Education : വിദ്യാഭ്യാസ മേഖലയിൽ കൂടുതൽ നിക്ഷേപം നടത്തണം; പ്രൈവറ്റ് കമ്പനികളോട് മന്ത്രി ധർമേന്ദ്ര പ്രധാൻ

കോർപ്പറേറ്റ് സോഷ്യൽ റെസ്‌പോൺസിബിലിറ്റി (സി‌എസ്‌ആർ) പ്രകാരം വിദ്യാഭ്യാസ മേഖലയിൽ കൂടുതൽ നിക്ഷേപം നടത്താൻ സ്വകാര്യ കമ്പനികളോട് അഭ്യർത്ഥിച്ച് കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ. 

ദില്ലി: കോർപ്പറേറ്റ് സോഷ്യൽ റെസ്‌പോൺസിബിലിറ്റി (സി‌എസ്‌ആർ) (Corporate Social Responsibility) പ്രകാരം വിദ്യാഭ്യാസ മേഖലയിൽ (Education Sector) കൂടുതൽ നിക്ഷേപം നടത്താൻ സ്വകാര്യ കമ്പനികളോട് അഭ്യർത്ഥിച്ച് കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ (Dharmendra . സിഎസ്ആർ നിക്ഷേപത്തിന്റെ വലിയൊരു ഭാഗം വിദ്യാഭ്യാസ മേഖലയിൽ നിക്ഷേപിക്കുന്നിടത്ത് സമവായം ഉണ്ടാക്കണമെന്ന് വിദ്യാഭ്യാസ മന്ത്രി പറഞ്ഞു. ഉദ്യോ​ഗാർത്ഥികൾ ആ​ഗ്രഹിക്കുന്ന മേഖലകളിലെ വിദ്യാഭ്യാസത്തെ പ്രോത്സാഹിപ്പിക്കുന്നതിനായി രാഷ്ട്രീയ ഉച്ചതർ ശിക്ഷ അഭിയാൻ ആരംഭിക്കാൻ പോകുകയാണെന്നും മന്ത്രി പറഞ്ഞു. 

കമ്പനി നിയമം 2013 പ്രകാരം കമ്പനിയുടെ അറ്റാദായത്തിന്റെ 2 ശതമാനം സിഎസ്ആർ മേഖലയിൽ ചെലവഴിക്കണം. ആ രണ്ട് ശതമാനനത്തിന്റെ 50 ശതമാനം വിദ്യാഭ്യാസ മേഖലക്കായി നീക്കിവെക്കണമെന്ന് മന്ത്രി സർക്കാരിനോട് ശുപാർശ ചെയ്യണം. സർക്കാരിന്റെ മുൻ​ഗണനയിലുളള കാര്യമാണിതെന്നും വിദ്യാഭ്യാസ മന്ത്രി ധർമേന്ദ്ര പ്രധാൻ വ്യക്തമാക്കി. സിഎസ് ആർ പ്രവർത്തനങ്ങളുടെ ഭൂരിഭാ​ഗവും ചെലവഴിക്കുന്ന വിദ്യാഭ്യാസ മേഖലയിലാണെന്നും അദ്ദേഹം വ്യക്തമാക്കി. പല കമ്പനികളും അവരുടെ എൻഡോവ്മെന്റുകളിലൂടെ വിദ്യാഭ്യാസത്തിൽ നിക്ഷേപം നടത്തുന്നുണ്ട്. പ്രത്യേകിച്ച് ആധുനിക കാലത്തെ കമ്പനികൾ വിദ്യാഭ്യാസത്തിൽ നിക്ഷേപം നടത്തുന്നതിൽ വളരെ മികച്ച മാതൃകയാണ് പിന്തുടരുന്നതെന്നും അദ്ദേഹം കൂട്ടിച്ചേർത്തു.