Kerala Budget 2022 : മെഡിക്കൽ ടെക് ഇന്നൊവേഷൻ കേന്ദ്രം; സ്റ്റാർട്ട് അപ്പ് ഇൻകുബേഷൻ യൂണിറ്റ്
Synopsis
Kerala Budget 2022 : തിരുവനന്തപുരത്ത് മെഡിക്കൽ ടെക് ഇന്നൊവേഷൻ കേന്ദ്രം ആരംഭിക്കും.
തിരുവനന്തപുരം: ഉന്നത വിദ്യാഭ്യാസ രംഗത്ത് വലിയ മാറ്റം ലക്ഷ്യമിടുന്നുവെന്ന് ബജറ്റ് അവതരണ വേളയിൽ ധനമന്ത്രി കെ എൻ ബാലഗോപാൽ. ഉന്നത വിദ്യാഭ്യാസ രംഗത്ത് മെച്ചപ്പട്ട മാറ്റങ്ങളാണ് ബജറ്റിൽ ഉൾപ്പെടുത്തിയിരിക്കുന്നത്. സർവ്വകലാശാല ക്യാംപസുകളിൽ പുതിയ സ്റ്റാർട്ട് അപ്പുകൾ ആരംഭിക്കും. സർവ്വകലാശാല ക്യാംപസുകളോട് ചേർന്ന് സ്റ്റാർട്ട് അപ്പ് ഇൻകുബേഷൻ യൂണിറ്റ് ആരംഭിക്കും. ഇതിനായി 200 കോടി വകയിരുത്തി. ഹോസ്റ്റലുകളോട് ചേർന്ന് ഇന്റർനാഷണൽ ഹോസ്റ്റലുകളും 1500 പുതിയ ഹോസ്റ്റൽ മുറികളും നിർമ്മിക്കും. തിരുവനന്തപുരത്ത് മെഡിക്കൽ ടെക് ഇന്നൊവേഷൻ കേന്ദ്രം ആരംഭിക്കും. അതിനായി കിഫ്ബി വഴി 100 കോടി അനുവദിക്കും. സ്കിൽ പാർക്കുകൾക്ക് 350 കോടി. 140 മണ്ഡലങ്ങളിലും സ്കിൽ കേന്ദ്രങ്ങൾ ലഭിക്കും. മെഡിക്കൽ ടെക് ഇന്നൊവേഷൻ കേന്ദ്രങ്ങൾ സ്ഥാപിക്കാൻ 150 കോടിയും മൈക്രോ ബയോ കേന്ദ്രങ്ങൾക്ക് 5 കോടിയും ഗ്രാഫീൻ ഗവേഷണത്തിന് ആദ്യ ഗഡുവായി 15 കോടിയും വകയിരുത്തുമെന്ന് ധനമന്ത്രി ബജറ്റിൽ പ്രഖ്യാപിച്ചു.
കേരളത്തിലെ സര്വ്വകലാശാല ക്യാമ്പസുകളില് ട്രാന്സിലേഷണല് റിസര്ച്ച് സെന്ററുകള് വികസിപ്പിക്കും. ഈ സെന്ററുകളോട് ചേര്ന്ന് സ്റ്റാര്ട്ട്പ്പ് ഇന്കുബേഷന് സെന്ററുകള് സജ്ജമാക്കും. ഇതിനായി കേരള, കാലിക്കറ്റ്, എംജി, കണ്ണൂര്, കുസാറ്റ്, ഫിഷറീസ്, മെഡിക്കല്, ടെക്നിക്കല്, വെറ്റിനറി അഗ്രികള്ച്ചറല് സര്വ്വകലാശാലകള്ക്ക് 20 കോടി വീതം ആകെ 200 കോടി രൂപ കിഫ്ബി പദ്ധതിയില്പ്പെടുത്തി അനുവദിക്കും. സര്വ്വകലാശാല ക്യാമ്പസുകളില് പുതിയ ഹ്രസ്വകാല കോഴ്സുകളും പിജി കോഴ്സുകളും പ്രൊജക്ട് മോഡില് ആരംഭിക്കുന്നതിനായി പ്രത്യേക പദ്ധതികള് അനുവദിക്കും. ആധുനികമായ പുതിയ കോഴ്സുകള് രൂപകല്പ്പന ചെയ്ത് നിലവിലെ ഡിപ്പാര്ട്ട്മെന്റുകളുടെ സഹായത്തോടെ നടപ്പാക്കും. അഞ്ചുവര്ഷത്തേക്ക് വിഭാവനം ചെയ്യുന്ന പദ്ധതിയില് ഓരോ യൂണിവേഴ്സിറ്റിയിലും മൂന്ന് മൂന്ന് പ്രൊജക്ടുകള് വീതം ഈ വര്ഷം അനുവദിക്കും. ഇതിനായി ഈ വര്ഷം 20 കോടി വീതം അനുവദിക്കുന്നു
രണ്ടാം പിണറായി സർക്കാരിന്റെ ആദ്യ സമ്പൂർണ്ണ ബജറ്റാണ് ധനമന്ത്രി ഇന്ന് അവതരിപ്പിക്കുന്നത്. കടുത്ത സാമ്പത്തിക പ്രതിസന്ധി നിലനിൽക്കെ ബജറ്റിൽ വമ്പൻ പ്രഖ്യാപനങ്ങൾക്കുളള സാധ്യത കുറവാണ്. വിവിധ നികുതികൾ വർദ്ധിപ്പിച്ചേക്കും. സേവനങ്ങൾക്കുള്ള ഫീസുകളും കൂടും. സംസ്ഥാനത്തിന്റെ ദീർഘകാല ലക്ഷ്യം വെച്ചുള്ള ബജറ്റാണ് ഇന്നവതരിപ്പിക്കുന്നതെന്നാണ് അവതരത്തിന് മുമ്പ് ധനമന്ത്രി കെഎൻ ബാലഗോപാൽ മാധ്യമങ്ങളോട് പ്രതികരിച്ചത്. ജനങ്ങൾക്ക് കാര്യമായ ബുദ്ധിമുട്ടുണ്ടാക്കില്ല. വിലക്കയറ്റം നിയന്ത്രിക്കുന്നതിന് വേണ്ടിയുള്ള നടപടികളുണ്ടാകും. കേരളത്തിന്റെ ദീർഘകാല വികസനം ലക്ഷ്യമിട്ടുള്ള ബജറ്റാണ്. അതിനാൽ ഭരണ പക്ഷത്തിനൊപ്പം പ്രതിപക്ഷത്തിന്റെയും സഹകരണം പ്രതീക്ഷിക്കുന്നുവെന്നും അദ്ദേഹം പറഞ്ഞു. ബാലഗോപാലിന്റെ രണ്ടാമത്തെ ബജറ്റാണ് ഇന്നവതരിപ്പിക്കുന്നത്.
കേരള ബജറ്റ് ഒറ്റ നോട്ടത്തിൽ
- ലോക സമാധാനത്തിനായി ആഗോള ഓൺലൈൻ സെമിനാർ - 2 കോടി
- വിലക്കയറ്റം നേരിടാൻ - 2000 കോടി
- ഭക്ഷ്യ സുരക്ഷക്ക് - 2000 കോടി
- സർവകലാശാലകളിൽ സ്റ്റാർട്ട് അപ് ഇൻകുബേഷൻ യൂണിറ്റ് - 200 കോടി
- സർവകലാശാലകളിൽ രാജ്യാന്തര ഹോസ്റ്റലുകൾ
- തിരുവനതപുരത്ത് മെഡിക്കൽ ടെക് ഇന്നൊവേഷൻ പാർക്ക് - 150 കോടി
- 140 മണ്ഡലത്തിലും സ്കിൽ പാർക്കുകൾ - 350 കോടി
- മൈക്രോ ബയോ കേന്ദ്രങ്ങൾ - 5 കോടി
- ഗ്രാഫീന് ഗവേഷണത്തിന് - ആദ്യ ഗഡു 15 കോടി
- ഐടി ഇടനാഴികളിൽ 5 G ലീഡർഷിപ്പ് പാക്കേജ്
- ദേശീയ പാത 66 ന് സമാന്തരമായി നാല് ഐ ടി ഇടനാഴികൾ
- കൊല്ലത്തും കണ്ണൂരും പുതിയ ഐടി പാർക്ക് - 1000 കോടി
- വർക്ക് നിയർ ഹോം പദ്ധതി - 50 കോടി
- നാല് സയൻസ് പാർക്കുകൾ - 1000 കോടി
- ആഗോള ശാസ്ത്രോത്സവം തിരുവനന്തപുരത്ത് - 4 കോടി
- മരിച്ചീനിയിൽ നിന്ന് സ്പിരിറ്റ് - ഗവേഷണത്തിന് 2 കോടി
- അഗ്രി ടെക് ഫെസിലിറ്റി സെന്റർ - 175 കോടി
- പത്ത് മിനി ഫുഡ് പാർക്ക് -100 കോടി
- റബ്ബർ സബ്സിഡി - 500 കോടി
- 2050 ഓടെ കാർ ബൻ ബഹിർഗമനം ഇല്ലാതാക്കും
- ഫെറി ബോട്ടുകൾ സോളാറാക്കും
- വീടുകളിൽ സോളാർ സ്ഥാപിക്കാൻ വായ്പയ്ക്ക് പലിശ ഇളവ്
- ഡാമിലെ മണൽ വാരം യന്ത്രങ്ങൾ വാങ്ങാൻ - 10 കോടി
- ശുചിത്വ സാഗരം പദ്ധതി - 10 കോടി
- പരിസ്ഥിതി ബജറ്റ് 2023 മുതൽ
- നെൽകൃഷി വികസനം - 76 കോടി
- നെല്ലിന്റെ താങ്ങു വില - 28 രൂപ 20 പൈസ
- തിര സംരക്ഷണം - 100 കോടി
- മനുഷ്യവന്യ ജീവി സംഘർഷം തടയാൻ - 25 കോടി
- കുട്ടനാട്ടിലെ വെള്ളപ്പൊക്കം തടയാൻ - 140 കോടി
- ആലപ്പുഴ-കോട്ടയം വെള്ളപ്പൊക്ക ഭീഷണി തടയാൻ - 33 കോടി
- ശബരിമല മാസ്റ്റർ പ്ലാൻ - 30 കോടി
- ഇലക്ട്രോണിക് ഹാർഡ് വെയർ ടെക്നോളജി ഹബ്ബ് സ്ഥാപിക്കും
- ഒരു കുടുംബം ഒരു സംരംഭം പദ്ധതി - 7 കോടി
- സ്വകാര്യ വ്യവസായ പാർക്കുകൾക്ക് പ്രോത്സാഹനം
- ടൈറ്റാനിയം മാലിന്യത്തിൽ നിന്നും മുല്യവർദ്ധിത ഉത്പന്നങ്ങൾ
- സംസ്ഥാനത്ത് 2000 വൈ ഫൈ കേന്ദ്രങ്ങൾ
- ഡിജിറ്റൽ സർവ്വകലാശാലക്ക് - 23 കോടി
- കെ ഫോൺ ആദ്യ ഘട്ടം ജൂൺ 30 നു തീർക്കും
- തിരുവനന്തപുരം ഔട്ടർ റിംഗ് റോഡ് - 1000 കോടി
- പ്രളയത്തിൽ തകർന്ന പാലങ്ങൾക്ക് - 92 കോടി അനുവദിച്ചു
- പുതിയ 6 ബൈപ്പാസുകൾക്ക് - 200 കോടി