വിസ്‍മയിപ്പിച്ച് സുസുക്കി, ഇരുചക്രവാഹന വിൽപ്പനയിൽ വൻ കുതിപ്പ്

2025 ജനുവരിയിൽ സുസുക്കി ഇന്ത്യയിൽ 87,834 ഇരുചക്രവാഹനങ്ങൾ വിറ്റഴിച്ചു, കയറ്റുമതിയിൽ 21,087 യൂണിറ്റുകളും. ആഭ്യന്തര വിൽപ്പനയിൽ 9.10% വാർഷിക വളർച്ചയും കയറ്റുമതിയിൽ 38.27% വാർഷിക വളർച്ചയും കമ്പനി രേഖപ്പെടുത്തി.

ഇന്ത്യൻ വിപണിയിൽ സുസുക്കി ഇരുചക്രവാഹനങ്ങൾ  കഴിഞ്ഞ മാസം അതായത് 2025 ജനുവരിയിൽ ആഭ്യന്തര വിപണിയിൽ സുസുക്കി മൊത്തം 87,834 യൂണിറ്റ് ഇരുചക്ര വാഹനങ്ങൾ വിറ്റഴിച്ചു.  ഇക്കാലയളവിൽ സുസുക്കി ഇരുചക്രവാഹന വിൽപ്പനയിൽ വാർഷികാടിസ്ഥാനത്തിൽ 9.10 ശതമാനം വർധനയുണ്ടായി. കൃത്യം ഒരു വർഷം മുമ്പ്, അതായത് 2024 ജനുവരിയിൽ, ആഭ്യന്തര വിപണിയിൽ മൊത്തം 80,511 യൂണിറ്റ് ഇരുചക്രവാഹനങ്ങൾ സുസുക്കി വിറ്റഴിച്ചിരുന്നു.

കയറ്റുമതിയുടെ കാര്യത്തിലും കഴിഞ്ഞ മാസം വൻ വളർച്ചയാണ് സുസുക്കി രേഖപ്പെടുത്തിയത്. ഈ കാലയളവിൽ സുസുക്കി മൊത്തം 21,087 യൂണിറ്റ് ഇരുചക്രവാഹനങ്ങൾ കമ്പനി കയറ്റുമതി ചെയ്തു. ഇക്കാലയളവിൽ സുസുക്കിയുടെ ഇരുചക്രവാഹന വിൽപ്പനയിൽ വാർഷികാടിസ്ഥാനത്തിൽ 38.27 ശതമാനം വർധനയുണ്ടായി. കൃത്യം ഒരു വർഷം മുമ്പ്, അതായത് 2024 ജനുവരിയിൽ, സുസുക്കി ആകെ 15,251 യൂണിറ്റ് ഇരുചക്ര വാഹനങ്ങൾ കയറ്റുമതി ചെയ്തിരുന്നു. ഈ രീതിയിൽ ആഭ്യന്തരവും കയറ്റുമതിയും ഉൾപ്പെടെ, സുസുക്കി കഴിഞ്ഞ മാസം മൊത്തം 1,08,921 യൂണിറ്റ് ഇരുചക്രവാഹനങ്ങൾ വിറ്റു.

സുസുക്കിയുടെ ഇരുചക്രവാഹന വിൽപ്പനയിലും പ്രതിമാസ അടിസ്ഥാനത്തിൽ വർധനയുണ്ടായി. 2024 ഡിസംബറിൽ ആഭ്യന്തര വിപണിയിൽ സുസുക്കി മൊത്തം 78,834 യൂണിറ്റ് ഇരുചക്രവാഹനങ്ങൾ വിറ്റഴിച്ചു. അതായത് പ്രതിമാസ അടിസ്ഥാനത്തിൽ വിൽപ്പനയിൽ 11.42 ശതമാനം വർധനവുണ്ടായി. അതേസമയം സുസുക്കിയുടെ ഇരുചക്രവാഹന കയറ്റുമതി പ്രതിമാസ അടിസ്ഥാനത്തിൽ 17.35 ശതമാനം വർധിച്ചു. 2024 ഡിസംബറിൽ സുസുക്കി മൊത്തം 17,970 യൂണിറ്റ് ഇരുചക്രവാഹനങ്ങൾ കയറ്റുമതി ചെയ്‍തു എന്നാണ് കണക്കുകൾ. 

കമ്പനിയുടെ സ്ഥിരതയുള്ള വളർച്ച ഉപഭോക്താക്കൾ ഞങ്ങളിൽ അർപ്പിക്കുന്ന വിശ്വാസത്തെ പ്രതിഫലിപ്പിക്കുന്നുവെന്ന് വിൽപ്പന വള‍ർച്ചയെക്കുറിച്ച് സുസുക്കി മോട്ടോർസൈക്കിൾ ഇന്ത്യ പ്രൈവറ്റ് ലിമിറ്റഡ് സെയിൽസ്, മാർക്കറ്റിംഗ്, ആഫ്റ്റർ സെയിൽസ് എക്സിക്യൂട്ടീവ് വൈസ് പ്രസിഡൻ്റ് ദേവാശിഷ് ​​ഹണ്ട പറഞ്ഞു. തങ്ങളുടെ സുസ്ഥിരമായ വിജയത്തിന് സംഭാവന നൽകുന്ന ഉപഭോക്താക്കൾ, മൂല്യവത്തായ ബിസിനസ് പങ്കാളികൾ, സമർപ്പിത ഡീലർ നെറ്റ്‌വർക്ക് എന്നിവരുടെ നിരന്തരമായ പിന്തുണയ്‌ക്ക് തങ്ങൾ നന്ദിയുള്ളവരാണെന്നും മികച്ച ഗുണനിലവാരമുള്ള മൂല്യമുള്ള ഉൽപ്പന്നങ്ങളും സേവനങ്ങളും നൽകുന്നതിന് ശ്രദ്ധ കേന്ദ്രീകരിക്കുന്നുവെന്നും അദ്ദേഹം വ്യക്തമാക്കി.