ഏഥർ റിസ്റ്റ ശ്രീലങ്കയിൽ; വിപണി കീഴടക്കാൻ പുതിയ താരം

ഏഥർ എനർജി തങ്ങളുടെ പുതിയ ഇലക്ട്രിക് സ്കൂട്ടറായ റിസ്റ്റ ശ്രീലങ്കയിൽ അവതരിപ്പിച്ചു. കൊളംബോ മോട്ടോർ ഷോ 2025-ൽ പുറത്തിറക്കിയ ഈ സ്കൂട്ടർ, 160 കിലോമീറ്റർ വരെ റേഞ്ചും റിവേഴ്സ് മോഡ്, ഫാൾ ഡിറ്റക്ഷൻ പോലുള്ള സ്മാർട്ട് ഫീച്ചറുകളും വാഗ്ദാനം ചെയ്യുന്നു. 

ഏതർ എനർജി ശ്രീലങ്കയിൽ തങ്ങളുടെ സാന്നിധ്യം വിപുലീകരിച്ചു. കൊളംബോ മോട്ടോർ ഷോ 2025 ൽ റിസ്റ്റയെ അവതരിപ്പിച്ചുകൊണ്ടാണ് കമ്പനിയുടെ പുതിയ നീക്കം. കഴിഞ്ഞ വർഷം 450X ഉപയോഗിച്ച് വിപണിയിൽ പ്രവേശിച്ച കമ്പനി, വിതരണക്കാരായ ഇവല്യൂഷൻ ഓട്ടോയിലൂടെ തങ്ങളുടെ ശൃംഖല വികസിപ്പിക്കുന്നത് തുടരുന്നു. ഇവി ഉപയോക്താക്കളെ പിന്തുണയ്ക്കുന്നതിനായി ആതർ ഗ്രിഡ് ഫാസ്റ്റ് ചാർജറുകൾ സജ്ജീകരിച്ചിരിക്കുന്ന 40 എക്സ്പീരിയൻസ് സെന്ററുകൾ ഇപ്പോൾ രാജ്യത്തുടനീളം പ്രവർത്തിക്കുന്നു. ശ്രീലങ്ക അതിവേഗം തങ്ങളുടെ വാഗ്ദാനമായ ആഗോള വിപണികളിൽ ഒന്നായി മാറിയെന്നും, റിസ്റ്റയുടെ കൂട്ടിച്ചേർക്കൽ മേഖലയിലെ തങ്ങളുടെ പോർട്ട്‌ഫോളിയോയും ഇവി ആവാസവ്യവസ്ഥയും ശക്തിപ്പെടുത്താൻ ലക്ഷ്യമിടുന്നുവെന്നും ആതർ പറയുന്നു. ബാറ്ററിക്കും സ്കൂട്ടറിനും 3 വർഷത്തെ അല്ലെങ്കിൽ 30,000 കിലോമീറ്റർ വാറണ്ടിയും കമ്പനി വാഗ്ദാനം ചെയ്യുന്നു.

ഏഥർ റിസ്റ്റയുടെ ഫീച്ചറുകളും സ്പെസിഫിക്കേഷനുകളും

ഈ സ്‍കൂട്ടറിൽ റിവേഴ്‌സ് മോഡ് ഉണ്ട്, ഇത് റിവേഴ്‌സ് ചെയ്യുന്നത് എളുപ്പമാക്കുന്നു. സ്‍കൂട്ടറിന്റെ ടയറുകൾ സ്‍കിഡ് നിയന്ത്രണത്തിനായി രൂപകൽപ്പന ചെയ്‌തിരിക്കുന്നു. മറ്റൊരു സ്‍മാർട്ട്‌ഫോണുമായി നിങ്ങളുടെ ലൈവ് ലൊക്കേഷൻ പങ്കിടാനും സ്‍കൂട്ടർ നിങ്ങളെ അനുവദിക്കുന്നു. ആന്റി-തെഫ്റ്റ് ഫീച്ചറും ഇതിലുണ്ട്. നിങ്ങളുടെ ഫോൺ ഉപയോഗിച്ച് പാർക്കിംഗ് ഏരിയയിൽ നിങ്ങളുടെ സ്‍കൂട്ടർ കണ്ടെത്താൻ കഴിയും.

വീഴ്ചയിൽ നിന്ന് രക്ഷ നേടുന്നതിനുള്ള ഒരു സംവിധാനവും ഇതിലുണ്ട്. അതായത് സ്‍കൂട്ടർ ഓടിക്കൊണ്ടിരിക്കുമ്പോൾ വീണാൽ മോട്ടോർ ഓട്ടോമാറ്റിക്കായി ഓഫാകും. ഈ സ്‍കൂട്ടറിൽ ഗൂഗിൾ മാപ്‌സും ഉൾപ്പെടുന്നു. കോൾ, മ്യൂസിക് കൺട്രോൾ, പുഷ് നാവിഗേഷൻ, ഓട്ടോ-റിപ്ലൈ എസ്എംഎസ് തുടങ്ങിയ സവിശേഷതകളും ഇതിൽ വാഗ്ദാനം ചെയ്യുന്നു. ഈ സവിശേഷതയ്ക്കായി കമ്പനി ഇതിനകം ഒരു ഒ അപ്‌ഡേറ്റ് പുറത്തിറക്കിയിട്ടുണ്ട്.

ഏഥർ റിസ്റ്റയുടെ റേഞ്ചിനെക്കുറിച്ച് പറയുകയാണെങ്കിൽ, ഇത് 2.9 kWh ബാറ്ററി, 3.7 kWh ബാറ്ററി പായ്ക്ക് ഓപ്ഷനുകളിൽ ലഭ്യമാണ്. ചെറിയ ബാറ്ററി പായ്ക്കിന് 123 കിലോമീറ്ററും വലിയ ബാറ്ററി പായ്ക്കിന് 160 കിലോമീറ്ററും സഞ്ചരിക്കാൻ കഴിയും. എല്ലാ വേരിയന്റുകളുടെയും പരമാവധി വേഗത മണിക്കൂറിൽ 80 കിലോമീറ്ററാണ്. 2.9 kWh ബാറ്ററി പാക്കിന്റെ ചാർജിംഗ് സമയം 6.40 മണിക്കൂറാണ്. അതേസമയം, 3.7 kWh ബാറ്ററി പാക്കിന്റെ ചാർജിംഗ് സമയം 4.30 മണിക്കൂർ മാത്രമാണ്. ഏഴ് കളർ ഓപ്ഷനുകളിലാണ് റിസ്റ്റ പുറത്തിറക്കിയിരിക്കുന്നത്. നാല് ഡ്യുവൽ ടോൺ നിറങ്ങളും 3 സിംഗിൾ ടോൺ നിറങ്ങളും ഉണ്ട്.