തെറ്റുപറ്റിയപ്പോൾ തന്നെ സഭയിൽ ചിരി മുഴങ്ങി. തുടർന്ന് ചിരിയോടെ മന്ത്രിയും തെറ്റുതിരുത്തി.
ദില്ലി: ബജറ്റ് വായനക്കിടെ ധനമന്ത്രി നിർമലാ സീതാരാമന് നാക്കുപിഴ. അന്തരീക്ഷ മലിനീകരണത്തിന് കാരണമാകുന്ന വാഹനങ്ങൾ നിരത്തിൽ നിന്ന് മാറ്റുന്ന ഭാഗം വായിച്ചപ്പോഴാണ് നാക്കുപിഴച്ചത്. 'ഓൾഡ് പോല്യൂറ്റഡ് വെഹിക്കിൾസ്' എന്നതിന് പകരം 'ഓൾഡ് പൊളിറ്റിക്കൽ' എന്ന് പറഞ്ഞു. തെറ്റുപറ്റിയപ്പോൾ തന്നെ സഭയിൽ ചിരി മുഴങ്ങി. തുടർന്ന് ചിരിയോടെ മന്ത്രിയും തെറ്റുതിരുത്തി. രണ്ടാം മോദി സർക്കാരിന്‍റെ അവസാന സമ്പൂർണ ബജറ്റ് ധനമന്ത്രി നിർമല സീതാരാമൻ അവതരിപ്പിച്ചു. ഏഴ് മുൻഗണന വിഷയങ്ങൾ ബജറ്റിലുണ്ട്. അടിസ്ഥാന സൗകര്യ വികസനം, യുവശക്തി, കർഷക ക്ഷേമം, പിന്നാക്ക ക്ഷേമം, ഊർജ്ജ സംരക്ഷണം അടക്കമാണ് 7 മുൻഗണനാ വിഷയങ്ങൾ.സ്വതന്ത്ര്യത്തിൻ്റെ അമൃത കാലത്തെ ആദ്യ ബജറ്റെന്നും ധനമന്ത്രി പറഞ്ഞു.
ഇന്ത്യൻ സമ്പത്ത് രംഗം ശരിയായ ദിശയിലാണെന്ന് ധനമന്ത്രി പറഞ്ഞു. അടുത്ത നൂറ് വർഷത്തേക്കുള്ള വികസനത്തിൻ്റെ ബ്ലൂ പ്രിൻറ് ആണിതെന്നും സർവതലസ്പർശിയായ ബജറ്റാണെന്നും ജനക്ഷേമ പദ്ധതികൾക്ക് തന്നെ എന്നും മുൻഗണനയാണെന്നും അവർ പറഞ്ഞു. കഴിഞ്ഞ ബജറ്റിൻ്റെ അടിത്തറയിൽ നിന്ന് കെട്ടി പൊക്കുന്നതാണ് ഈ ബജറ്റ്. ആഗോളതലത്തിൽ ഇന്ത്യയെ മതിപ്പോടെ നോക്കുന്നു. G20 അധ്യക്ഷത ഇന്ത്യക്ക് വലിയ അവസരമാണ്.
കൊവിഡ് കാലത്ത് ആരും പട്ടിണി കിടക്കാതെ സർക്കാർ സംരക്ഷിച്ചു. ഏഴ് ശതമാനം സാമ്പത്തിക വളർച്ച നേടി ഇന്ത്യ തിളങ്ങുകയാണ്. എല്ലാവർക്കുമൊപ്പം, എല്ലാവരുടെയും വികസനത്തിനെന്ന് തന്നെയാണ് മുദ്രാവാക്യം. യുവാക്കളുടെയും, സ്ത്രീകളുടെയും ക്ഷേമത്തിന് ഊന്നൽ നൽകിയിട്ടുണ്ട്. വലിയ അവസരങ്ങളാണ് യുവാക്കൾക്കായി തുറന്നിട്ടിരിക്കുന്നത്. 9.6 കോടി പാചക വാതക കണക്ഷൻ, 11.7 കോടി ശൗചാലയങ്ങൾ ഇതെല്ലാം സർക്കാർ യാഥാർഥ്യമാക്കി. ഊർജ്ജ മേഖലയിലെ തൊഴിൽ അവസരങ്ങൾ സൃഷ്ടിച്ചുവെന്നും മന്ത്രി പറഞ്ഞു. ധനമന്ത്രി എത്തിയപ്പോൾ പ്രതിഷേധ മുദ്രാവാക്യം ഉയർത്തിയാണ് പ്രതിപക്ഷം എതിരേറ്റത്.
Replacing old polluting political party! 😂🔥 pic.twitter.com/OpGskZfd8Y
— Shubham Mantri (@shubhammantri98)