ജോലി തേടുന്നവർക്ക് വമ്പൻ അവസരം! ആറ് കമ്പനികളിലായി 200ഓളം ഒഴിവുകൾ; മലപ്പുറത്ത് തൊഴില്മേള 20ന്
Synopsis
മലപ്പുറം ജില്ലാ എംപ്ലോയ്മെന്റ് എക്സ്ചേഞ്ചിന്റെ ആഭിമുഖ്യത്തിൽ ജനുവരി 20ന് തൊഴിൽമേള സംഘടിപ്പിക്കുന്നു. ആറ് കമ്പനികളിലായി 200ഓളം ഒഴിവുകളിലേക്കാണ് നിയമനം.
മലപ്പുറം: ജില്ലാ എംപ്ലോയ്മെന്റ് എക്സ്ചേഞ്ച്, എംപ്ലോയബിലിറ്റി സെന്ററിന്റെ ആഭിമുഖ്യത്തില് വിവിധ സ്ഥാപനങ്ങളില് റിപ്പോര്ട്ട് ചെയ്ത ഒഴിവുകളിലേക്കായി തൊഴില്മേള സംഘടിപ്പിക്കും. ജനുവരി 20ന് രാവിലെ പത്ത് മുതല് 1.30 വരെ ജില്ലാ എംപ്ലോയ്മെന്റ് എക്സ്ചേഞ്ച്/എംപ്ലോയബിലിറ്റി സെന്ററില് അഭിമുഖം നടക്കും. ആറ് കമ്പനികളിലായി ഇരുന്നൂറോളം ഒഴിവുകളിലേക്കാണ് നിയമനം നടക്കുന്നത്.
എസ്.എസ്.എല്.സി, പ്ലസ് ടു, ഡിഗ്രി, ഗ്രാജ്വേഷന് തുടങ്ങിയ യോഗ്യതകള് ഉള്ളവര്ക്ക് അപേക്ഷിക്കാം. മുന്പ് രജിസ്റ്റര് ചെയ്ത ഉദ്യോഗാര്ഥികള്ക്കും പ്രവേശനം സൗജന്യമായിരിക്കും. സ്പോട്ട് രജിസ്ട്രേഷന് സൗകര്യവും ഉണ്ട്. എംപ്ലോയബിലിറ്റി സെന്ററില് നേരിട്ടെത്തി 300 രൂപ അടച്ച് രജിസ്ട്രേഷന് നടത്താം. ഫോട്ടോ, ആധാര് കാര്ഡ് പകര്പ്പ്, യോഗ്യത സര്ട്ടിഫിക്കറ്റുകളുടെ പകര്പ്പ്, ബയോഡാറ്റ പകര്പ്പ് (7 കോപ്പി) എന്നിവയും ഉദ്യോഗാര്ഥികള് അഭിമുഖത്തിന് ഹാജരാക്കണം. ഫോണ്- 0483-2734737, 8078428570.
സ്ട്രേ വേക്കൻസി ഫില്ലിംഗ് അലോട്ട്മെന്റ്; ഓപ്ഷനുകൾ രജിസ്റ്റർ ചെയ്യാൻ അവസരം
2025-26 അദ്ധ്യയന വർഷത്തെ ആയൂർവേദ/ഹോമിയോ/സിദ്ധ/യുനാനി/മെഡിക്കൽ അനുബന്ധ കോഴ്സുകളിലേയ്ക്കുള്ള നാലാംഘട്ട സ്ട്രേ വേക്കൻസി ഫില്ലിംഗ് അലോട്ട്മെന്റിന് ശേഷം ഒഴിവുളള സീറ്റുകൾ നികത്തുന്നതിനായി അഞ്ചാംഘട്ട സ്ട്രേ വേക്കൻസി ഫില്ലിംഗ് അലോട്ട്മെന്റ് നടത്തും.
പ്രവേശന പരീക്ഷാ കമ്മീഷണർ പ്രസിദ്ധീകരിച്ച കേരള സ്റ്റേറ്റ് മെഡിക്കൽ റാങ്ക് ലിസ്റ്റിൽ ഉൾപ്പെട്ടിട്ടുളള വിദ്യാർത്ഥികൾക്ക് അഞ്ചാംഘട്ട സ്ട്രേ വേക്കൻസി ഫില്ലിംഗ് അലോട്ട്മെന്റിനായി ജനുവരി 19ന് രാവിലെ 11 വരെ ഓൺലൈനായി ഓപ്ഷനുകൾ രജിസ്റ്റർ ചെയ്യാം. വിശദമായ വിജ്ഞാപനത്തിനായി പ്രവേശന പരീക്ഷാ കമ്മീഷണറുടെ www.cee.kerala.gov.in എന്ന വെബ്സൈറ്റ് കാണുക. ഹെൽപ് ലൈൻ നമ്പർ: 0471 2525300.