2019 സെപ്റ്റംബറിലാണ് 12,000-ഓളം തസ്തികകളിലായി ഐ.ബി.പി.എസ്. അപേക്ഷ ക്ഷണിച്ചത്.
ദില്ലി: ക്ലര്‍ക്ക് തസ്തികയിലേക്ക് നടത്തിയ മെയിന്‍ പരീക്ഷയുടെ ഫലം പ്രസിദ്ധീകരിച്ച് ഇന്‍സ്റ്റിറ്റ്യൂട്ട് ഓഫ് ബാങ്കിങ് പേഴ്‌സണല്‍ സെലക്ഷന്‍ (ഐ.ബി.പി.എസ്). www.ibps.in എന്ന വെബ്‌സൈറ്റ് വഴി ഉദ്യോഗാര്‍ഥികള്‍ക്ക ഫലം പരിശോധിക്കാം. ജനുവരി 19-നാണ് 2.40 മണിക്കൂര്‍ ദൈര്‍ഘ്യമുള്ള പരീക്ഷ നടത്തിയത്. 2019 സെപ്റ്റംബറിലാണ് 12,000-ഓളം തസ്തികകളിലായി ഐ.ബി.പി.എസ്. അപേക്ഷ ക്ഷണിച്ചത്. ഡിസംബറിലാണ് പ്രിലിമിനറി പരീക്ഷ നടന്നത്.
കോവിഡ്-19 വ്യാപനത്തെ തുടർന്ന് റിക്രൂട്ട്മെന്റ് നടപടികൾ നിർത്തിവെച്ചിരിക്കുകയായിരുന്നു ബാങ്കിങ് മേഖലയിലെ റിക്രൂട്ട്മെന്റ് ഏജൻസിയായ ഐ.ബി.പി.എസ്. പ്രോബേഷനറി ഓഫീസർ, ക്ലർക്ക്, സ്പെഷ്ലിസ്റ്റ് ഓഫീസർ, തുടങ്ങിയ തസ്തികകളിലെ ഫല പ്രഖ്യാപനവും വിവിധ തസ്തികകളിലേക്കുള്ള പരീക്ഷകളുമാണ് അനിശ്ചിതകാലത്തേക്ക് നീട്ടിയിരിക്കുകയാണ്.