ആദ്യ ബൈക്ക് വാങ്ങാം: തുടക്കക്കാർക്ക് മികച്ച മോഡലുകൾ

ഇന്ത്യയിൽ ആദ്യമായി ബൈക്ക് തിരഞ്ഞെടുക്കുന്ന പുതിയ റൈഡർമാർക്ക് സ്പോർട്ടി, ഓഫ്-റോഡ്, അഡ്വഞ്ചർ വിഭാഗങ്ങളിലെ മികച്ച ബൈക്കുകളെ പരിചയപ്പെടുത്തുന്നു. ഇതാ അറിയേണ്ടതെല്ലാം

ഇന്ത്യയിൽ ആദ്യമായി ഒരു ബൈക്ക് തിരഞ്ഞെടുക്കുന്ന പുതിയ റൈഡർമാർക്ക് ഏറ്റവും പ്രധാനപ്പെട്ട ഘടകങ്ങൾ ആത്മവിശ്വാസം, സുഖം, വിനോദം എന്നിവയാണ്. ഒരു മികച്ച പഠിതാവിനുള്ള ബൈക്ക് എന്നത് ഓടിക്കാൻ എളുപ്പമുള്ളതും നഗരത്തിൽ സുഖകരവും ഇടയ്ക്കിടെ ലൈറ്റ് ഓഫ്-റോഡ് ട്രെയിലിൽ പോലും രസകരവുമാണ്. സ്‌പോർട്ടി സ്റ്റൈലിംഗ്, മികച്ച പ്രകടനം, സ്‍മാർട്ട് സവിശേഷതകൾ, ബജറ്റിന് അനുയോജ്യമായ വില എന്നിവ വാഗ്ദാനം ചെയ്യുന്ന നിരവധി ബൈക്കുകൾ ഇന്ന് വിപണിയിലുണ്ട്. അതായത് തുടക്കക്കാർക്ക് ധാരാളം ഓപ്ഷനുകൾ ഉണ്ട്. ഇതാ അത്തരം ചില മോട്ടോർസൈക്കിളുകളെ പരിചചയപ്പെടാം.

യമഹ R15

സ്‌പോർട്ടി ലുക്കും വേഗതയേറിയ പ്രകടനവും ആഗ്രഹിക്കുന്ന, എന്നാൽ ദിവസേന സുഖകരമായി യാത്ര ചെയ്യാൻ ഇഷ്ടപ്പെടുന്ന യുവ റൈഡർമാരെ ലക്ഷ്യമിട്ടാണ് യമഹ R15 നിർമ്മിച്ചിരിക്കുന്നത്. 155 സിസി, സിംഗിൾ സിലിണ്ടർ, ലിക്വിഡ്-കൂൾഡ് എഞ്ചിൻ 10,000 rpm-ൽ 18 bhp കരുത്തും 7,500 rpm-ൽ 14.2 Nm ടോർക്കും ഉത്പാദിപ്പിക്കുന്നു. 6-സ്പീഡ് ഗിയർബോക്‌സ്, ക്വിക്ക്ഷിഫ്റ്റർ, ട്രാക്ഷൻ കൺട്രോൾ സിസ്റ്റം എന്നിവയും ഇതിലുണ്ട്.

കാവസാക്കി കെഎൽഎക്സ് 230

നിങ്ങൾ ഓഫ്-റോഡ് സാഹസികത അന്വേഷിക്കുകയാണെങ്കിൽ, കാവസാക്കി KLX 230 ഒരു മികച്ച തിരഞ്ഞെടുപ്പാണ്. ₹1.84 ലക്ഷം (എക്സ്-ഷോറൂം) വിലയുള്ള ഇത്, 8,000 rpm-ൽ 18.1 bhp കരുത്തും 6,400 rpm-ൽ 18.3 Nm torque ഉം ഉത്പാദിപ്പിക്കുന്ന 233cc, സിംഗിൾ-സിലിണ്ടർ, എയർ-കൂൾഡ് എഞ്ചിനാണ് നൽകുന്നത്. വെറും 139 കിലോഗ്രാം ഭാരമുള്ള ഇത് ഓഫ്-റോഡ് ഭൂപ്രദേശങ്ങളിൽ കൈകാര്യം ചെയ്യാൻ എളുപ്പമാണ്.

ഹീറോ എക്സ്പൾസ് 210

ഇന്ത്യയിലെ ഏറ്റവും താങ്ങാനാവുന്ന അഡ്വഞ്ചർ ബൈക്കായി ഹീറോ എക്സ്പൾസ് 210 കണക്കാക്കപ്പെടുന്നു. മികച്ച ഓഫ്-റോഡ് പ്രകടനവും ആധുനിക സവിശേഷതകളും ഇത് വാഗ്ദാനം ചെയ്യുന്നു. 24 എച്ച്പിയും 20.7 എൻഎം ടോർക്കും ഉത്പാദിപ്പിക്കുന്ന 210 സിസി ലിക്വിഡ്-കൂൾഡ് എഞ്ചിനാണ് ഇതിന് കരുത്ത് പകരുന്നത്.

ടിവിഎസ് അപ്പാച്ചെ RTR 200 4V

9,000 rpm-ൽ 20.5 bhp കരുത്തും 7,250 rpm-ൽ 17.25 Nm torque ഉം ഉത്പാദിപ്പിക്കുന്ന 197.5cc, ഓയിൽ-കൂൾഡ് എഞ്ചിനാണ് ഈ ബൈക്കിന് കരുത്ത് പകരുന്നത്. 6-സ്പീഡ് ഗിയർബോക്‌സ്, സ്ലിപ്പർ ക്ലച്ച്, ഡ്യുവൽ-ചാനൽ ABS, മൂന്ന് റൈഡ് മോഡുകൾ (അർബൻ, സ്‌പോർട്, റെയിൻ), ക്രമീകരിക്കാവുന്ന ലിവറുകൾ, ബ്ലൂടൂത്ത് കണക്റ്റിവിറ്റി, LED ഹെഡ്‌ലാമ്പ് തുടങ്ങിയ സവിശേഷതകളോടെയാണ് ഇത് വരുന്നത്. വില ₹1.42 ലക്ഷം (എക്സ്-ഷോറൂം) മുതൽ ആരംഭിക്കുന്നു.

കെടിഎം ഡ്യൂക്ക് 200

1.91 ലക്ഷം രൂപ എക്സ്-ഷോറൂം വിലയുള്ള കെടിഎം ഡ്യൂക്ക് 200, നഗരത്തിലെ ഗതാഗതത്തിലൂടെ എളുപ്പത്തിൽ സഞ്ചരിക്കാൻ ആഗ്രഹിക്കുന്ന ഹാൻഡ്‌ലിംഗും ഭാരം കുറഞ്ഞ രൂപകൽപ്പനയും ആഗ്രഹിക്കുന്ന റൈഡർമാർക്ക് അനുയോജ്യമാണ്. 10,000 rpm-ൽ 25PS പവറും 8,000 rpm-ൽ 19.3Nm ടോർക്കും ഉത്പാദിപ്പിക്കുന്ന 199.5cc, ലിക്വിഡ്-കൂൾഡ് എഞ്ചിനാണ് ഇതിന് കരുത്ത് പകരുന്നത്.