വിപണിയെ ഞെട്ടിക്കാൻ ആതർ കൊണാർക്ക്; സവിശേഷതകൾ അറിയാമോ?

Published : Sep 24, 2026, 02:51 PM IST
Ather Konarc Electric Scooter

Synopsis

ആതർ എനർജി തങ്ങളുടെ പുതിയ ഇലക്ട്രിക് സ്‍കൂട്ടറായ 'ആതർ കൊണാർക്ക്' ഇന്ത്യൻ വിപണിയിൽ അവതരിപ്പിച്ചു. 99,999 രൂപ മുതൽ വില ആരംഭിക്കുന്ന ഈ മോഡൽ ഒറ്റ ചാർജിൽ 161 കിലോമീറ്റർ വരെ റേഞ്ച് നൽകുന്നു. ഓട്ടോ ഹോൾഡ്, പാർക്ക് അസിസ്റ്റ്, മാജിക് കീ തുടങ്ങിയ അത്യാധുനിക ഫീച്ചറുകളോടെയാണ് പുതിയ സ്‍കൂട്ടർ എത്തുന്നത്.

ഇലക്ട്രിക് സ്‍കൂട്ടർ വിപണിയിൽ പുതിയ മോഡലുമായി ആതർ എനർജി. കമ്പനിയുടെ പുതിയ ഇലക്ട്രിക് സ്‍കൂട്ടറായ ആതർ കൊണാർക്ക് ഇന്ത്യയിൽ അവതരിപ്പിച്ചു. നാലാമത് വാർഷിക കമ്മ്യൂണിറ്റി ദിനത്തിന്റെ ഭാഗമായാണ് പുതിയ സ്‍കൂട്ടർ അവതരിപ്പിച്ചത്. കൊണാർക്കിനൊപ്പം ദൈനംദിന ഉപയോഗം ലക്ഷ്യമിട്ട് വികസിപ്പിച്ച പുതിയ ഇഎൽ പ്ലാറ്റ്‌ഫോമും കമ്പനി അവതരിപ്പിച്ചു. ഒറ്റ ചാർജിൽ 161 കിലോമീറ്റർ വരെ സഞ്ചരിക്കാൻ കഴിയുന്ന മോഡലാണ് കൊണാർക്ക് എസ് 161. ഓട്ടോ ഹോൾഡ്, പാർക്ക് അസിസ്റ്റ്, മാജിക് കീ തുടങ്ങിയ നിരവധി സവിശേഷതകളും സ്‍കൂട്ടറിലുണ്ട്.

ഒരുലക്ഷം രൂപയ്ക്ക് കൊണാർക്ക് എസ് 100

നിലവിൽ എസ്, ഇസഡ് വേരിയന്റുകളിലാണ് ആതർ കൊണാർക്ക് എത്തുന്നത്. എസ് സീരീസിലെ മൂന്ന് മോഡലുകളുടെ വിലയാണ് കമ്പനി പ്രഖ്യാപിച്ചിരിക്കുന്നത്. കൊണാർക്ക് എസ് 100ന് 99,999 രൂപ മുതലാണ് വില. എസ് 125ന് 1,21,999 രൂപയും എസ് 161ന് 1,44,999 രൂപയുമാണ് വില. എല്ലാ വിലകളും എക്സ്-ഷോറൂം ആണ്. ഭാവിയിൽ 200 കിലോമീറ്റർ റേഞ്ചുള്ള മോഡലും കൊണാർക്ക് നിരയിലേക്ക് എത്തിക്കാനാണ് കമ്പനിയുടെ പദ്ധതി. 125 കിലോമീറ്റർ, 161 കിലോമീറ്റർ റേഞ്ചുള്ള കൊണാർക്ക് ഇസഡ് മോഡലുകളും പിന്നീട് അവതരിപ്പിക്കും. ഇസഡ് സീരീസിന്റെ വില കമ്പനി ഇതുവരെ പ്രഖ്യാപിച്ചിട്ടില്ല.

2027ൽ കൂടുതൽ മോഡലുകൾ

കൊണാർക്ക് എസ് 125, എസ് 161 മോഡലുകളുടെ ഡെലിവറി സെപ്റ്റംബറിൽ ആരംഭിക്കുമെന്നാണ് പ്രതീക്ഷിക്കുന്നത്. എസ് 100 മോഡൽ 2027ന്റെ ആദ്യ പാദത്തിൽ വിപണിയിലെത്തും. 200 കിലോമീറ്റർ റേഞ്ചുള്ള എസ് സീരീസ് മോഡൽ 2027ന്റെ മൂന്നാം പാദത്തിൽ അവതരിപ്പിക്കാനാണ് പദ്ധതി. ഇസഡ് സീരീസ് 2027ന്റെ രണ്ടാം പാദത്തിൽ എത്തിയേക്കും.

161 കിലോമീറ്റർ വരെ റേഞ്ച്

ആതറിന്റെ പുതിയ ഇഎൽ പ്ലാറ്റ്‌ഫോമിനെ അടിസ്ഥാനമാക്കിയുള്ള ആദ്യ ഇലക്ട്രിക് സ്കൂട്ടറാണ് കൊണാർക്ക്. ഏകദേശം 2.6 ദശലക്ഷം കിലോമീറ്റർ ഫീൽഡ് ഡാറ്റയുടെ അടിസ്ഥാനത്തിലാണ് പ്ലാറ്റ്‌ഫോം വികസിപ്പിച്ചതെന്ന് കമ്പനി പറയുന്നു. കൊണാർക്ക് എസ് 100ൽ 2.1 കിലോവാട്ട് അവർ ബാറ്ററിയും എസ് 125ൽ 2.7 കിലോവാട്ട് അവർ ബാറ്ററിയും എസ് 161ൽ 3.5 കിലോവാട്ട് അവർ ബാറ്ററിയുമാണ് ഉപയോഗിച്ചിരിക്കുന്നത്. എസ് 100ന് 4 കിലോവാട്ട് പീക്ക് പവറും 16 എൻഎം ടോർക്കുമുണ്ട്. എസ് 125, എസ് 161 മോഡലുകൾക്ക് 4.7 കിലോവാട്ട് പീക്ക് പവറും 16 എൻഎം ടോർക്കുമാണ് ലഭിക്കുന്നത്. മൂന്ന് മോഡലുകളുടെയും പരമാവധി വേഗത 70 കിലോമീറ്റർ ആണ്.

പാർക്കിംഗ് എളുപ്പമാക്കാൻ പാർക്ക് അസിസ്റ്റ്

ദൈനംദിന ഉപയോഗം കൂടുതൽ എളുപ്പമാക്കുന്ന നിരവധി സവിശേഷതകളുമായാണ് കൊണാർക്ക് എത്തുന്നത്. മോട്ടോറിന്റെ സഹായത്തോടെ സ്കൂട്ടർ പിന്നിലേക്ക് നീക്കാൻ പാർക്ക് അസിസ്റ്റ് സഹായിക്കും. വാഹനം നിർത്തിയശേഷം അതേ സ്ഥാനത്ത് തുടരാൻ ഓട്ടോ ഹോൾഡ് സംവിധാനവും സഹായിക്കുന്നു. ഇസഡ് വേരിയന്റിൽ എഇബിഎസ് അഥവാ അഡ്വാൻസ്ഡ് ഇലക്ട്രോണിക് ബ്രേക്കിംഗ് സിസ്റ്റവും ലഭിക്കും. ഇലക്ട്രോണിക് നിയന്ത്രണത്തിലൂടെ ബ്രേക്കിംഗ് മെച്ചപ്പെടുത്താനും നിർത്താനുള്ള ദൂരം കുറയ്ക്കാനും ശക്തമായി ബ്രേക്ക് ചെയ്യുമ്പോൾ പിൻചക്രം ലോക്ക് ആകാനുള്ള സാധ്യത കുറയ്ക്കാനും ഈ സംവിധാനം സഹായിക്കുമെന്ന് കമ്പനി പറയുന്നു.

ആപ്പ് ഉപയോഗിച്ച് ബൂട്ട് തുറക്കാം

മാജിക് കീ സംവിധാനത്തിലൂടെ ആതർ ആപ്പ് ഉപയോഗിച്ച് സ്കൂട്ടറിന്റെ ബൂട്ട് തുറക്കാൻ കഴിയും. കൊണാർക്ക് ഇസഡ് 161ൽ ഈ സംവിധാനത്തോടൊപ്പം ഓട്ടോപോപ്പ് സവിശേഷതയും ലഭിക്കും. ഇതിലൂടെ ബൂട്ട് സ്വമേധയാ തുറക്കാൻ സാധിക്കും.

ഗൂഗിൾ മാപ്സും വാട്ട്‌സ്ആപ്പും

കൊണാർക്ക് ഇസഡിന്റെ ഡാഷ്‌ബോർഡിൽ ഗൂഗിൾ മാപ്സും വാട്ട്‌സ്ആപ്പും ലഭ്യമാകും. സ്‍കൂട്ടർ നിശ്ചലമായിരിക്കുമ്പോൾ ക്രിക്കറ്റ് സ്കോറുകൾ കാണാനുള്ള സൗകര്യവും ഉണ്ടാകും. ആതർ കണക്റ്റ് സബ്‌സ്‌ക്രിപ്‌ഷനിലൂടെ മോഷണ, ടോ അലേർട്ടുകൾ, റൈഡ് സ്റ്റാറ്റിസ്റ്റിക്സ്, ഫൈൻഡ് മൈ സ്‍കൂട്ടർ, റിമോട്ട് ചാർജിംഗ് സ്റ്റാറ്റസ്, ഒടിഎ അപ്‌ഡേറ്റുകൾ തുടങ്ങിയ സൗകര്യങ്ങളും ലഭിക്കും. ടോപ്പ് വേരിയന്റിൽ വെഹിക്കിൾ ഫാൾസേഫും ഉൾപ്പെടുത്തിയിട്ടുണ്ട്. എസ് 125, എസ് 161 മോഡലുകളിൽ എയർവാക്ക് സവിശേഷതയും ലഭിക്കും.

PREV
Read more Articles on
click me!

Recommended Stories

ബിഗോസ്: ഒരു ലക്ഷം ഇലക്ട്രിക് സ്‍കൂട്ടർ വിൽപ്പന
ഉത്സവകാലത്ത് ഹോണ്ടയുടെ കുതിപ്പ്; കണക്കുകൾ അമ്പരപ്പിക്കും!