സിവിൽ സർവീസ് പരീക്ഷാ പരിശീലനത്തിന് അപേക്ഷിക്കാം; ക്ലാസ് 16ന് ആരംഭിക്കും

പ്രിലിംസ് കം മെയിൻസ് കോഴ്‌സിന് ഫീസടച്ച ഉദ്യോഗാർത്ഥികൾ ഓപ്ഷണൽ വിഷയങ്ങൾക്ക് കോഷൻ ഡെപ്പോസിറ്റ് വീണ്ടും അടയ്‌ക്കേണ്ടതില്ല.

തിരുവനന്തപുരം: സെന്റർ ഫോർ കണ്ടിന്യൂയിംഗ് എഡ്യൂക്കേഷൻ കേരളയുടെ കീഴിൽ കേരള സ്റ്റേറ്റ് സിവിൽ സർവീസ് അക്കാഡമിയുടെ മണ്ണന്തലയിലെ മുഖ്യ കേന്ദ്രത്തിലും പൊന്നാനി, കോഴിക്കോട്, പാലക്കാട്, കല്യാശ്ശേരി (കണ്ണൂർ), കൊല്ലം (ടി.കെ.എം ആർട്‌സ് ആൻഡ് സയൻസ് കോളേജ്) എന്നീ ഉപകേന്ദ്രങ്ങളിലും സിവിൽ സർവീസ് പ്രിലിംസ് കം മെയിൻസ് (ഓപ്ഷണൽ വിഷയങ്ങളിലൂടെ) പരീക്ഷാ പരിശീലന ക്ലാസ്സിലേക്ക് അപേക്ഷ ക്ഷണിച്ചു.  കോഴ്‌സ് ഫീ - 13,900 രൂപ (ഫീസ് - 10,000, ജി.എസ്.റ്റി - 1,800,  കോഷൻ ഡെപ്പോസിറ്റ് - 2,000, ഫ്‌ളഡ് സെസ്സ് - 100).  

പ്രിലിംസ് കം മെയിൻസ് കോഴ്‌സിന് ഫീസടച്ച ഉദ്യോഗാർത്ഥികൾ ഓപ്ഷണൽ വിഷയങ്ങൾക്ക് കോഷൻ ഡെപ്പോസിറ്റ് വീണ്ടും അടയ്‌ക്കേണ്ടതില്ല.  ഓൺലൈൻ രജിസ്‌ട്രേഷൻ സൗകര്യം www.ccek.org, www.kscsa.org  ൽ ഈ മാസം പത്ത് വരെ ലഭിക്കും.  11 മുതൽ 15 വരെ ഓൺലൈനായി ഫീസടയ്ക്കാം.  ക്ലാസ് 16ന് ആരംഭിക്കും. വിശദവിവരങ്ങൾക്ക്: തിരുവനന്തപുരം - 0471 2313065, 2311654, 8281098862, 8281098863, പൊന്നാനി - 0494 2665489, 8281098868, പാലക്കാട് - 0491 2576100, 8281098869, കോഴിക്കോട് - 0495 2386400, 8281098870, കല്യാശ്ശേരി - 8281098875, കൊല്ലം - 9446772334.