കായി ഒരു പുതിയ ബാറ്ററി ആസ് സർവീസ് (BaaS) ആരംഭിച്ചു. ഈ സേവനം അവരുടെ സ്‍കൂട്ടറുകൾ വാങ്ങുന്നത് കൂടുതൽ എളുപ്പമാക്കി. പുതിയ ബാറ്ററി പ്രോഗ്രാം ഉപയോഗിച്ച്, ഉപഭോക്താക്കൾക്ക് ബാറ്ററിക്ക് മുൻകൂർ പണം നൽകാതെ തന്നെ ആതർ സ്‍കൂട്ടറുകൾ വാങ്ങാം. ഉപഭോക്താക്കൾക്ക് ആവശ്യമുള്ള പ്ലാനുകൾ പ്രതിമാസ ബാറ്ററി ഉപയോഗ പ്ലാനുകളിൽ നിന്ന് തിരഞ്ഞെടുക്കണം. അതിന്റെ വില കിലോമീറ്ററിന് ഒരുരൂപയിൽ നിന്ന് ആരംഭിക്കുന്നു. കുറഞ്ഞത് 1,000 കിലോമീറ്റർ/മാസം എന്ന നിരക്കിൽ 48 മാസത്തെ പാക്കേജിനെ അടിസ്ഥാനമാക്കി ആണിത്.

ഈ സേവനം ആതർ റിസ്റ്റയുടെ പ്രാരംഭ വില 75,999 രൂപയായും ആതർ 450 സീരീസിന്റെ പ്രാരംഭ വില 84,341 രൂപയായും കുറയ്ക്കുന്നു. ഇത് സ്റ്റാൻഡേർഡ് വിലയേക്കാൾ 30% വരെ കുറവാണ്. ഇന്ത്യയിലുടനീളമുള്ള 3,300-ലധികം ആതർ ഫാസ്റ്റ് ചാർജറുകളിൽ ഉപഭോക്താക്കൾക്ക് ഒരു വർഷത്തെ സൗജന്യ ഫാസ്റ്റ് ചാർജിംഗും ലഭിക്കും. ഈ വർഷം ആദ്യം ഒരു പൈലറ്റ് പ്രോജക്റ്റായി ആരംഭിച്ച ആതറിന്റെ അഷ്വേർഡ് ബൈബാക്ക് പ്രോഗ്രാം ഇപ്പോൾ സ്കൂട്ടറിന്റെ മൂല്യത്തിന്റെ 60 ശതമാനം വരെയും സഞ്ചരിച്ച ദൂരത്തെ ആശ്രയിച്ച് നാല് വർഷത്തിന് ശേഷം 50 ശതമാനം വരെയും ആനുകൂല്യങ്ങൾ വാഗ്ദാനം ചെയ്യുന്നു.

വിപുലീകരിച്ച ബൈബാക്ക് പ്രോഗ്രാ, മെച്ചപ്പെടുത്തിയ വാറന്റി കവറേജ് എന്നിവ അവതരിപ്പിച്ചുകൊണ്ട്, ഇന്ത്യൻ കുടുംബങ്ങൾക്ക് ഇലക്ട്രിക് മൊബിലിറ്റിയിലേക്കുള്ള മാറ്റം കൂടുതൽ ആകർഷകവും താങ്ങാനാവുന്നതും സുരക്ഷിതവുമാക്കുക എന്നതാണ് ഏഥറിന്റെ ലക്ഷ്യം. 2013-ൽ സ്ഥാപിതമായ ആതർ എനർജി നിലവിൽ രണ്ട് പ്രധാന ഉൽപ്പന്ന നിരകൾ വാഗ്ദാനം ചെയ്യുന്നു. പ്രകടനത്തിൽ ശ്രദ്ധ കേന്ദ്രീകരിക്കുന്ന റൈഡർമാർക്കായി ആതർ 450 സീരീസ്, കുടുംബാധിഷ്ഠിത വാങ്ങുന്നവർക്കായി ആതർ റിസ്റ്റ എന്നിവയാണ് ഈ മോഡലുകൾ. ഇന്ത്യ, നേപ്പാൾ, ശ്രീലങ്ക എന്നിവിടങ്ങളിലായി 4,000-ത്തിലധികം ചാർജറുകൾ സ്ഥാപിച്ചിട്ടുള്ള ഇന്ത്യയിലെ ഏറ്റവും വലിയ ഇരുചക്ര വാഹന ഫാസ്റ്റ് ചാർജിംഗ് ശൃംഖലയായ ആതർ ഗ്രിഡും കമ്പനി പ്രവർത്തിപ്പിക്കുന്നു.

ഏഥർ റിസ്റ്റയുടെ സവിശേഷതകളും സ്പെസിഫിക്കേഷനുകളും

ഈ സ്‍കൂട്ടറിൽ നിങ്ങൾക്ക് റിവേഴ്‌സ് മോഡ് ലഭിക്കുന്നു. ഇത് സ്‍കൂട്ട‍ർ പിന്നോട്ടെടുക്കാൻ എളുപ്പമാക്കുന്നു. സ്‍കൂട്ടറിന്റെ ടയറുകൾ സ്‍കിഡ് കൺട്രോൾ അനുസരിച്ചാണ് രൂപകൽപ്പന ചെയ്തിരിക്കുന്നത്. ഇതിൽ ആന്റി-തെഫ്റ്റ് ഫീച്ചറും ഉണ്ട്. ഫോണിന്റെ സഹായത്തോടെ പാർക്കിംഗ് ഏരിയയിൽ സ്കൂട്ടർ കണ്ടെത്താൻ കഴിയും. വീഴ്ചയിൽ നിന്നും സംരക്ഷിക്കുന്ന സുരക്ഷാ ഫീച്ചറും ഈ സ്‍കൂട്ടറിൽ ഉണ്ട്. അതായത്, സ്‍കൂട്ടർ ഓടിക്കൊണ്ടിരിക്കുമ്പോൾ വീണാൽ, അതിന്റെ മോട്ടോർ യാന്ത്രികമായി നിലയ്ക്കും. ഗൂഗിൾ മാപ്പ് ഇതിൽ ലഭ്യമാണ് എന്നതാണ് പ്രത്യേകത. കോൾ, മ്യൂസിക് കൺട്രോൾ, പുഷ് നാവിഗേഷൻ, ഓട്ടോ റിപ്ലൈ എസ്എംഎസ് തുടങ്ങിയ സവിശേഷതകളും ഇതിൽ നൽകിയിട്ടുണ്ട്.

ഏഥർ റിസ്‍തയുടെ റേഞ്ചിനെക്കുറിച്ച് പറയുകയാണെങ്കിൽ, ഇതിന് 2.9 kWh ബാറ്ററിയും 3.7 kWh ബാറ്ററി പായ്ക്ക് ഓപ്ഷനുകളും ലഭിക്കുന്നു. ചെറിയ ബാറ്ററി പായ്ക്കിന്റെ റേഞ്ച് 123 കിലോമീറ്ററും വലിയ ബാറ്ററി പായ്ക്കിന്റെ റേഞ്ച് 160 കിലോമീറ്ററുമാണ്. എല്ലാ വേരിയന്റുകളുടെയും പരമാവധി വേഗത മണിക്കൂറിൽ 80 കിലോമീറ്ററാണ്. 2.9 kWh ബാറ്ററി പാക്കിന്റെ ചാർജിംഗ് സമയം 6.40 മണിക്കൂറാണ്. അതേസമയം, 3.7 kWh ബാറ്ററി പാക്കിന്റെ ചാർജിംഗ് സമയം 4.30 മണിക്കൂർ മാത്രമാണ്. അതിന്റെ മൂന്ന് വേരിയന്റുകളുടെയും എക്സ്-ഷോറൂം വില 109,999 രൂപ, 124,999 രൂപ, 144,999 രൂപ എന്നിങ്ങനെയാണ്. റിസ്റ്റ ഏഴ് കളർ ഓപ്ഷനുകളിലാണ് പുറത്തിറക്കിയിരിക്കുന്നത്. നാല് ഡ്യുവൽ ടോൺ നിറങ്ങളും 3 സിംഗിൾ ടോൺ നിറങ്ങളും ലഭിക്കും. ബാറ്ററിക്കും സ്‍കൂട്ടറിനും കമ്പനി മൂന്ന് വർഷം അല്ലെങ്കിൽ 30,000 കിലോമീറ്റർ വാറന്റിയും നൽകുന്നു.